Kə̀fwàʼ 26:16 - To kə Kəzə̀ kə̀ Fughu ko

¹⁶ Nùghu tee kɔʼ am fwēe zəghà, tɔŋlo enyəa soo kə eghəa kəla M̀ bughò dê wô ghue waŋā wo â ghù, à lò alenìi kɔʼ ghû enyəa ghù è fwaʼā â mùghò; teso dzàa ndùw ghəa ghaŋa ghəla ghù lǒ mò ghù ŋ kòʼ àsùghò ghə̀là Ŋ̀ kê dêe wo â ghù.

Kə̀fwàʼ 26:16 Iomraidhean Croise

Lûk 1:2

Ghe fə̀ tɔɔ fəgha kəla sɛ̀ fə̀ zuw aŋ ghùu ghì ghəla ghe fə̀ kôʼ aŋghəa ghəa a te a fə̀ kaʼ tsughu alenì kə̀bəla a te, ghe m bwîi dzàa wò.

Kə̀fwàʼ 1:17

Sɛ̀ à ghee mò lo alo kəfɔ̄e kə mɔ̀ʼ, ghe m fùghù tsùghù sùghò bà kə wən am fwàʼ kən.

Kə̀fwàʼ 1:25

alenìi kɔʼ bûʼ kəla Dzudàs bàʼ naŋā kɔʼ enyəa e nughù wən â luʼū to, am fwàʼ kə tsə̀təndə̄ghā kən.”

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 21:19

A m bùghò ù tɔ̄ɔŋ zuw tsughu ghee, ù n tāŋsō dzɛ̀ kɔ̀ʼ ndùw ghəa ghə̀là Zə̀ kə̀ fwâʼ tsughu â zəŋò Tòʼò tò am bàm e fwàʼ kə ghee.

Kə̀fwàʼ 22:10

Mùghò n daŋso nùghù bvʉ tsughu enyəa, ‘Ŋ̀ ghəə̄ŋ ndûw êndughō a Mughùbè?’ Mughu ù te n dzɛ̀ â mùghò enyəa, ‘Nùghu kɔʼɔ̀ ghù nyə nduw an Dàmaskùs, ghe sô dzàa wò nù ghəa zəla Zə̀ kə̀ dzɛ̂ naŋā enyəa ghù ghəŋlo.’

Kə̀fwàʼ 23:11

 tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”

Kə̀fwàʼ 26:15

Mugho m bvʉ tsughu enyəa, ‘À lò ghû ndùgho a Mughubè?’ Mughubè ù te n daŋso dzɛ̀ tsùghù enyəa, ‘Ǹ lo Yɛso wəla ghù ndzaŋsō kaŋlo.

Kə̀fwàʼ 6:4

ghàʼ, am bà kaʼa, a kuūwn doʼò təla tsughuu ko alegɔ̀ŋlò, ghàʼ e zoʼn nduw sugho ghî ghò an shwaʼ u te wo.”

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 15:16

Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

2 Kòlentìan 5:18

Ghəa ghə̀n à dzə̀m à ghə̌əŋ Kə̀zə̀, Zə̀ kəla ù mò biān tsughu sɛ̀ à ghee am bàm e Kə̀lestò, fùghù tsùghù sùghò sɛ̀ â fwàʼ kò enyəa sɛ̀ è biaan ghî ghò ghèe ghê Zə̀ kò.

Gàlashìan 1:12

Ŋ̀ ka fə nî ndùuŋ wò dzə̀ aŋ ghùu ghùw wə nsɔ̌ɔŋnchùw ù lì, ŋkāa ghe ka fə mugho a te zoʼn tsùghù dzə̀ nû, à mò làbəlà è dzùŋ è te â mùghò kuuwn de wo ghuūghùe u Yɛso Kə̀lestò.

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Efɛsùs 3:3

àsùghò dzì zəla Zə̀ kə̀ lo mo kə n nì dè fùghù wò nàn kə eghəa M mafə bûʼ tsuʼ naŋa wò dzə̀ â ghɛ̀ a m mwàʼsò kaŋa.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:25

À lò bòʼ dzeŋe kə ghì a Kəzə̀ kən, Zə̀ kə̀ naŋā mùghò enyəa N̂ doʼò ghùw ù kə̀fwàʼ wɛʼɛ a te, enyəa mùghò è kuū naʼ wo shwaʼ u Kəzə̀ wò.

Kòloshìan 1:7

À mò ghɛ â Dzɔ̀ e Kəzə̀ zən teso dzɛ wo Epafəlàs. Ù lǒ ghùw ù kə̀fwàʼ wəla ghàʼ à ghee dzeŋe fwaʼà a dzə̀m a ŋgeē ləghaa. Ù lǒ ghùw, ù fwàʼa â Kə̀lestò am fə̂ŋ è wə̄n e dzə̀m an tuw u sɛ̀.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

1 Timotì 1:12

M̀ fughu kə̀zɔŋlò â Mughùbè ù sɛ̀ wəlà ù mò fughu mugho â nùŋ wò aŋ ghəa ghən, bòʼ ù maā kôʼ tsughu enyəa Ǹ lo nû tsəghatsəgha, ù n nì kɔʼ mugho alefwàʼ fwàʼ kə wə̄n.

1 Timotì 4:6

Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.

2 Timotì 4:5

Yia a bughô ghû a Timotì, tiso kɔʼ tuw ko edzūŋ, boo tsughu fala zo, ghù e də̀mà tə̀la tsughuu alenàʼà làbəlà è dzùŋ zən â ghì ghò; fwàʼà tə̀la tsughu sùghò fwàʼ kə̀a kə dzə̀m tò kɔ̂ɔ fə Kəzə̀.