Kə̀fwàʼ 28:2 - To kə Kəzə̀ kə̀ Fughu ko

² Ghî ghə enaʼ a te ghə n dè tsùghù ghaʼ â fɛ̀ɛn kə edzɔ̀ kə̀ li ko enyə. A m bùghò à sò lo mo ghuuw zə ŋ kāʼ tsughu zo, fwo wə n lo, ghe m fəghaan kɔʼ uwən enyəa ghàʼ a dzə̀m zʉɛɛ.

Kə̀fwàʼ 28:2 Iomraidhean Croise

Matìo 10:42

Ǹ so Ǹ kûm dzâa wô â ghɛ̀ enyəa, ghùw wəla ù tso kɛsò tuūw fughu ko wʉ̀a zə̀ m̀mùghu è sǎa â wɛ̂ɛtughu bòʼ wɛ̂ɛtùghu ù te, ghùw u te lo tsə̀ndə̄ghā zaŋā, ù lo gùuŋ yò namso kə wə̄n ko.”

Dzɔ̌n 18:18

Fwo u fə̀ lo nû, kɔ̀ɔ mi mə̀ m kpàa kɔ̀ʼ uwən ghèe ghê gbè tə̀ tɔ̄ʼ to, ghe n zʉɛɛ, Pità n ti sugho fughu, ù zʉɛɛ̄ sughò wən u te wo.

Kə̀fwàʼ 27:3

Tsuʼ ù li vʉ̀ ghàʼ n nyə̀ ndùw an Sidɔ̀n. Ghəa Dzulìus fə̀ ki mwam ù dzûŋ wò a zəŋò Pôl, ù n zə̀ghàa tsùghù Pôl enyəa ù ndùw kôʼ fən a wə̄n to ghe fughu wə̄n â yòsò zò.

Kə̀fwàʼ 28:3

Pôl n lo mò ù ŋ kūum kaaŋ wò kaʼ kə ŋkàʼ kò, ù m kpɛ̂ɛn nyə̌a ndùw fughu alo etsə̄, ghəa wən u nûm nyə kɔʼ fughu alo ŋkàʼ, zughu n ndùw tì sə̀ wò fughu alo ŋkàʼ, nyəme kɔʼ aŋ kwe kə wə̄n.

Kə̀fwàʼ 28:4

A m bùghò ghî ghə enaʼ yi kôʼ ghəa zughu zə kân aŋ kwe kə Pôl, ghe mo aŋ ghùe e ghee enyəa, “Bəghà wən e wii nû ghî ghò, ghəa ù bùʼ ti sə kɔʼ ko fɛ a n dzughùu, e dêe nù enyəa ghùw wən ki yo zə mbī zən.”

Lumà 1:14

Fwaʼ kaŋa kə lo alenaʼn Làbəlà è dzùŋ zən â ghì ghò a dzə̀m, e ki dzə yo ghəa è li zo aleghəŋlo â ghì ghəla sə a ghee a lo mo ghə n tsʉ ŋkāa a kaām tsʉ, ŋkāa â ghì ghəla ghe kwo mwàʼsò kò ŋkāa ghe kwo yo.

Lumà 14:1

Boo tsughu nlǒ waazə̂ ghɛʼɛ ghəla fə̂ŋ tə ghee naām noʼn kaŋlo aŋ ghəa a Kəzə̀ ghe lo am bvʉa zɛʼɛ̄, kǎ nlò è kuuwn baaŋ fom to ghɛ̀ à ghee mɔ̀ɔ ndùw fəgha kə̀là ghe moʼo ghè kò.

Lumà 14:3

Ghî ghəla ghe zəā fʉgha wo u dzə̀m kì yo alekòʼò lʉgha ghî ghəla ghe zəā yo fʉgha wo u dzə̀m. Ghî ghəla ghe kuūwn nuūm təla ko tuūwfʉ̄ghā wo ki sugho yo alesāʼ ghî ghəla ghe zəā fʉgha u te wo u dzə̀m, nu Zə̀ kə̀ ŋ ghee boo.

Lumà 2:27

E fi lo enyəa abugho ghùw wəla ghe tâʼkè sugho tigh kə wə̀n kuuwn bwîi aŋghəa lâŋ kə Musî kə̀ deē sô sàʼa nù ghû ghùw ù Dzûu enyəa ghù ŋ ghəəŋ bo zo, tɔŋlo enyəa ghù kǐ mwàʼsò kə̀ kəlàŋ ko aŋ ghu kə̂a, ghe yia lô sugho mo ghe n sugho tigh kə̂a kò, ghù vʉ̀a ghù kuuwn bvuʼu lâŋ kò.

1 Kòlentìan 14:11

Abugho Ǹ sô kuūwn zuūwkɛ̄lɛ̄ yo shwaʼ u te wo, M̀ fi lo ghùw ù kətum â ghùw wəlà ù kə̀aa ghəa gho an shwaʼ u te wo, ghùw ù te vʉ̀a ù lò sugho ghùwkətūm â mùghò.

2 Kòlentìan 11:27

Mùghò n də̀m, yìa biso zuw tsughu fala zo, mùghò ŋ koʼò bwǐi ndùw, mùghò n lo dzə̀ŋ, fə̀ŋ è m̀mùghu n zuʼso mùghò, mùghò n zəa tsə̀ghà yò, lò tsəgha ko bêe tə̀ bèe, mùghò n lo am ufwō mò Ŋ̀ ki yo ndə̀mà təndzʉ aledzə̀là.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

Hibùlù 13:2

Waazə̂ ghò, e kpeeniī kɔʼɔ nlò ghî ghila ghe bwîin wo alo ghɛ̀, ghî à li mafə êzə ghəŋlo ndùw kpènì kɔ̌ʼ tsə̀təndə̄ghā tə Kəzə̀ mo ghe kwo yo.