Kə̀fwàʼ 26:23 - To kə Kəzə̀ kə̀ Fughu ko

²³ Ghe fə̀ dzâa enyəa, ‘Kə̀lestò ki aletèlè bughò kpuūw tsughuu dzə̂, ù dòʼò tsughu ghùw sʉ̂sʉ alekɔʼɔ̄sə̄ alo evʉ̄, alebùghò tsʉ sə a aghì àsùghò a tətòʼò ghò.’ ”

Kə̀fwàʼ 26:23 Iomraidhean Croise

Matìo 26:24

Wɛ̀ ù Ghùw fɛ bɔɔm nùghùun ndùw aŋghəa ghe tɔm naŋā an tuw kə wə̄n. Tsû ù ne lo â ghùw wəla ù kuūwn feē fughu Wɛ̀ ù Ghùw! Dzɔ̀ mò so e lo â ghùw ù tè abugho ghe mò tâʼkè dzə wə̄n.”

Matìo 27:53

A m bùghò Yɛso wô kɔʼsə̄ kɔʼ alo evʉ̄, ghî yi nùghùun sə̌a kɔʼɔ wò an shìaa tə ghee, nùghùun nyə̌a ndùw an nàʼ è Zɔlɔ — Yɛ̀lusalɛ̀m; ndə̀mà tə aghì tə̀ ŋ kòʼ ghee.

Lûk 2:32

Tsə̀ zəla è dèe Toʼò zò â ghəa gho, fughuu sùghò ŋkɔʼso â ghî ghə Ezə̀lɛ̂ ghò, ghî ghə̀a.”

Lûk 24:26

E fə̀ mgbaŋ yo enyəa Kə̀lestò ù te kê bùʼù fǎan tsughu dzə̀ nù sěe ù sò zəā Fɔ̂e u wə̄n wo a?”

Lûk 24:46

ù n dzɛ̀ â ghee enyəa, “Ghe tɔm naŋa enyəa, Kə̀lestò ù te ki alefala tsughuu dzə̂ sěe ù kè kɔʼɔ səā alo evʉ̄ abugho tsuʼu m kpe tsughu n təgha.

Dzɔ̌n 10:18

Ghùw yò tò ù è wiī maʼà mùghò. À kǔuwn ləgha tsughu mugho alefughuu ndûw ghue waŋa; nu Ŋ̀ ki kədaʼa alefughu, tò aŋghəa M̀ bɔɔ̄m ki sughô daʼa ko alenì ebàm. À daʼa kən â mùghò fughu Tsele waŋā.”

Dzɔ̌n 11:25

Yɛso n dzɛ̀ â wə̄n enyəa, “À zòo nùghùun wò mùghò ghî ghò alo evʉ̄, fughuu sùghò ghee â mùghò zò. Ghùw wəla ù boō fughu â mùghò, abugho ù bùʼ kpuw ko nû, ù lo kelê mùghù è doʼn təla zo.

Kə̀fwàʼ 13:34

Ghən lò sugho ghəa ghə̀là Zə̀ kə fə̀ dzɛ̂ kùu ndùw ghəa a niī nughūun kɔʼɔ a wə̄n gho alo evʉ̄ enyəa ù lo fìa buŋù yò alo eshìa. Ù fə̀ dzɛ tsughu enyəa; ‘Ǹ lo kùm fùghuu tsughuu ghɛ̀ â bughunlo è zɔlɔ zəla mùgho fə̀ to naŋā â Dɛvìd.’

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Kə̀fwàʼ 26:8

À lǒ kwò ghɛ̀ sô moʼò enyəa Zə̀ kə̀ yo alenìi nughù kɔʼ ghùw alo evʉ̄ a?

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.

Kə̀fwàʼ 3:24

Ghiīshʉ̀ghà à li ghə̀n à dzə̀m ghe fə̀ kə̂aa sughò ghəa gho alenìi tsughu an Sǎmwɛ̀l ndùw â sə ko, ghe fə̀ bɔɔm bugho kəaa ko ghəa ghəla a nîi bala ko an tì kən.

1 Kòlentìan 15:3

Mùgho mò â ghɛ̀ dzɛ wo fəgha kəla mùgho fə̀ kele sugho tò ghəa è səŋò e sûesʉ zo: enyəa Kə̀lestò fə̀ kpuw bòʼ bòo tə sɛ̀, aŋghəa ghe tɔm naŋa am mwàʼsò kə Kəzə̀

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

Kòloshìan 1:18

Ù lò kətuw â ghì a Kəzə̀ ghò a dzə̀m, tɔɔŋ dzeŋe kə ghì a Kə̀zə̀. À fə̌ Ndughu è Kə̀zə̀ se tsughu wə̄n, Ghùw ù sûesʉ wəla Zə̀ kə fə̀ zôm nughù kɔʼ alo evʉ̄, enyəa ù e lo sə ko a lo aghəa a dzə̀m.

Hibùlù 2:10

Ufʉgha u dzə̀m à kì Kəzə̀, mò à fə̀ fʉgha u te wo u dzə̀m gbən wo wə̄n. E fə̀ lo tsəghatsəgha aŋghəa Zə̀ kə̀ fə̀ ghəə̄ŋ tsughu enyəa Yɛso e lo tuw ko â zəŋò ghì a wə̄n gho, bòʼ fala zəla ù fə̀ fala ghè zò aŋghəa ù fə̀ nîi wo ndə̀mà tə wɛ a Kəzə̀ ghò an səghanyəgha ŋ wən àsùghò aŋghəa ù ghəŋlo enyəa ghe zə kətuw.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.