Bìoball air-loidhne

Kə̀fwàʼ 26:22 - To kə Kəzə̀ kə̀ Fughu ko

²² Alebùghò sə nɛ, M̀ mughu mò à mùghò yosò Kə̀zə̀, zən lò e ghee Ǹ ti fɛ, tesô dzàa wò ghəa ghən â ghì ghə̀n à dzə̀m, ghî a ulwə̄n àsùghò ghì à səŋò ghò. Ŋ̀ kə̂aa dzə̀ yò ghəa è fughu è li zo, M̀ bɔɔm kə̀aa kô fəgha kəla ghiīshʉ̀ghà a Kəzə̀ a fə̀ dzɛ̂ naŋā ghèe ghê Musî enyəa kə kê bùghò sə̌aa nù.

Faic an caibideil Dèan lethbhreac

dol air ais ⬆

Kə̀fwàʼ 26:22
42 Iomraidhean Croise

Matìo 26:24

Wɛ̀ ù Ghùw fɛ bɔɔm nùghùun ndùw aŋghəa ghe tɔm naŋā an tuw kə wə̄n. Tsû ù ne lo â ghùw wəla ù kuūwn feē fughu Wɛ̀ ù Ghùw! Dzɔ̀ mò so e lo â ghùw ù tè abugho ghe mò tâʼkè dzə wə̄n.”

Faic an caibideil

Lûk 16:28

ù ndùw kwɛ̂ɛn tsughu waazə̂ ghaŋa yì fughu a te, e kwo ko ghe ke bughòo sughò fɛ an lùʼù kə ŋgōʼ kən.”

Faic an caibideil

Lûk 24:27

Ù n daŋso zìi tsùghù am mwàʼsò kə Musî, teso kɔ̀ʼ ndùw ghəa a ghùe a wə̄n â ghee, kɔ̀ʼ kùm ndùw am mwàʼsò u ghîishʉ̀gha à li ghə̀n à dzə̀m.

Faic an caibideil

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Faic an caibideil

Lûk 24:46

ù n dzɛ̀ â ghee enyəa, “Ghe tɔm naŋa enyəa, Kə̀lestò ù te ki alefala tsughuu dzə̂ sěe ù kè kɔʼɔ səā alo evʉ̄ abugho tsuʼu m kpe tsughu n təgha.

Faic an caibideil

Dzɔ̌n 1:17

Zə̀ kə fə̀ lâŋ kò am mbī fughu wo â Musî, Kə ŋ kuuwn dè wò ləgha e wə̄n àsùghò fəgha kə̀là ù lǒ ghè kò â Yɛso Kə̀lestò.

Faic an caibideil

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Faic an caibideil

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Faic an caibideil

Dzɔ̌n 5:46

Abugho ghɛ̌ fə̀ boōm fughuu â Musî, to ghɛ̀ mâa bǒo fughu â mughò, nu ù fə̀ tɔm ghəa ghaŋa.

Faic an caibideil

Kə̀fwàʼ 10:43

Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Faic an caibideil

Kə̀fwàʼ 13:29

A m bùghò ghe sô ndôʼ fwâʼ mɛʼɛ̀ tsughu sughò ghəa gho a zəŋò wə̄n aŋghəa ghe tɔm naŋa am Mwàʼsò kə Kəzə̀ kùu ndùw wə̄n, ghe n nì nùghùu sə̀ tsùghù wò wə̄n alo kədàŋlo, nì tsə̀la tsughu wə̄n.

Faic an caibideil

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Faic an caibideil

Kə̀fwàʼ 26:17

Ǹ lo bəghaasəa ghù aŋ ghu kə ghì ghə Ezə̀lɛ̂ àsùghò aŋ ghu kə Tòʼò tə̀là Ǹ lo tuū ndûw ghû fughu.

Faic an caibideil

Kə̀fwàʼ 26:6

M̀ fɛ èzəŋ ti saʼa tə̀sāʼ bòʼ boo zəla ŋ ki an to kəla Zə̀ kə fə̀ to â ghê tselè tsele ghaʼā,

Faic an caibideil

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

Faic an caibideil

Lumà 3:21

Ezə̄ŋ, Zə̀ kə̀ n dzì è wən zəla ù naāŋ ghî gho a te tsəghatsəgha a vʉa wə̄n dê fughu wò, mò à yò dzə aŋghəa lâŋ kə̀ deē, aŋghəa e bûʼ lo ko enyəa lâŋ kə Musî àsùghò ghiīshʉ̀ghà a Kəzə̀ à teso dzâa ghəa a te gho.

Faic an caibideil

1 Kòlentìan 15:3

Mùgho mò â ghɛ̀ dzɛ wo fəgha kəla mùgho fə̀ kele sugho tò ghəa è səŋò e sûesʉ zo: enyəa Kə̀lestò fə̀ kpuw bòʼ bòo tə sɛ̀, aŋghəa ghe tɔm naŋa am mwàʼsò kə Kəzə̀

Faic an caibideil

1 Kòlentìan 15:4

enyəa ghe n tsəla tsughu wə̄n, àsùghò enyəa tsùʼu m mô kpeē tsughu ntəgha, Zə̀ kə̀ n zòm nùghù kɔ̌ʼ wə̄n alo evʉ̄, aŋghəa mwàʼsò kə Kəzə kə dzaā,

Faic an caibideil

2 Timotì 3:11

Ghù kwò nû aŋghəa ghe mò dzaŋso mugho a te àsùghò aŋghəa mùghò mò fala a te. Ghù vʉ̀a ghù kwo sugho tsû wəla mùghò mò lo a te an Antìok, Ekonìum àsùghò an Listə̀là. Aŋghəa ghəa ghən fə̀ səā a zəŋò mùghò, Mughu ù te naam bəghasə̄ ko mùghò aŋ ghùu ghəa a te gho a dzə̀m.

Faic an caibideil

Edêe Fughu 11:18

Toʼò e mò ŋgee pfʉso n nəghà bòʼ nəgha zəla ghù so e dê nʉ̀ghà wʉ̀a u pfʉa wo a te m kpē, àsùghò nəgha zəla ghù ki alesaʼ ghî à kpuuwn gho a te kpe tsughu. Nəghā zə m kpe alenamsô kɔ̀ɔ mə̀ghà, ghiīshʉ̀ghà ghə̀a, àsùghò ghì ghə̀a ghò a dzə̀m, ghî ghə̀n a dzə̀m ghe fughuu ghû â kɔʼso mò, ne ghò àsùghò bvùʼù mə̄n. Nəghā zə m kpe â ghù aleləŋê ghì ghəla ghe sâʼ maʼa mbī.”

Faic an caibideil

Edêe Fughu 15:3

Ghe n zôo zom zəla à fə̀ bughòo tsughu Musî kɔ̂ɔ fi Kəzə̀, asùghò e Tsʉ u Ndzì zò, dzàa tsùghùu a te enyəa, “Tsə̂ntə̀mbî, Zə̀ kə̀ ghaʼa kən kə̀ dzə̀m, ghəa ghə̀a à ghəəŋ gho a bòʼò ghàʼa kwò enyə a, Ôo Də̀ŋ kə mbī ko! Ghəa ghə̀a à lo tsəghatsəgha, lò sugho êsəŋò.

Faic an caibideil

Edêe Fughu 20:12

Mùgho n daŋso kòʼ ndùw ghì à kpuuwn gho, bvùʼù mə̀ aghì àsùghò ghì a səŋo ghò, ghe ti an sə kə ndàŋ è kə̀də̀ŋ zə̀. Tsə̀təndə̄ghā tə̀ li tə n tsʉnlo ùmwàʼsò, ghe n tsʉ kpeʼe kɔʼ mwàʼsò kə̀ li ko, mò à lǒ mwàʼsò kə emùghùu. Zə̀ kə̀ n sâ saʼ tə ghì à kpuuwn yì aŋ ghəa ghəla ghe tɔm naŋā fughu am mwàʼsò vʉ̀, ghe n saʼ ghe aŋ ghəa ghəla ghe lo mo ghe mafə ghəŋlo.

Faic an caibideil

Lean sinn:

Ceanglaichean taic

Sanasan

Sanasan