Kə̀fwàʼ 3:13 - To kə Kəzə̀ kə̀ Fughu ko

¹³ À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Kə̀fwàʼ 3:13 Iomraidhean Croise

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Matìo 20:19

Ghe lo daŋso fughuu tsəghà ndûw wə̄n â Tòʼò zò ghe lo sûuwn wə̄n, ghe bu wən alo təkwùu, ghe daŋso nîi təghàa kɔʼ wə̄n, Zə̀ kə̀ lo zôo nughù kɔʼ wə̄n alo evʉ̄ bugho tsuʼu m kê kpe tsughu n təgha.”

Matìo 22:32

‘Ǹ lo Zə̀ kə Abə̀làhâm, Zə̀ kə Aezìk, lò sugho Zə̀ kə Yàkɔ̂b.’ Ù yò dzə Zə̀ kə ghì a kpuuwn gho, Ù lǒ Zə̀ kə ghì a sə̀ à tughu gho.”

Matìo 27:2

Ghe daŋso kwù kùm tsùghu wə̄n alo tətsāʼ, nì nùghù ndùw kɔʼ wə̄n, ndùw fùghù ndùw â Paelɛ̀t, tɔɔŋ gɔvə̀nò ù Lumà wəla ù fə̀ lɛɛ̄n mbùʼ è te.

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Mâk 15:11

Tuw u təfɔ̀e wə̀ nùghù tsùʼ sòʼ kɔ̀ʼ aghî enyəa ghe dzâa ndûw â Paelɛ̀t enyəa ù kuūwn zəghà səā wô ghee â Bàlabâs.

Lûk 22:57

Pità n tùe màʼà ghəa yì, dzɛ̀ enyəa, “Êwɛ̀, Ŋ̀ kwò dzə yo wə̄n.”

Lûk 23:4

Paelɛ̀t n daŋso dzɛ̀ â tuw u tə fɔ̀e wò, àsùghò nɔ̀e kə aghì chi ko enyəa, “Ŋ̀ kâ ghəa è biigh è li e kôʼ ghùw wə̄n ghəŋlo.”

Lûk 6:37

Ghɛ̀ ka e saʼa ghî ghò, Zə̀ kə̀ lô saʼā sughò ghɛ; kà nî sùghò enyəa ghùw ghə̌əŋ boon nù, Zə̀ kə̀ lô nîi sughò enyəa ghɛ̀ ŋ ghəəŋ bonlo. Ghuūw maʼa nlò bôo tə aghì tò, Zə̀ kə̀ lo Ghuūw maʼà sughò bòo tɛʼɛ.

Dzɔ̌n 12:16

Tsə̀təndə̄ghā tə wə̄n tə ka fə bûʼ kǎam zuwkɛ̄lɛ̄ dzə̀ ghəa ghən gho sûesʉ. À fə̀ gɔʼɔ ko an nə̀ghà zəla Yɛso bùghò kpuw tsughu a te, zòo nughu kɔʼ ndùw alo kəwālā. Ghe n daŋso tɛ̀ mòʼn wò ghəa ghəla ghe fə̀ tɔm naŋā kùu ndùw Yɛso, àsùghò enyəa ghən lò ghəa a te gho ghî a mò ghəŋlo a zəŋò wə̄n.

Dzɔ̌n 18:40

Ghe m bɛ̀lɛ̀ nduw wə̄n alo mbɔ̀ŋ enyəa, “Ɛ̂ŋgaŋ dzə̂, ghàʼ ləghaa ko Bàlabâ.” Bàlabâ fə̀ lo ghùwtsɔ̀ŋɔ ù bǐigh.

Dzɔ̌n 19:11

Yɛso m bɛ̀lɛ̀ ndùw wə̄n enyəa, “Ghù yò alekelê daʼa kə̀ li ko a zəŋò mùghò mo kə ka sə̀ tsùghù wò aŋ ghùu Zə̀ kò; e fi lo nû enyəa à dùw tsə̀ghà bo e ghùw wəla ù nì fughu sə wô mugho aŋ ghulô ghɛ̀.”

Dzɔ̌n 19:12

A m bùghò Paelɛ̀t zuw tsughu êzə̀, ù ŋ kàʼ alekə̄ŋ tə dziī alezə̀ghàa maʼà Yɛso. Dzuū tə ŋ kuuwn tughuu səa kɔʼɔ ko â dzə̀ tò enyəa, “Abugho ghù zə̀ghàa maʼà nduw ghùw wə̄n, à fi lo enyəa ghù dɔ̀ɔm yò dzə̂ fən ù Də̀ŋ kə Lumà kò; nu ghəəŋ tsə̀ghà dzə̀ ghùw fɛ alo enaʼ enyəa e lo kədə̀ŋ, à fi lo enyəa ù tsʉ̂ʉn tuw kə Də̀ŋ kə Lumà.”

Dzɔ̌n 19:15

Ghe n tughuu səa kɔʼɔ ko â dzə̀ enyəa, “Wi wə̄n, wi wə̄n, təgha wə̄n alo kə dâŋlo!” Paelɛ̀t m bvʉ â ghee enyəa, “A wi dəŋ kɛʼɛ a?” Tuw u təfɔ̀e wə m bɛ̀lɛ̀ ndùw wə̄n enyəa, “Ghaʼ ki yo də̀ŋ kə̀ li ko, à gɔ̀ʼɔ̀ ko yo Də̀ŋ kə Lumà kò.”

Dzɔ̌n 7:39

Ù fə̀ enyə kəaa kùʼu ndùw Zuʼ tə̀ Zɔlɔ to, təla ghî ghəla ghe fə̀ boō fughu tsughu â wə̄n fə̀ ki alekele. A n lo êzə̀ mo Zuʼ tə̀ Zɔlɔ tə te tə kaām bughò, bòʼ à màʼâ fə̀ naām lo mò Zə̀ kə kaām kwe u Yɛso ù təma wə n nî dè sə̀ kɔʼ aŋ kɔʼso məla Yɛso ki ghè mò.

Kə̀fwàʼ 22:14

Ù n dzɛ̀ tsùghù enyəa, ‘Zə̀ kə ghê tselè sɛ̀ kə̀ ŋ ghù nî enyəa ghù è kwo fəghà kə ləghaa, ghù koʼ Ghûw Tsəghatsəgha ù wə̄n u te, ghù zuw tsughu sugho shwaʼ u wə̄n wo alo edzughu:

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Kə̀fwàʼ 4:27

Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu.

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Kə̀fwàʼ 7:32

‘Ǹ lo Zə̀ kə ghê tselè tsùghò, tɔ̂ɔŋ Zə̀ kə Abə̀làhâm ghèe ghê Aezìk àsùghò Yàkɔ̂b.’ Musî ŋ kaʼ tsughu aletsə̄ŋ, tsəŋlo enyə kàʼkàʼkàʼ, tsəŋ ghaʼ tsughu alelɛɛ̄n ndûw fughu.

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

Hibùlù 2:9

A kuuwn kòʼò ndùw nù Yɛso, wəla ghe fə̀ ghəə̄ŋ tsughu enyəa tsə̀təndə̄ghā tə tsùuŋ tsə̀ghàsə tsughu wə̄n aŋ kəmà fə kəgha, Zə̀ kə̀ n tsuʼ naŋa kɔʼ wə̄n alo udwaʼa àsùghò kɔʼso mò, aŋghəa u mò fala alekpuw, enyəa an dzɔ̀ zəla Zə̀ kə̀ ki a zəŋò sɛ̀ to ù mò kpuw an tuw u ghì ghən a dzə̀m.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.