Kə̀fwàʼ 3:1 - To kə Kəzə̀ kə̀ Fughu ko

¹ Tsuʼ ù li wo Pità ŋ kɔʼɔ ndùw an ndughu è Kə̀zə̀ e nē ghèe Dzɔ̌n an tàm tə ezūuw tə təgha â tsə̀ tò an nə̀ghà zəla ghe gɔ̂ɔŋlo a te.

Kə̀fwàʼ 3:1 Iomraidhean Croise

Matìo 17:1

Ghəa tsuʼ n tsəghà tsughu tǔu, Yɛso n nì kɔ̀ʼ ndùw Pità ghèe ghê Dzɛ̂ms ghèe wàazə̀ Dzɔ̌n, ghe n nùghù kɔ̀ʼ ndùw an ndɔ̀ŋɔ̀ ndɔ̀ŋɔ̀ fə ukwàʼ a fughu ghee à nəŋ ko.

Matìo 26:37

Ù mo e nduūw nù, nì kɔ̀ʼ Pità àsùghò wɛ a Zɛbɛ̀dîi yì à bə̀ghà, ù n nùghù mùŋe dòʼò è tsùghù ènyə, kaʼ tsughu alebàŋsò fə̀ŋ.

Matìo 27:45

An zùuw è kɔʼɔ teme zo, ləm kə n nùghù bvʉ̀ tsùghù luʼū kə te ko kə dzə̀m, dòʼò tàm tə ezūuw tətəgha.

Lûk 1:10

Ghəa ù kpɛ̀ɛn nyeē zo, kwele kə aghì kə̀ ŋ kuuwn lò a beē, ghe gɔ̂ŋlo.

Lûk 18:10

Ù n dzɛ̀ â ghee enyəa, “Ghî à li a fə̀ nughu tsughu ghee a bə̀ghà alekɔʼɔ̄ gɔ̂ŋlò am be kə̀ ne ko; aŋ ghee ghən à bə̀ghà, ù mɔ̀ʼ fə̀ lo Falàsîi, u mɔ̀ʼ n lo dzə̀akə̀mwàʼsò.

Lûk 22:8

Yɛso n tum tsughu Pità ghèe Dzɔ̌n â ghee enyəa, “Ndǔw ghəəŋ tsughu nlò fəghàzəa kə kəzə kə̀ Ezəŋsō naŋa ko, a lô zəā.”

Lûk 24:53

Ghe m mughu zēe tsəgha ko am be kə̀ ne ko, ghe ndûw kɔʼso Zə̀ kò.

Dzɔ̌n 21:7

Tsə̀ndə̄ghā zəla Yɛso fə̀ ləgha tsəgha n dzɛ̀ â Pità enyəa, “A lo Mughu ù te!” A m bùghò Pità zuw tsughu êzə̀, ù n nì dzə̀la kɔʼ ndzʉ tə wə̄n (ù mò lo mò ù n tsɔɔn naŋa ndzʉ̄, ù màʼa fə̀ lô alo kəfwàʼ), tɛ̀ nyə tsughu an ndzughù təgha sə kəŋo ndùw â ŋgùŋ.

Kə̀fwàʼ 10:3

Tsuʼ ù li wo an nə̀ghà tə ezūuw tə təgha â tsə̀ to, dzoō wə n nùghù tsə̌ən wò wə̄n, ù ŋ kòʼ tsùghu tsə̀ndə̄ghā è Kə̀zə̀ e nyəā wo, dzàa wò â wən enyəa, “Kɔ̀nelìus.”

Kə̀fwàʼ 10:30

Kɔ̀nelìus m fùghù ndùw fə̀n kə edzughu â wən enyəa, “A fə̌əgh ù lǐ ù vʉ̂, an nə̀gha zən sùghò ènyə, mùghò ŋ gɔ̂ŋlò an nə̀ghà tə ezūuw tə təgha â tsə̀ alô mùghò an ndughu, mùghò me kôʼ ghùw sə̀ tì an sə kaŋā an ndzʉ̄ tə̀ nyəghaan to.

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 3:3

A m bùghò Pità ghèe Dzɔ̌n bughòo alebùghò tsəghàa nyə, ù n nɔ̀ɛ ndùw ghee â fəgha ko.

Kə̀fwàʼ 3:4

Ghêe Pità n tɔ̀ʼ fwè wə̄n enyə, dzɛ̀ â wən enyəa, “Lɛɛn wò ghaʼ enyə.”

Kə̀fwàʼ 4:13

Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso.

Kə̀fwàʼ 5:25

Ghùw ù lì n daŋso ndùw è bugho, bùghò nàʼà wò enyəa, “Ghɛ̀ ghɛ à, ghî ghə̀là ghɛ̀ mò dzə̂n naŋā an ndùghùtsaʼ ti an ndūghēnē, zoʼnlo àghì!”

Kə̀fwàʼ 8:14

Ghəa tum tən an Yɛ̀lusalɛ̀m zuw tsughu enyəa Sàmalìa m boo shwaʼ u Kəzə̀ wò, ghe n tùm tsùghù ndùw Pìta ghèe Dzɔ̌n fughu.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.