Kə̀fwàʼ 27:1 - To kə Kəzə̀ kə̀ Fughu ko

¹ A m bùghò ghe tsughu boō tsughu enyəa ghàʼ ndûw an Etalì, ghe n nì kɔ̀ʼ Pôl ghèe ghê ghǐindùghùtsaʼ à li gho, fughu tsughu â Dzulìus, komndzūghū ù tə̀sùghugòʼ ù lì an naʼ e Lumà. Bəghà wən mò lo ghùw an saʼ kə sùghugòʼ təla ghe tɔŋlo enyəa à lǒ sùghugòʼ tə Də̀ŋ kə̀ ne kò.

Kə̀fwàʼ 27:1 Iomraidhean Croise

Matìo 27:54

A m bùghò kɔmdzūghū ù təsùghugòʼ ù te ghèe ghê gbè təla tə mò chîin Yɛso kòʼ tsughu ghəa ghueekətsə̄ kə gbəla kɛʼn wo, à ghəa à li yìa a mò nîi bala ko, fə̂ŋ tə̌n sə tsughu ghee enyə, ghe mo enyəa, “Ghùw wən mò kuūm lo Wɛ ù Kə̀zə̀.”

Lûk 23:47

A m bùghò êzəŋo komndzūghū vʉ kôʼ tsughu ghəa yia a sə kɔʼ, ù m fùghù ndùw ŋkɔʼso â Zə̀ kò, dzɛ̀ tsùghù enyəa, “Ghùw wən mò kuūm lo ghùw ù tsəghatsəgha.”

Lûk 7:2

Komndzūghū ù tə̀sùghugòʼ ù lì n lo a fughu, ki kɔ̂ɔ fə wə̄n ù ŋge gaʼ fə̀ŋ a te. Kɔ̂ɔ fə te fə n dzaŋà, kuu kòʼò ndùw.

Kə̀fwàʼ 10:1

Ghùw ù lì n lo aŋ Kàesalìa ghe mò tɔŋlo enyəa à lǒ Kɔ̀nelìus, mò ù lǒ ghùwnē an saʼ kə təsùghugòʼ kəla kə mò sə wo an Etalì.

Kə̀fwàʼ 10:22

Ghe m bɛ̀lɛ̀ tsùghù enyəa, “Komndzughu ù tə̀ sùghugòʼ Kɔ̀nelìus tùw wò ghàʼ, u lǒ ghùw ù dzùŋ, vʉ̀a ù boō fughu sugho â Zə̀ kò, Dzûu tia tə fughuu sugho wə̄n â kɔʼso mò. Tsə̀ndə̄ghā è Kə̀zə̀ mò teso tsughu â wən enyəa ù tuū tɔŋɔ wô ghù enyəa ghù bugho alô wə̄n, e zuw ghəa ghə̀là ghù ki alekə̀a.”

Kə̀fwàʼ 16:10

A m bugho Pôl koʼ tsughu ghəa yi ezə̀, ghàʼ n daŋso tee ko alo efwee aledàŋ am Masɛdonia, ghàʼ sô nî ndûw enyəa Zə̀ kə̀ ghaʼ fɛ tɔŋɔ tsughu nû enyəa a ndûw naʼa tum è dzùŋ è te â ghee.

Kə̀fwàʼ 18:2

Ù n ndùw kpěen tsughu ghèe ghùw Dzûu ù lì ghe mò tɔŋlo enyəa à lǒ Akwilà, ghèe wì ù wən Pə̀lèsilà. Tûw wən mò lo ghùw ghe dzə am Pɔntùs, ù kùʼù nughù wo an Etalì bòʼ Klaudìus tsə̀ghàsò tsughu lâŋ kò enyəa Tə̀dzûu tə dzə̀m zəghàa tsughu Lumà. Pôl n nùghù ndùw alendùw kôʼ ghee.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 21:32

Ù n daŋso mbā nì kɔ̀ʼ təsùghugòʼ à ghê dzə̀kɔm a ghee, nyə̀ŋ nyə̀ tsùghù ndùw a zəŋò ghee: a m bùghò ghe nughù kôʼ kɔʼ komndzūghū ghèe ghê sùghugòʼ tò, ghe m bughu naŋa tsughu alebū Pôl.

Kə̀fwàʼ 22:26

A m bùghò ghùw ù kə̀làŋ vʉ zuw tsughu ghəa yì, ù n ndùw kòʼ ndùw pfʉtəŋgə̄m vʉ̀, dzɛ̀ â wən enyəa, “Ghù zən so foʼò tsughu è ghɛ zo enyə à? Tûw wən lo ghùw ù Lumà!”

Kə̀fwàʼ 23:11

 tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”

Kə̀fwàʼ 23:17

Pôl n daŋso tɔŋɔ tsughu komndzūghū u mɔ̀ʼ, dzɛ̀ â wən enyəa, “Nǐi kɔʼ wɛ̂ɛtùghuu wən ghɛ à wən, ghɛ̀ à wə̄n nduw a vʉ̀a pfʉtəŋgə̄m, ù kì ghəa è li zo aledzɛ̀ â wə̄n.”

Kə̀fwàʼ 24:23

Ù n daŋso fughu tsughu kəlâŋ â komndzūghū enyəa ghe ki alenaŋā tsughu Pôl ghe e chiinlō, ghe e nyɛʼɛ zəghaan tsughuu sugho ù è niī kɔʼɔ kʉ̀ɛɛ ko, dzɛ̀ tsùghù sùghò enyəa ghe ka e dzûu baʼà fən a wə̄n gho enyəa ghe ka wən â fʉgha u bughò fùghù.

Kə̀fwàʼ 25:12

Fɛstùs n sāan tsughu ghèe ghê ghì a kaŋsì a wə̄n gho, bɛ̀lɛ̀ tsùghù enyəa, “Ghù dìi alendùw a vʉ̀a Də̀ŋ kə Lumà kə̀ ne ko: ghù kì alendùw a fughu.”

Kə̀fwàʼ 25:25

Mùgho ŋ kòʼ tsughu enyəa ù kamo ghəa e bonlo tò ù è kpuw a te; aŋ ghəa ghuūghùe u wən u mò dî dzɛ̂ ndûw sughò enyəa e so e kô də̀ŋ kə ne ko, mùgho n dzɛ̀ enyəa Ǹ nîi tǔu ndùw nǔ wə̄n.

Kə̀fwàʼ 27:11

Komndzūghū ŋ kuūwn tɔ̀ʼ nàŋa ndùw ko kə̀tuw aŋ ghəa ghəla ghùwsěe ù kə̀kwə̀n mò dzɛ̂ tsughu ghèe mughu ù kə̀kwə̀n, kè naŋa kə̀tuŋlō aŋ ghəa yia Pôl mò kə̂aa tsughu.

Kə̀fwàʼ 27:43

Komndzūghū vʉ ŋ kuuwn ləghaa alebàʼ mbàŋ an tuw kə Pôl, ù ŋ ghəəŋ tsughu sùghugòʼ to enyəa ghe ka fwâʼ fəgha kela ghe mô moʼō ghè kò. Ù n dzɛ̀ tsùghù enyəa ghî ghəla ghe lô aletəgha ghe tɛ̂ɛn nughù səā ndûw alo kəkwə̀n esə̄, ghe nughù ndûw alendùw səā kɔʼ,

Kə̀fwàʼ 27:6

Komndzūghū ù tə̀sùghugòʼ vʉ n ndùw kòʼ tsùghu kwə̀n kə li ko kə nughu wo an Àlɛ̀kszandə̀là kə̀ n daŋà an Etalì, ù n dzə̀n kɔ̀ʼ ghaʼ a te.

Kə̀fwàʼ 28:1

A m bùghò a təghasə kɔ̀ʼ wò an dzughùu, a ŋ kəŋ kele kɔʼ aŋ ghùu ghì ghəla ghe mughu a fughu enyəa ghe tɔ̂ɔŋ nàʼà fìa dzùghùu zə dzə̂əŋ ŋgəa kɔʼ enyəa à lò Maltà.

Kə̀fwàʼ 28:16

Ghəa a nyə ndûw an Lumà, ghe n zə̀ghàa tsùghù Pôl enyəa ù è mughu aŋ ŋgə̄ŋ ghèe sùghugòʼ zəla è chiīn wə̄n.

Hibùlù 13:24

Tɔɔŋ zuw nlò tsoʼ tɛʼɛ to ghèe ghê ghì a Kəzə̀ ghò a dzə̀m. Waazə̂ a sɛ̀ ghəla ghe nughu wo an Etalì fughù wò sughò ghɛ̀ â tɔɔŋ zo.