Kə̀fwàʼ 26:17 - To kə Kəzə̀ kə̀ Fughu ko

¹⁷ Ǹ lo bəghaasəa ghù aŋ ghu kə ghì ghə Ezə̀lɛ̂ àsùghò aŋ ghu kə Tòʼò tə̀là Ǹ lo tuū ndûw ghû fughu.

Kə̀fwàʼ 26:17 Iomraidhean Croise

Kə̀fwàʼ 13:50

Ghî à ne a Tə̀dzûu ghə̀ ŋ kuuwn tsuʼn kaaŋ kô ghì à tughu gho alo enaʼ àsùghò ghìzən à ne ghəla ghe mò lo mo ghe m boo aŋ Kə̀lestò, ghe n nùghù kàʼ ndùw Pôl ghèe Bànabàs alebɛ̀, dzùm sə kɔʼ ghee am mbùʼ è ghee.

Kə̀fwàʼ 16:39

ghe fi bughò bùʼ nû ghu ko â ghê Pôl. Ghe n nì nùghù sə̀ ndùw ghee, dzɛ̀ enyəa ghe zəghàa tsughu naʼ e te zo.

Kə̀fwàʼ 17:10

A m bùghò waazə̂ à li yi nî ndûw təmā zəghàa ndûw Pôl ghèe Saelàs â tsuʼ wo am Bɛ̀lîa; ghe n ndùw fughu, ndùw nyə̀ ndùw an ndùghùne è ghì a Dzûu.

Kə̀fwàʼ 17:14

Waazə̂ a ghê Pôl à li yi n daŋso nì dzə̀n kɔ̀ʼ Pôl alo kəkwə̀n, təma zə̀ghàa ndùw wə̄n, Saelàs ŋ kuūwn dòʼòdòʼò tsùghu fughu ghèe Timotì.

Kə̀fwàʼ 18:10

tɔŋlo enyəa Ǹ lo ghàʼ à ghù, kǎakàa fə̀ lô ghù kɛ̂ yò; nu Ŋ̀ ki ndə̀m è àghì fɛ alo enaʼ.”

Kə̀fwàʼ 25:3

nɔ̀e ndùw enyəa ghe nîi tuū kɔʼɔ̄ ndûw bə̀ghà vʉ an Yɛ̀lusalɛ̀m. À n lo mo ghe m fə̀mbɛ̀ kɔ̀lɔ naŋa enyəa ghe kwuū wi wən an dziī.

Kə̀fwàʼ 28:28

Ghɛ̀ ki alekele tsughu enyəa ghe n shwaʼ u tùw kə̀ zəa u Kəzə̀ wən nî tùm fùghù ndùw â Tòʼò tò, ghe lo zuuw nù.”

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 11:13

Ŋ̀ ghəa ghən fɛ êzəŋ kə̂aa wò â ghɛ̀ a Toʼò zò, aŋghəa à naām lô dzə̂ mugho ghùw wəla ghe tum wo enyəa ù bùghò naʼà làbəlà è Kə̀zə̀ zən â ghɛ̀. Ǹ nî tsùghù enyəa fwàʼ kə̀là Zə̀ kə̀ fughu â mùghò lô fwàʼ səŋò kò.

Lumà 15:16

Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:11

Zə̀ chia kə shîaa kɔʼ mugho tǒ tum è Kə̀lestò àsùghò tǒ wàdè alezoʼn wo ghî ghò, nàʼn ndùw sùghò làbəlà è dzùŋ è te.

2 Timotì 3:11

Ghù kwò nû aŋghəa ghe mò dzaŋso mugho a te àsùghò aŋghəa mùghò mò fala a te. Ghù vʉ̀a ghù kwo sugho tsû wəla mùghò mò lo a te an Antìok, Ekonìum àsùghò an Listə̀là. Aŋghəa ghəa ghən fə̀ səā a zəŋò mùghò, Mughu ù te naam bəghasə̄ ko mùghò aŋ ghùu ghəa a te gho a dzə̀m.