Kə̀fwàʼ 27:2 - To kə Kəzə̀ kə̀ Fughu ko

² A n nì kɔ̌ʼ kwə̀n kə̀ li ko kə nughu wo an Àdə̀làmitìum, mo kə ki alendùw shueʼe am bala e ukwə̀n è shueʼe zəla e doʼò tsughu nduw aŋ kùw kə Ɛshìa, nùghù ndùw â dàŋ kò, ghàʼ à ghê Àlestālkùs, ghùw Màsɛ̀donìa ù sə an nàʼà fə Tɛ̀sàlonicà.

Kə̀fwàʼ 27:2 Iomraidhean Croise

Lûk 8:22

Tsu fə̀ li fo Yɛso n nyə̀ dòʼò kɔ̀ʼ alo kəkwə̀n ghèe ghê tsə̀təndə̄ghā tə wə̄n to, ù n dzɛ̀ â ghee enyəa, “Bùghò nlò sɛ̀ daŋà səā ndûw aŋ ŋgùŋ è lì e zə̂.” Ghe n də̀ghàan ndùw a lùʼù daŋā wo.

Kə̀fwàʼ 16:17

Ù n nùghù nùghù wò a bàâ ghaʼà ghê Pôl, buʼn wò m̀bɔ̀ŋ enyəa, “Ghî ghən lo kɔ̀ɔ n Zə̀ kə̀ Ghaʼa kən kə̀ dzə̀m, ghe naʼn wô ghɛ â dzì è zə̌a è kə̀tūw.”

Kə̀fwàʼ 17:1

A m bùghò Pôl ghèe Saelàs tsə̀ghasə wo Amfipolès àsùghò Àpòlonìa, ghe n sə̀ wò an Tɛ̀sàlonikà, mò ndùghùne è ghì a Dzûu lǒ fughu.

Kə̀fwàʼ 19:19

Ghî à li gho sughò aŋ ghi ghəla ghe mò ghəə̄ŋ ghəa à fəən gho, ghe ŋ kuum wò mwàʼsò ù ghəa a ghee a te gho bùghò kpàa kɔ̀ʼ an sə kə ghi ghə̀n à dzə̀m; ghe n taŋ tsughu kɔ̂n kə mwàʼsò kə te ko, kə m fughu kɔʼ kua ù səŋò wò.

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 2:9

Ghàʼ sə kaaŋ wò an nàʼà n nùghù mò, am Patìa, am Mɛdɛ̀s wò, an Elamàet àsùghò ghì ghəla ghe mughu am Mɛ̀sòpòtɛmìa, an Dzùdîa àsùghò Kàpàdoshìa, Pontùs, àsùghò an Ɛshìa,

Kə̀fwàʼ 21:5

A m bùghò a bu maʼà tsughu tsùʼu mì ghàʼ à ghee, a n zə̀ghàa è tsughu, nùghù ghàʼ â luʼū to. Ghee a dzə̀m, ghèe ghê wɛ a ghee gho, à ghii a ghee gho, ghe m bùghò tə̀ma wò ghàʼ a ŋgùŋ è dzùghù, ghǎʼ n tsughu nyaʼa tsughu fughu, gɔ̀ŋlò è tsughu.

Kə̀fwàʼ 28:10

Ghî a te ghə m fughu ghaʼ â kɔʼso mò an ndə̀mà tə tədzǐi, a mo e bughò nùghùun sùghò nù, ghe n dzə̀n kɔ̀ʼ sùghò ghàʼ â fʉgha wəla u mò lo aleyoso nduw ghaʼ an dzughùu alo kəkwə̀n.

Kə̀fwàʼ 28:12

A n ndùw nyə̀ ndùw an nàʼà fə̀ li fo ghe tɔŋlo enyəa à lǒ Sìlakùs, dòʼò tsùghu a fughu alo ntsuʼu n təgha,

Kə̀fwàʼ 28:16

Ghəa a nyə ndûw an Lumà, ghe n zə̀ghàa tsùghù Pôl enyəa ù è mughu aŋ ŋgə̄ŋ ghèe sùghugòʼ zəla è chiīn wə̄n.

Kə̀fwàʼ 28:2

Ghî ghə enaʼ a te ghə n dè tsùghù ghaʼ â fɛ̀ɛn kə edzɔ̀ kə̀ li ko enyə. A m bùghò à sò lo mo ghuuw zə ŋ kāʼ tsughu zo, fwo wə n lo, ghe m fəghaan kɔʼ uwən enyəa ghàʼ a dzə̀m zʉɛɛ.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Filemùn 1:24

Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.