Kə̀fwàʼ 26:10 - To kə Kəzə̀ kə̀ Fughu ko

¹⁰ Kən lò fəgha kə̀là mùgho fə̀ fwaʼ ghè kò an Yɛ̀lusalɛ̀m. Fɔ̀e tə̀ tughu tə m fughuu tsughuu kədaʼa, mùghò ŋ kwuu dzə̀là ghì ghəla ghe boo fughu â Yɛso an ndùghètsāʼ, a m bùghò ghe tsəghàsò tsughu lâŋ kò enyəa wiin ghee, mùghò n tso boo è sugho.

Kə̀fwàʼ 26:10 Iomraidhean Croise

Kə̀fwàʼ 7:58

Ghe n sè nùghù sə̀ ndùw wən alo enaʼ, ndùw kàʼ ndùw wən alo atīa a lùʼù təəm wo; ghî ghəla ghè fə̀ tɔ̂ʼ ti aŋ ghəa e te zo ghe n ndoʼò tsɔ̀ʼn kɔʼɔ̂ ndzʉ tə ghee màʼn nǎaŋ ndùw a tsəlà wɛ̂ɛtùghu ù lì ghe mò tɔŋlo enyəa à lò Sôol.

Kə̀fwàʼ 8:1

Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

Kə̀fwàʼ 8:3

Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.

Kə̀fwàʼ 9:21

Dzughu zə n zûu ghì ghə̀n à dzə̀m ghe mò zəə̄n shwaʼ u wə̄n wo, ghe m bvʉ enyəa, “Wən mgbàŋ yǒ ghùw wəla ù mò ndzaŋsō kaāŋ ghî ghəla ghe tɔɔŋ tsughuu zən e Yɛso zò an Yɛ̀lusalɛ̀m à? To ù fɛ mgbaŋ bùghò enyəa e bughò kwuū kɔlɔ̀ tsughu ghee e nìi ndûw fughu â fɔ̀e tə̀ tughu to a?”

Kə̀fwàʼ 9:26

A m bùghò ù nyə nduw an Yɛ̀lusalɛ̀m ù ŋ kəŋo dzì aletəmadzəə̄ŋ wô tsə̀təndə̄ghā tə ti a fughu; ghe ŋ kuuwn tsəŋo ghaʼa wə̄n, ghe màʼà kaām boōm yo enyəa ù lǒ tsə̀ndə̄ghā.

Kə̀fwàʼ 9:32

Pità ŋ ŋgəa tsughu tə luʼū tə dzə̀m, kòʼò kǎaŋ ndùw ghì ghəla ghe lo mo ghe m boo fughu, ù n tsùghù bùghò kòʼ wò ghì à Kəzə̀ yia ghe mughu an Ledà.

Kə̀fwàʼ 9:41

Pità m fùghù ndùw kə̀ghu â wə̄n, tɔ̀ɔm nùghù kɔ̌ʼ wə̄n. Ù n tɔŋɔ tsughu ghî à Kəzə̀ yì à dzə̀m àsùghò yiikpūw yì, dè tsùghù nughò vʉ̀ â ghee, mò ù lò â ghue ù tughu wo.

1 Kòlentìan 15:9

Nu am fwàʼ kə tum tə Kə̀lestò, Ǹ lo wɛ̂ɛtùghuu a zəŋò tum to tə dzəm, mò Ŋ̀ kâ bùʼ kɔ̀ʼkpē to ghe e tɔŋɔ enyəa à lǒ tum è Kə̀lestò, bòʼ mùgho mò ndzaŋso kaaŋ tsəgha dzeŋe kə ghì a Kəzə̀.

Gàlashìan 1:13

Tɔŋlo enyəa ghɛ̀ maā zuw aŋghəa mughù zaŋa e mò bûʼ lô tsəgha a te, aŋghəa mùgho mò bûʼ mughù tsəgha tǒ kùm kə ghûw ù Dzudà, àsùghò aŋghəa ghəla mùghò mò dzaŋsō tsughu ghî ghəla ghe gaʼ fə̀ŋ aŋ ghəa e Kə̀lestò an nʉ̀ghà ù pfʉa wo, də̀mà sùghò aledzùuw maʼà ghee;

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Edêe Fughu 17:6

Mùghò ŋ kòʼ nughò vʉ mo kâŋ tə ghì a Kəzə̀ a zɔlɔ tə kɔʼn wə̄n a zəŋò e ughùe àsùghò tə ghì ghəla ghe mò winlo enyəa ghe boo fughu â Yɛso. Ghəa ŋ kôʼ nduw wə̄n dzughu zə m biso zum mugho.