Biblia Todo Logo
Bìoball air-loidhne

- Sanasan -




Kə̀fwàʼ 27:23 - To kə Kəzə̀ kə̀ Fughu ko

23 nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Faic an caibideil Dèan lethbhreac




Kə̀fwàʼ 27:23
41 Iomraidhean Croise  

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.


Tsə̀ndə̄ghā è Mughubè ù te ŋ kùm màʼà wò wə̄n, Ghəa ù dòʼò tsughu mò ù kà fùghù ndǔw kɔʼso n te mò â Zə̀ kò, nyuuŋ tə mùʼ n ko wə̄n enyə, ù m bùghò kpùw è nduw.


Ù n nùghù nùghù wò a bàâ ghaʼà ghê Pôl, buʼn wò m̀bɔ̀ŋ enyəa, “Ghî ghən lo kɔ̀ɔ n Zə̀ kə̀ Ghaʼa kən kə̀ dzə̀m, ghe naʼn wô ghɛ â dzì è zə̌a è kə̀tūw.”


Mughu ù te n daŋso bùghò mgbaŋ dè mɛ̀ʼɛ̀ tsùghù â Pôl â tsuʼ wo an dzǒo enyəa, “Kà fəgha kə̀ li kə tsəŋ, e kəaa səa nduw ghəa gho, e kwo ghù lò zuūw doʼn mɔŋ;


 tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”


A m bùghò â tsuʼ wo tsə̀ndə̄ghā è Mughu ù te m bùghò tsʉ̌ʉn tsughu bwâʼ u ndùghùtsāʼ nì sə̀ wò ghee, sə̀ dzɛ̀ tsùghù â ghee enyəa,


Tsə̀ndə̄ghā è Mughù ù te fi daŋso bùghò dzɛ̀ nù â Felêp enyəa, “Nùghu kɔʼɔ̀ ghù tsughu nduw am gbà u emàm wò an dziī zəla è nùghù tsughu aŋ Yɛ̀lusalɛ̀m, tsə̀ghàa nyə̌a ndùw aŋ ŋgwə̄n, tsughuu ndùw aŋ Gazà.”


À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.


Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.


À sò kuuwn lò ko enyəa êzəŋ wəla ghe lo mo ghe ŋ ghɛ am fàŋa kə təbòo kə̀ zê zə̀ghà, ghɛ̀ yia lô kɔ̂ wò â Zə̀ kò, namso kɛʼɛ kə lo mughù è zɔlɔ zo. Ghəa a te a nîi wò mùghù è doʼn təla zo.


Zə̀ kə fə̀ tuw wɛʼɛ u zue sə wo aŋ wən è tughu zo. Ghɛ̀ ki alenaŋā tsughu gwən e ughùe zɛʼɛ̄ alekɔʼso Zə kò a te.


M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.


Ghùw ù kəfwàʼ u Mughu ù te ki yo aledòʼò ghùw wəla ù kəŋo shwaʼ wo; ù lǎam ki alelo ghùw wəla ki mwam ù dzûŋ wò a zəŋò ghì ghò a dzə̀m, lò sugho wàdè ù dzùŋ wəla ù kaā tsughu zə zo.


À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.


À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.


À lǒ wə̄n wəla ù fə̀ kpuw an tuw u sɛ̀ alebəghaasə sɛ̀ aŋ ghəa a sɛ̀ à biigh gho, àsùghò alesùuw maʼà bòo tə sɛ̀ enyəa sɛ̀ doʼò tsughu a wə̄n gho aghî, a e moʼn təla ko aleghəŋlo èdzɔ̀.


Tsə̀təndə̄ghā tən tə̀ dzə̀m mgbàŋ yǒ zʉ̀ wəla Zə̀ kə mò tum wo enyəa ghe bughò fwâʼ â ghì ghəla ghe kê zəā tuw ko a?


“Mùghò Yɛso, mùghò n tsə̀ndə̄ghā e Kəzə̀ zaŋa tum wo a vʉ̀a ghù â shwaʼ waŋa wo alenàʼà ndûw an dzweŋe u ghì a Kəzə̀ wò. Ǹ sə e an tiigh kə Dɛvìd, yìa Ǹ lo sə̀ghàbəlà fə gbəlàgbə̀là fə̀ nyəghaan fo.”


Lean sinn:

Sanasan


Sanasan