Kə̀fwàʼ 3:14 - To kə Kəzə̀ kə̀ Fughu ko

¹⁴ Ghɛ̀ m fwə̀n tùe màʼà tsùghu ghùw ù Zɔ̀lɔ, mò ù lò sughò Tsə̄ghātsə̄ghā, kòom dzɛ̀ ndùw enyəa ghe tsʉā zəghàa səā wô ghɛ̀ â ghùw wəla ù wiī ghî ghò.

Kə̀fwàʼ 3:14 Iomraidhean Croise

Matìo 27:20

Tuw u təfɔ̀e ghèe ghê tsoʼ to, n dzɛ̀ tsughu â naʼ zo enyəa ghe bvʉā ndûw Bàlabâ, ghe kuūwn nîi wiī maʼà ndûw Yɛso.

Mâk 1:24

Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”

Mâk 15:11

Tuw u təfɔ̀e wə̀ nùghù tsùʼ sòʼ kɔ̀ʼ aghî enyəa ghe dzâa ndûw â Paelɛ̀t enyəa ù kuūwn zəghà səā wô ghee â Bàlabâs.

Mâk 15:7

Bàlabâ fə̀ lo sugho nû aŋ ghê tùghùkə̀tuw ghəla ghe fə̀ lo a fughu an ndùghùtsāʼ enyəa ghe fə̀ wi ghùw alo kəndə̀m.

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Lûk 23:25

Ù n tsʉ̀ zə̀ghàa sə̀ wò Bàlabâs wəla naʼ e bvʉā, tɔɔŋ tûw wəla ù fə kɔʼ ndùghùtsāʼ kùu ndùw ndə̀m kəla kə fə sə enaʼ ghùw m kpuw a te, kuuwn nì fùghù sə̀ ndùw Yɛso â ghee aŋ ghəa ghe ləghaa.

Dzɔ̌n 16:10

Ù lo dêe sughò â ghee enyəa ghe m bvʉ̀ kòmlò aŋ ghəa zəla e lô tsəghatsəgha, bòʼ enyəa Ǹ ndûuw a vʉ̀a Bə̀ghà; ghɛ̀ lo kòom kòʼò tsə̀ghà yò mugho.

Dzɔ̌n 18:40

Ghe m bɛ̀lɛ̀ nduw wə̄n alo mbɔ̀ŋ enyəa, “Ɛ̂ŋgaŋ dzə̂, ghàʼ ləghaa ko Bàlabâ.” Bàlabâ fə̀ lo ghùwtsɔ̀ŋɔ ù bǐigh.

Kə̀fwàʼ 13:28

Ghəa ghe mò doʼŋ̀kè buʼù kôʼò ko èghəa to ghe e tsəghàsò kə̀làŋ enyəa ù kpuw a te, ghe m mgbɛɛ dzɛ̀ ndùw ko â Paelɛ̀t enyəa ù ghəə̄ŋ tsughu enyəa ghe wiī maʼà tsughu wə̄n.

Kə̀fwàʼ 2:27

Tɔŋlo enyəa ghù kè nǎaŋ tàʼn yò ghue waŋa wo an naʼ zə evʉ̄, ghù kè zə̀ghàan màʼn sùghò yò enyəa Wɛ wʉ̂a ù Dzùŋ fìaa buŋù ndûw.

Kə̀fwàʼ 22:14

Ù n dzɛ̀ tsùghù enyəa, ‘Zə̀ kə ghê tselè sɛ̀ kə̀ ŋ ghù nî enyəa ghù è kwo fəghà kə ləghaa, ghù koʼ Ghûw Tsəghatsəgha ù wə̄n u te, ghù zuw tsughu sugho shwaʼ u wə̄n wo alo edzughu:

Kə̀fwàʼ 4:27

Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu.

Kə̀fwàʼ 5:28

â ghee enyəa, “A mò tɔʼ kʉɛ̄ɛn tsughu ghɛ enyəa e kwo ghɛ̀ lô zoʼn ghî ghò aŋ ghəa a tûw wə̀n, ghɛ̌ yəa tsʉ̂ ghî ghò, tsʉ̂ zɛʼɛ zə e ndza tsughu Yɛ̀lusalɛ̀m e dzə̀m, ghɛ̀ yia ndôʼ tsə̂m tsughu sughò aledzəso ghàʼ am vʉ e tûw wə̄n.”

Kə̀fwàʼ 7:52

À fə̀ lo ghùwshʉ̀ghà ù ghɛ̌ wò aŋ ghǐishʉ̀ghà ghê tsùghò fə̀ doʼŋkè fəmso à? Ghe ŋ wiin sùghò ghì ghəla ghe fə̀ naʼn wô bughò e Ghûw ù tsəghatsəgha zo, wəlà ghɛ̀ fêe fughu tsughu êzə̄ŋ, wì màʼà è tsughu:

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Dzɛ̂ms 5:6

Ghɛ̌ yia zɔ̂ʼ kwu ghî gho mo ghu a ghee a zɔlɔ nù, ghɛ̀ yia wiīn maʼa ghee, mo ghe kâ ghue e bûʼ sə̀ghànlò.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 2:1

Ŋ̀ ghəa ghən fɛ tɔɔ wò â ghɛ̀ a wɛ ghaŋā gho, enyəa e kwo ko ghùw wɛʼɛ lô so e ghəŋlo èbo. Abugho ghùw ù mɔʼɔ̄ kpaʼ ghəəŋ tsughu bo zo, a ki nu ghùw wəla ù buʼū ghu ko an tuw u sɛ̀ a vʉ̀a Tsele ù sɛ̀, tɔɔŋ Yɛso Kə̀lestò, ghùw ù tsəghatsəgha.

Edêe Fughu 3:7

Yɛso n dzɛ̀ wò â mùgho enyəa, “Tɔm ndùw â tsə̀ndə̄ghā è â dzeŋe kə ghì a Kəzə̀ ghò è zə̂ am Fìlàdɛfìa enyəa, ‘Ghùw wəla u zɔlɔ̄, kə̀a sùghò êsəŋò, vʉ̀a ù ki tsʉ kə Dɛvìd kò, ù dzɛ̀ enyəa, abugho ù dzʉ̀a fê sə wo ndughu, ghùw n yo aletsʉ̄, abugho tsʉ naŋa tsughu ndughu, ghùw n yo alefè.