Kə̀fwàʼ 26:18 - To kə Kəzə̀ kə̀ Fughu ko

¹⁸ Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Kə̀fwàʼ 26:18 Iomraidhean Croise

Matìo 4:10

Yɛso n daŋso dzɛ̀ â wə̄n enyəa, “Nùghù fɛ a Satàn wə̄n! Tɔŋlo enyəa ghe tɔm naŋa enyəa, ‘E kɔʼso kɔ Mughu ù te, Zə̀ kə̀a, ghù è tele fwaʼā ko â wə̄n.’ ”

Matìo 4:16

tɔɔŋ ghɛ̀ ghəla ghɛ̀ mò naām mughù alo kələ̄m, n tsə̀ è tùghuu kôʼ. Ghɛ̀ ghəla ghɛ̌ fə̀ lo fughu am mbù è te, mò à lə̀mà kɔ̀ʼɔ ko èvʉ fughu, tsuʼ wə n zuw an tuw wɛʼɛ.”

Lûk 1:77

Ghù kè ndùuw alendùw tsʉ̂a naŋâ ghì a wə̄n enyəa ghe kele tsughu enyəa ghe lo ko alezə̄ kətuw abugho Zə̀ kə̀ kê zə̂ bôo tə ghee to.

Lûk 1:79

Kə lo ghəəŋ sùghò nù tsə̀ kè tughu an tuw u ghì ghəla ghe lô alo kələ̄m, àsùghò an tuw u ghì ghəla ghe lô fʉgha wə evʉ wo, aledèe wô sɛ̀ â dzì è dzùŋ am mbī.”

Lûk 2:32

Tsə̀ zəla è dèe Toʼò zò â ghəa gho, fughuu sùghò ŋkɔʼso â ghî ghə Ezə̀lɛ̂ ghò, ghî ghə̀a.”

Lûk 24:45

Ù fi daŋso tsʉ kɔʼ nû tɔ u ghee wo alezuūwkɛlɛ̄ tsughu shwaʼ u Kəzə̀,

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Lûk 4:18

“Zuʼ tə Mughù ù te tə kê lò a zəŋò mùghò, bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho. Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ mo ghe mǒ ghee kwu an tsam lo səā nù, n naʼà ndûw sughò enyəa ghî à foō a lo kòʼò àsə, àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.

Dzɔ̌n 17:17

Ghəəŋ tsughu ghee enyəa ghe e zɔlɔ an səŋò zəghà zəla ghù zoʼn ghee a te, tɔŋlo enyəa shwaʼ wʉ̀a ù lo êsəŋò.

Dzɔ̌n 3:19

Sa zə eghəa zəla Zə̀ kə̀ saʼā ghî ghò a te lo enyəa, tsə̀ tùghù nyəa wò am mbī, ghî yia kuūwn ləghaa ləm ko tsə̀ghàtàʼà tsə̀, ghəa a ghee à ghəəŋ gho a sô lô ghəa à biigh gho.

Dzɔ̌n 4:10

Yɛso m bɛ̀lɛ̀ tsughu wə̄n enyəa, “Abugho ghù mò kwo fughu kə Kəzə̀ kò, kwo sugho ghùw wəla ù dzàa wô â ghù enyəa, ‘Fughu wò mugho â mùghù m mʉ̌a mò.’ To ghù mo nɔe tsughu, ù fughuu wô ghù â mùghù mə̀là m fughuu mughù zò.”

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 8:12

Yɛso ŋ kə̀a kpèʼe ndùw àghəa â ghee enyəa, “Ǹ lo kəkɛ̀ʼɛ̀ â mbī. Ghùw wəla u nì ghuw kaŋā ko kê yò alebwiī alo kələ̄m. Ù lo kuuwn ki tsə̀ am mùghù e wə̄n.”

Dzɔ̌n 9:39

Yɛso n dzɛ̀ enyəa, “M̀ fɛ bùghò alebùghò saʼ ghî a mbī; enyəa ghî ghəla ghe fô doʼo e lo alekoʼo luʼū to, asùghò enyəa ghəla ghe moʼò enyəa ghe koʼò nù luʼū to, e lo alefòo doʼò.”

Dzɔ̌n 9:5

Tò aŋghəa Ǹ naām lô fɛ am mbī, Ǹ lo tsə â mbī.”

Kə̀fwàʼ 10:43

Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Kə̀fwàʼ 13:47

Nu à lò êzə̀ Mughu ù te dzɛ̂ wò â ghàʼ enyəa, ‘Mùghò ŋ ghɛ̀ naŋa enyəa ghɛ̀ doʼo tsughu kɛ̀ʼɛ̀ kò â Tòʼò zò, ghɛ̀ lô kpɛʼɛ̄ ghəŋlo mbī edzə̀m zə kətuw.’ ”

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 26:19

“Mbɛ̀ɛ Agelepà, mùghò fə̀ bɔɔm zuw nduw fəgha kəl a ghùw wəla ù nùghù wo alo kəwālā bughò dzɛ̂ wo à mùghò an udzǔo.

Kə̀fwàʼ 26:23

Ghe fə̀ dzâa enyəa, ‘Kə̀lestò ki aletèlè bughò kpuūw tsughuu dzə̂, ù dòʼò tsughu ghùw sʉ̂sʉ alekɔʼɔ̄sə̄ alo evʉ̄, alebùghò tsʉ sə a aghì àsùghò a tətòʼò ghò.’ ”

Kə̀fwàʼ 3:19

À fi lo enyəa ghɛ̀ ki alemàʼà ebo, ghɛ̀ koom fən wo fə̂ŋ tɛʼɛ to a zəŋò Zə̀ kò, tò ù zèe maʼà bòo tɛʼɛ, ù sùuw zɔnso tsughu ghɛ.

Kə̀fwàʼ 5:31

Zə̀ kə̌ wə̄n kɔʼso naŋa kɔʼ aŋ kwe u wə̄n ù təma wo tò kətuw à Bəghambī enyəa ù lò kpɛʼɛ̄ ghəŋlo ghî ghə Ezə̀lɛ̂ à maʼà ghəa a ghee a biigh gho tò Zə̀ kə̀ ghuūw maʼà bòo tə ghee.

Lumà 8:17

Ghəa sɛ̀ lò wɛ a wə̄n gho, sɛ̀ lo zəa sùghò nù fʉgha wəla Zə̀ kə fə̀ to naŋa â ghî a wə̄n gho. Sɛ̀ à ghê Kə̀lestò lò dzeŋe zəa sùghò nù fəgha kəla Zə̀ kə mò naŋa â wə̄n; tɔŋlo enyəa, abugho sɛ̀ fala dzəŋlo sɛ̀ à ghê Kə̀lestò, sɛ̀ à ghee e ke dzeŋe lo sugho a dzə̀m an səghanyəgha ŋ wə̄n.

1 Kòlentìan 1:2

Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

2 Kòlentìan 6:14

Kà è zəa faa nlo ghɛ̀ à ghê ghì ghəla ghe doʼŋkè boo fughu â Zə̀ kò. Nu ghəa e tsəghatsəgha e ki yo ghəa è li zo ghèe ghê ghəa à kwu gho. Ŋkāa tsə̀ lò nû aledòʼò dzəəŋ ghèe ləm ko ŋkāa?

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 3:14

Kə̀lestò fə̀ enyə ghəəŋ tsughu enyəa, Toʼò zə è lo alekelê bughuso zəla Zə̀ kə fə̀ to naŋa â Abə̀làhâm, àsùghò enyəa sɛ̀ è lo alekelê Zuʼ tə̀ Zɔlɔ təla Zə̀ kə fə̀ to naŋā â sɛ̀ enyəa a kê kèle ko abugho sɛ̀ boō fughu tsughu â Kə̀lestò Yɛso.

Gàlashìan 3:2

Ghəa e lo ko e mɔ̀ʼ Ǹ so n bvʉ̀ā wô â ghɛ̀. Ghɛ̀ mò kaʼ tsughu ênzə̂n to ghe fughu â Zuʼ tə Kəzə̀ tò a? À mò lo bòʼ ghɛ̀ zuuw kə̀làŋ ŋkāa à mò lo aŋghəa ghɛ̀ mò zuw tsughu shwaʼ u Kəzə̀ wò a ghɛ̀ m boo fughu ndùw â Kə̀lestò enyəa ù kpe nû alebəghaasə ghɛ à?

Efɛsùs 1:11

Aghəa a dzə̀m bɔ̌ɔm bwìi ko aŋghəa Zə̀ kə̀ fôʼ naŋā a te, kə n shîaa kɔʼ ghaʼ enyəa a e lo fəgha ko kə mɔ̀ʼ ghàʼ à ghê Kə̀lestò, aŋghəa Ù fə̀ fôʼ naŋā enyəa zə lo êzə̀.

Efɛsùs 1:14

Zuʼ tə̀ Zɔlɔ tən tə lo tsə̌a aledèe tsughu enyəa sɛ̀ lo kele mɛʼn nu fʉgha wəla Zə̀ kə fə̀ to naŋā â ghì a wə̄n gho a dzə̀m alebùghò tâa wô an tsuʼ fəla kə kê bəghaasəa ghî a wə̄n gho a te. Zə̀ kə fə enyə ghəəŋ tsughu enyəa sɛ̀ è fughuu kɔʼso mò â wə̄n bòʼ ghaʼ e wə̄n.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 2:8

Tɔŋlo enyəa à ghəə̄ŋ dzɔ̀ e Kəzə̀ enyəa ghɛ̀ zə tuw ko bòʼ boo zəla ghɛ̀ ki â Kə̀lestò. À kà ghə̀əŋ tsùghù dzə̀ ghɛ enyəa ghɛ̀ zə tuw ko, à lǒ fughu kə Kəzə̀.

Efɛsùs 4:18

Ləm chia kə lo an sə a ghee, ghe yia a ki yo ghu ko am mùghù è fughu zəla Zə̀ kə̀ fughu â ghì ghò, bòʼ fə̂ŋso e ghee, ghe sô tughuso naŋā tsughu fə̂ŋ tə ghee to.

Efɛsùs 5:11

Kà nlò ghu kò e nyəso aŋ ghəa e kə lə̄m è li zo, tɔŋlo enyəa ghəa a tè a ki dzə yo namso kə̀ li ko. E kuuwn niī deē fughuu səa wo ghəa a te gho an ndɛ to ghî ghə̀ e koʼō.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

Efɛsùs 6:12

Tɔŋlo enyəa sɛ̀ təma dzə̀ yǒ tsàm sɛ̀ à ghê ghì ghò, a tsàm kuuwn təma sɛ̀ à ghê zʉ̀ ù biigh wo, təma sùgho sɛ̀ à ghê zə̀a m biigh məla à tuu sə̀a wo dwə̀ŋ u te wo, təma sùghò sɛ̀ à ghê zʉ̀ wəla u ki dwaʼa wo aŋghəa a kələm ghəla a nîi bəla ke êzə̄ŋ, àsùghò zʉ̀ ù biigh ù li wəla u boōn kaāŋ ghəa gho an luʼu tə kəwalā

2 Timotì 2:26

An dziī zən, tɔ u ghee u lo nû alekwəla nyəa wô, to ghe tiī nughù səa wô am fàŋa kə Satàn kə̀ biigh kəla ù kɔlɔ naŋa ghee a te enyəa ghe e bwiī wo an dzə̂ è wə̄n.

Hibùlù 10:10

Zə̀ kə n tsə̀m tsughu alesùuw maʼà bòo tə sɛ̀, kə ŋ ghəəŋ tsughu enyəa Yɛso Kə̀lestò fughuu kɔʼ ghue u wə̄n an tuw u sɛ̀, ù fughuu təla ko êsəŋò.

Hibùlù 10:14

Am fughu kə wə̄n kən kə̀ mɔ̀ʼ, ù ŋ ghəŋlò ghî ghəla ghe sûw maʼà bôo tə ghee to n dòʼò tə̀n kɔʼ ghî à ghe kpe aŋghəa Zə̀ kə̀ ləghaa.

Hibùlù 11:6

Abugho ghù dòʼŋkè boo fughu â Zə̀ kò, ghù yò dzə̂ aleghəŋlo fə̀ŋ è wən zə̀ zɔlɔ. Tɔŋlo enyəa ghùw wəla ù ləghaa alendùw a vʉ̀a Zə̀ kò ù kì aleboō tsughu enyəa Zə̀ kə̀ lo nû, chia kə namso sugho ghî ghəla ghe kûm diī alekele wə̄n.

Hibùlù 9:15

À fi lo enyəa Kə̀lestò lǒ ghùw ù nî wô kàa m fughu mò enyəa ghî ghəla Zə̀ kə mò tɔŋɔ ghee e lo alekele fəgha kəla ghe mo to naŋa enyəa ghe lo kele tə̀n. Ghəa ghən lo səa nù bòʼ Kə̀lestò mafə kpuw alezuū səa wô tuw u ghee am bòo tə ghee təla ghè ghəə̄ŋ tsəgha tì kəla kàa n sûesʉ m fə̀ naām ki daʼa ko a zəŋò ghee.

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

1 Pità 1:4

Sɛ̀ e chiī tùʼ enyəa sɛ̀ lo kele fʉgha ù səŋò wəla Zə̀ kə̀ to naŋa â ghì a wən gho. Kə naŋa fʉgha u te wo â ghɛ alo kəwālā; an lùʼu kəla u buw aleboō koʼò tsəghà, ŋkāa u buw sugho alefìaa.

1 Pità 2:25

Tɔŋlo enyəa ghɛ̌ fə̀ lo tsəgha tò təndzì, tə laʼà bwîi, zə e lo ezəŋ enyəa ghɛ̀ ŋ kòom bùghò nyə ebàm an ghu kə bàʼàtə̀ndzì, tɔɔŋ ghùw wəla ù lɛnlo â mughù zɛʼɛ zo.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

1 Dzɔ̌n 1:9

Abugho sɛ̀ kûm boo tsughu enyəa sɛ̀ ghəəŋ nù ghəa à biigh gho, sɛ̀ yia a mʉŋē aŋ ghəa a te gho a sə̀a Zə̀ kò, kə lo ghuūw maʼà bòo tə sɛ̀, kə sùuw maʼà sughò sɛ̀ aŋ ghəa a sɛ̀ à biigh gho. Tɔŋlo enyəa Zə̀ kə̀ lo tsəghatsəgha, chia kə naāŋ sugho to kə wə̄n ko.

1 Dzɔ̌n 2:12

Ǹ ghəa ghən tɔɔ wo a ghɛ̀ a fən ghaŋā gho, bòʼ Zə̀ kə̀ m bòo tɛʼɛ tə ghuuw màʼà an am bàm e Kə̀lestò.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Edêe Fughu 21:27

Fəgha kə li kə ke kòom tsə̀ghà nyə yo fughu alo enaʼ mo ke dzəa nù, ghuw wə agha kê nyə̀ yo fughu alo enaʼ ŋkāa ghuw wəla ù ghəəŋ ghəa tuw kə̀ dala ko. À lǒ fughu nyəa ko ghì ghəla ghe lo mo ghe n tɔm naŋa zən a ghee gho am mwàʼsò kə emùghù kə Tsʉa u Ndzì e te.