Kə̀fwàʼ 27:41 - To kə Kəzə̀ kə̀ Fughu ko

⁴¹ A m bùghò kwə̀n kə̀ kôom ndûw zâʼ ndûw ghue wo an təm kə kəshīashīa, sə kə kəkwə̀n kə̀ n tàŋ dòʼò ndùw a fughu, kòom nòʼò yò, tùŋutùŋù kə ŋ kuūwn bù sàʼ tsùghù kəbam.

Kə̀fwàʼ 27:41 Iomraidhean Croise

Kə̀fwàʼ 27:17

Ghe n sè nùghù sə kɔʼ kwə̀n kə te ko an dzughùu, daŋso kɔ̀n tsə̀ghà wò an ugbāʼ. Ghe mò tsəŋo enyəa ghe lô ndûw nyəŋō nyəā ndûw an təm kə ushuashua kə̀ li ko, kə lɛɛ̄n daŋà ndûw kuw kə Lebìa kò, ghe n zè zə̀ghàa sə̀ tsùghù wò bâ kə ndzʉ̀ è kə̀kwə̀n chi, zə̀ghàa tsùghù kwə̀n kə te ko enyəa kʉ̀ɛɛ kə e boʼn nduw.

Kə̀fwàʼ 27:30

Ghî à seē a kəkwə̀n ghə̀ n nùghù kaʼ tsughu alekə̄ŋ dzì aletiīsə̄ alo kəkwə̀n; ghe n nəəŋ ghəŋlo to ghe so e tsəghàa səsō tsughuu wô ùnwàla an sə kə kəkwə̀n, ndùw sə̀so naŋa tsùghù wò kwə̀n kə̀ baŋā ko an dzughù.

Kə̀fwàʼ 27:40

Ghe fi nughù kɔ̀ɔn màʼà tsùghù nû nyàla wəla u mô kwu kele kwə̀n kò, zə̀ghàa tsùghù ghue e ghee an dzughùu, zè màʼà tsùghù gbaʼ wəla u mô kɔ̂n kele fʉgha wəla ghe seē kwə̀n kò a te ghe tɔŋlo enyəa à lò Ludà. Ghe n daŋso kɔʼso naŋa kɔʼ bâ kə ndzʉ̀ è kə̀kwə̀n enyəa kʉ̌ɛɛ kə e boʼò ndùw kə̀kwə̀n aŋ ŋgùŋ è dzùghù.

Kə̀fwàʼ 27:42

Sùghugòʼ tə̀ m moʼò alebisō wiīn maʼà tsughu ghiīndùghùtsaʼ a te gho a dzə̀m enyəa ghe lô nughùun təghāa tiī nughùnlo.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.