Kə̀fwàʼ 26:24 - To kə Kəzə̀ kə̀ Fughu ko

²⁴ Aŋghəa Pôl naām baāŋ ghue wo êzə̀, Fɛstùs n nùghù dzɛ̀ sə kɔʼ an dzə̂ è tughu enyəa, “Pôl, ghù zə̀ghaa nù! Mwàʼsò kə̀a kə̀là ghù ŋge zoʼn tsughu enyə, kə n tuw kə̀a kə̀ sâʼ màʼà.”

Kə̀fwàʼ 26:24 Iomraidhean Croise

Mâk 3:21

Ghəa tom a wə̄n a zuw tsughu, ghe n sə̀ kàʼ ndùw wə̄n a lùʼù kəŋo kaaŋ wo, ghî a màʼà kə̂aa kaŋlō enyəa, “Tuw kə m bō sə.”

Dzɔ̌n 7:15

Dzughu zə n zuu Tə̀dzûu aŋ ghəa a te gho, ghe bvʉ enyəa, “Tûw wə̄n ghəa ghən kele ênzə̂n mò ù kaam tso nyə̀ kôʼ mwàʼsò kò a?”

Dzɔ̌n 8:48

Dzûu tə̀ dzɛ̀ ndùw â wə̄n enyəa, “Ghǎʼ fi lo nû tsəghatsəgha aledzɛ̀ enyəa ghù lǒ ghuw ù Sàmalìa, ghù vʉ̀a ghù ki sugho zə̀a fə̀ biigh.”

Dzɔ̌n 8:52

Dzûu tə̀ n dzɛ̀ â wə̄n enyəa, “Ghàʼ kwo nû êzə̄ŋ enyəa ghù ki zə̀a fə̀ biigh fo. Abə̀làhâm ghèe ghê ghǐishʉ̀ghà à mafə̄ kpuwnlo, ghù vʉa ghù so enyəa, ‘Ghùw wəla ù zuw nî shwaʼ waŋā wo kè kpùw yo.’

Kə̀fwàʼ 17:32

A m bùghò ghe zuw Pôl bùghò mɔm tsughu ghəa à nîi nughūun kɔʼɔ gho alo evʉ̄, ghee à li ghə ŋ kàʼ ndùw wən a lùʼù sɔʼso wo, à li ghə ŋ kuuwn so enyəa, “A lo fəghaan tɔ̀ʼɔ̀ zǔuw nù ghən aŋ ghùu ghù.”

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 24:25

A m bùghò Pôl tɔ̀ʼ teso tsughu tuŋlō u ghee wo aŋghəa ghî a ki alelo tsəghatsəgha a te, àsùghò aŋghəa ghî a ki alenaŋso ghuw kə e bwìi kə ghee ko a te, àsùghò aŋghəa Zə̀ kə̀ lo saʼā ghî ghò a te an tsuʼ fə̀ guŋso fo, Fɛlècks n tɛ̀ ètsəŋ, nùghù dzɛ̀ tsùghù enyəa, “Kə̌aa nùghu ndùw ezə̀ŋ, abugho Ǹ sô ndôʼ kele tsughu nəgha zo, Ǹ sô kôom tɔŋɔ̄ wô ghù.”

Kə̀fwàʼ 24:27

A m bùghò nûu tə̀ mîa tsughu tə bə̀ghà, Pôlshius Fɛstùs ŋ kɔʼ kɔʼ ndàŋ è Fɛlècks tò gɔvə̀nò. A m bùghò ù sò ləghaa aleghəə̄ŋ tsughu enyəa fə̂ŋ tə̀ è zɔlɔ Dzûu tò a zəŋò ghee, ù n zə̀ghàa tàʼà ndùw Pôl an ndùghàtsāʼ.

Kə̀fwàʼ 26:11

Mùghò m fɔeso tsughu ghee enyə an ndughu tə̀ ne tə̀n tə̀ dzə̀m, Ǹ dəmà aleghəə̄ŋ tsughu ghee enyəa ghe tuū maʼà tsughu boo zəla ghe ki. Nʉghà wə̀ ŋ ŋgee pfʉa mùghò a zəŋò ghee, mùghò m buʼù nyə̌a kaaŋ ndùw nàʼà tə tətùu Ǹ ndzaŋsō kaāŋ ndûw ko ghee.”

1 Kòlentìan 1:23

Dzûu tə̀ kuuwn ləghaa yo làbəlà è dzuŋ zəla ghàʼ naʼn wo kùu ndùw Kə̀lestò wəla ghe mò təghāa alo kədàŋlo, làbəlà e te zə̀a è lò elâʼsò zò â ghì a Gəlês ghò,

1 Kòlentìan 4:10

Ghàʼ lo tò fʉgha ù laʼsō wo aŋghəa ghàʼ fwaʼa â Kə̀lestò, ghɛ̀ yia kuūwn tɔɔ̄ aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò. Ghàʼ lo bvùʼù mə aghì, ghɛ̀ yia kuūwn lô ghî à tughūu gho. Ghe kɔʼso ghɛ̀, ghe yia kuūwn chwiīlwiī ghāʼ.

2 Kòlentìan 5:13

Abugho à kpaʼ lô enyəa ghàʼ yo dzə̂ an tɔ waʼā, à lò ghəa e Kəzə̀, abugho ghàʼ kuūwn tɔ̂ʼ ti an tɔ waʼā; à lò aŋ ghəa zɛʼɛ̄.

2 Timotì 3:15

àsùghò enyəa, ghù fə̀ ki kele to nû shwaʼ u Kəzə̀ wò a ŋ wɛ̂ɛtùghu. Shwaʼ u te vʉa u fughuu ghû â tɔ wo enyəa ghù zə tuw ko aŋghəa ghù boō fughu â Kə̀lestò Yɛso.