Kə̀fwàʼ 28:8 - To kə Kəzə̀ kə̀ Fughu ko

⁸ Zə m bùghò sə kɔʼ enyəa tselè Pubə̀lìus nyə̀ŋ a kə̀chʉ̀a â ghue wo, à nyʉ̂kəfətɔ̀e kò, Pôl n tsə̀ghà nyə̀ ndùw an dzughu e ndughu e wə̄n, nyə gaʼ tsughu aghu a zəŋò wə̄n, gɔ̀ŋlò è tsughu, baaŋ kɔʼ wə̄n.

Kə̀fwàʼ 28:8 Iomraidhean Croise

Matìo 10:1

Yɛso n tɔŋɔ tsughu tsə̀təndə̄ghā tə wə̄n eghəm à ghè tò tə bə̀ghà, fughu tsughu ghee â dwaʼa wo â ghee aleshuaan səa zʉ̀ ù biigh wo, baaŋ ŋgòʼò dzàŋà tə̀n tə̀ dzə̀m àsùghò ndzughu to a te.

Matìo 10:8

E baaŋ nduw nlò ghî à dzaŋā gho, zòo nughùun kɔ̀ʼɔ ghì à kpuuwn gho, baaŋ ndùw ghì a tətsùghò, shùaan sə̌a ndùw sùghò zʉ̀ ù biigh wo. Mùghò mò ghɛ̀ â daʼa kə fughu kə̀nughùnùghù, fughu sə̀ ndùw sùghò nlǒ kə̀nughùnùghù.

Matìo 12:13

Yɛso n daŋso dzɛ̀ â tûw vʉ enyəa, “Nə̀ghaan sə ndùw kwe kə̀a kò.” Tûwbʉ̀ghà vʉ̀ n nə̀ghàan sə è nduw, kwe kə wə̄n kə m bɔɔm kòom tùghù dòʼò wò tǒ kə̀ li kən.

Matìo 9:18

Ghəa Yɛso sò naām kə̂a ghəa gho, a mo e kôʼ, ghùw ù ne ù lì an Dzudà ù n sə̀ ndùw nyàʼa ndùw a sə̀a wə̄n, dzɛ̀ â wə̄n enyəa, “Wɛ waŋā ù zən fɛ tsò kùʼn kpuw tsughu nû, bùgho mɔ̌ɔ tsughu ko wə̄n an tuʼ è mɔɔ̄ zo ko, ù sò zòom nùghùn wò nù ebàm.”

Mâk 16:18

Ghe e ke kuum wo zughu to aŋ ghu, tə e ghəəŋ yo ghee â ghəa è li zo, mo ghe zə ko nō, zə̀ ŋ kè nomso ghee. Ghe e ke gaʼā nduw ghu gho a zəŋò ghì à dzaāŋ gho, ghe e dzaŋā tughuu wo.”

Mâk 5:23

buʼ ndùw kə̀ghu â wən enyəa, “Nyàaŋ fə fəzən faŋā fə so e kpuw. Bùghò, ghù bugho gaʼ tsughu ghu ghə̀a ghò a zəŋò wə̄n, tò ù tughūu doʼò wô, ù dòʼò wô â tuw ko.”

Mâk 6:5

Ù n yo aledè fənlo è li zo a fughu, à fə̀ gɔ̀ʼɔ̀ kô ghəa ù fə̀ gaʼ ndûw ghu a wə̄n gho a zəŋò sə fə aghì à dzaŋa à li gho, baaŋ kɔʼ ghee.

Mâk 7:32

Ghe n nì wò kə̀kùʼ a vʉ̀a wə̄n, mo shwaʼ u zɔlɔ sùghò yǒ wə̄n lo edzughu; ghe m buʼ tsughu kəghu â wə̄n enyəa ù gaʼā tsughu kəghu zəŋò ghùw vʉ̀, ù baāŋ kɔʼ wə̄n.

Lûk 13:13

Ghəa ù dzɛ̀ tsughu êzə̀, ù ŋ gaʼ ndùw kə̀ghu a zəŋò nùghò vʉ̀, kwəlā chi n daŋso è mia; yìzən vʉ n daŋso nùghù nə̀ghàan těe kɔʼ tsəghatsəgha, fughu ŋkɔʼso â Zə̀ kò.

Lûk 4:40

A m bùghò zuw e sâaŋ tsughuu nduw, ghî ghəla ghe mò ki ghî à dzaāŋ gho, ghe n nì wò ghee a vʉ̀a Yɛso. Ù m mɔ̂ɔ tsùghuu ko kə̀chìa, ù n tughuu kɔʼɔ.

Kə̀fwàʼ 28:7

Zə n lo êzə̀ a fughu kùʼŋkùʼnlo, luʼū tə te tə n lo mò à kì tuw kə nàʼà fə dzughùu fì ghe mò tɔŋlo enyəa à lò Pubə̀lìus, ghùw, ù fə̀ nî naŋā ghaʼ kədzûŋ alo ntsuʼu n təgha.

Kə̀fwàʼ 28:9

Aŋghəa ghəa ghən sə kɔʼ, ghî à dzaāŋ yìa à dzə̀m a fughu an nàʼà fə dzughùu fi n ndùw bùghò è sugho, Pôl m baaŋ kɔʼ ghee.

Kə̀fwàʼ 9:40

Pità n dzùm sə̀ ndùw ghee a dzə̀m a beē, tsughu nyaʼa è tsughu, dì dzɛ̀ ndùw â Zə̀ kò. Ù m fə̀n ndùw ùghue aŋ gwən e te zo, dzɛ̀ tsùghù enyəa, “Tàbità, nùghu kɔʼɔ̀.” Tàbità n zə̀ghàa kɔ̀ʼ asə̄, ghəa ù kòʼ kɔʼ Pità, ù n nùghù dòʼò èkɔʼ.

1 Kòlentìan 12:28

Zə kə fə̀ sûesʉ tsuʼ naŋa kɔʼ tum tə Kə̀lestò esə̄ an dzeŋe kə ghì a Kəzə̀, kə n daŋso tsuʼ naŋa kɔʼ ghiīshʉ̀ghà a Kəzə̀, aŋ ghì a kə̀təgha gho Zə̀ kə n tsuʼ naŋa kɔʼ ghê wàdè, daŋso tsuʼ kɔʼ ghî ghəla ghe deē sə̀ghà mò, daŋso tsuʼ naŋa kɔʼ ghî ghəla ghe baāŋ ghì a dzaŋa gho, kə n tsuʼ naŋa kɔ̀ʼ ghì ghəla ghe kwo alebianlo àghəa aleyoso aghì, tsuʼ tsughu ghiīshʉ̀ghà, tsuʼ tsughu, tsuʼ tsughu ghêe wàdè, tsuʼ tsughu ghî ghəla ghe deē səghàa mò, tsuʼ tsughu ghəla ghe baāŋ ghî ghò, tsuʼ tsughu ghəla ghe yôso, daŋso tsuʼ naŋa kɔ̀ʼ sùghò ghəla ghe saʼā ndə̀m è sàʼà tə tənàʼà tò.

1 Kòlentìan 12:9

 ghùw ù lì, Zuʼ tə̀ mɔʼɔ tə te tə m fughu wə̄n â fə̀ŋ e te alebiso boō fughu tsughu â Kə̀lestò, à ghùw ù lì, Zuʼ tə̀ Zɔlɔ tə te tə m fughu tsughu wə̄n â dwaʼa wo alebaaŋ ghî dzaŋa gho;