Kə̀fwàʼ 24:5 - To kə Kəzə̀ kə̀ Fughu ko

⁵ Ghàʼ kôʼ tsùghù enyəa ghùw wən lo ghûw ù ùtsù, ghùw wəla ù sòʼò kaāŋ tsû wò am bvʉa e Tə̀dzûu fɛ am mbī e dzə̀m, vʉ̀a ù lò sughò tuw ko an dzeŋe kə̀ biigh kə ghì a Nazalɛ̀t gho.

Kə̀fwàʼ 24:5 Iomraidhean Croise

Matìo 10:25

Wàakə̀mwàʼsò bɔ̌ɔm mìaa kùm tsughu ko aledòʼò tǒ wàdè ù wə̄n, kɔ̂ɔ fə̀ e lo sugho aledòʼò tsughu tò mughùbè ù wə̄n. Abugho ghe zɔŋɔ̀ mughùbè enyəa ù lò Bɛzɛbùl, ghe n tso kuuwn tɔŋɔ kèndughu kə wə̄n enyəa à lǒ kwò!”

Matìo 2:23

Ù n ndùw mùghù ndùw fughu an naʼ è li zo ghe fə̀ tɔŋlo enyəa à lò Nazalɛ̀t, enyəa e bɔɔ̄m səā kpeē ndûw an shwaʼ wəla ghiīshʉ̀ghà a fə̀ dzɛ̂ naŋā kùu ndùw Yɛso enyəa, “Ghe lô wə̄n tɔŋlo enyəa à lo ghùw ù Nazalɛ̀t.”

Mâk 1:24

Tûw vʉ n daŋso nùghù dì sə̀ wò enyəa, “Ghù kǐ kwò sɛ̌ a Yɛso, ghùw ù Nazalɛ̀t wə̄n? Ghǔ m bùghò sə alebùghò ləŋe ghàʼ à? Ŋ̀ kwo nû ghùw wəla ghù lò â ghè wò, ghù lǒ ghùw ù Kə̀zə̀ ù Zɔ̀lɔ.”

Lûk 23:19

(Bàlabâs fə̀ ndùghùtsāʼ kɔʼ kùu ndùw ndə̀m kə̀ li ko kə fə̀ sə enaʼ ù ŋ wī ghùw a te.)

Lûk 23:2

ghe fi kaʼ nù alekwu Yɛso, dzàa tsùghuu enyəa, “A kəŋ kwu sə kɔʼ enyəa tûwbʉ̀ghà wən tsʉ̂a bǒon ghì ghə enaʼ a sɛ̀, ù dzɛ̀ enyəa ghî à ka mwàʼsò kə̀ e chuuw â Kaesà, dzàa kaaŋ sùghò enyəa e lo Bəghambī, də̀ŋ kə̀ tsuʼu ko.”

Lûk 23:25

Ù n tsʉ̀ zə̀ghàa sə̀ wò Bàlabâs wəla naʼ e bvʉā, tɔɔŋ tûw wəla ù fə kɔʼ ndùghùtsāʼ kùu ndùw ndə̀m kəla kə fə sə enaʼ ghùw m kpuw a te, kuuwn nì fùghù sə̀ ndùw Yɛso â ghee aŋ ghəa ghe ləghaa.

Lûk 23:5

Ghe m mgbɛɛ ko enyəa, “Ù tiso naŋa kɔʼ naʼ e Dzùdîa e dzə̀m alo efwē an tsʉ̀ e wə̄n. Ù fə̀ ziī tsughu aŋ Galèlîi, vʉ̀ ù bùghò tɛ̂ wô fɛ.”

Kə̀fwàʼ 15:5

Ghî à li gho an dzeŋe kə Falàsîi ghe fə̀ boō fughu tsughu â Kə̀lestò, n nùghù è kɔʼ kàʼ ndùw alekə̀aa enyəa, “E dzɔ̂ɔ nù enyəa to Toʼò è mô sùghoo tsūghûu twii e ghee, ghe e naaŋ tsughuu lâŋ kə Musî kò.”

Kə̀fwàʼ 21:28

Ghî a te ghə m buʼnlo mbɔŋ, dzàa tsùghù enyəa, “Wo ghî ghə Ezə̀lɛ̂ ghò, tɔ̌ɔ wò nlò! Wən lò tûw wəla ù tsʉ̀ boōn tsughu ghî ghò luʼū ten tə̀ dzə̀m enyəa ghe ka e zuuw â ghì ghò, ghe ka e naaŋ lâŋ kò, ghe ka e kɔʼso sugho luʼū kən: vʉ̀a ù mò fəghaan ndûw nî nyə wô sughò ghî a Gə̀lês ghò fɛ am bêne ko, nùʼn bǒon tsughu luʼū kə̀ baa kən!”

Kə̀fwàʼ 22:22

Ghî a te ghə n zəən kô shwaʼ u Pôl u te wo enyə, ù m bùghò mɔ̀m tsùghù ghəa zən enyəa: ghe ŋ kòom dàŋso nùghù kaʼ è kɔʼ buʼn səā kɔʼɔ mbɔ̀ŋ an dzə̀ tə̀ tughu to enyəa, “Nǐi kɔʼ nlǒ wə̄n! Wi màʼa nlǒ wə̄n! Ù kì yo alelō â tuw ko!”

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 24:4

À kǔuwn lò ko enyəa, Ŋ̀ ka nəgha zəghà è kôom zə̀ sùghò, Ǹ so M̀ buʼū tsughu kəghu enyəa, am fə̂ŋ zə̀ghà è dzùŋ, ghù nyɛʼɛ zəən tsughu shwaʼ waʼa wo.

Kə̀fwàʼ 25:7

A m bùghò ù bùgho, Dzûu təla tə mò nughù tsughu wo an Yɛ̀lusalɛ̀m n nùghù zùuŋ kɔ̌ʼ wə̄n enyə, bòʼò wò ndə̀mà tə tùghùtùghù tə aghəa, naaŋ ndùw an tuw kə wə̄n, mo ghe bûʼ yò aletɔ̀ʼɔ̀ teso.

Kə̀fwàʼ 26:5

Ghe ki kwo tsəgha nû, abugho ghe mô lô aledzàa wô, enyəa mùghò mò lo tsəgha ghùw an dzeŋe kə ghì a Falàsîi ghəla ghe mò tɔʼɔ̀ ghəəŋ ghəa a kəzə̀ ghaʼa gho.

Kə̀fwàʼ 28:22

Ghàʼ kuuwn ləghaa nù alezūw moʼn zə̀ghà; nu ghàʼ kwo nû enyəa ghe tsôo kə̀aa bǒon kaaŋ tsə̀ghà kô ghəa a dzeŋe kəla ghù lò a te an lùʼu ten tə̀ dzə̀m.”

Kə̀fwàʼ 5:17

Tuw kə fɔ̀e ghèe ghê ghì ghə̀n à dzə̀m ghèe ghee mò lo a dzə̀m (tɔ̂ɔŋ dzeŋe kə tə̀ Sadùwsîi) n daŋso kàʼ ndùw aleghòʼ. Mʉ̌ʉn kə ŋ ghəəŋ tsughu ghee,

Kə̀fwàʼ 6:13

Ghe n nì nàŋa wò təbvʉ̂nɔ̄ʼ enyəa ghe ŋgaām bughò dzâa wô enyəa, “Tûw wən kaān tsō dòʼò kòʼ mò ù kə̀aa bǒon yo ghəa a Ndùghù è Kə̀zə̀ e ne zən àsùghò làŋ kə Musî kò,

1 Kòlentìan 11:19

Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.

1 Kòlentìan 4:13

Abugho ghe boōn zən ghaʼā gho, ghàʼ n dəmà ko alekə̀a shwaʼ ù dzûŋ wò. Ghàʼ yia a bughò doʼò tsughu dzʉ u mbī wo êzə̄ŋ, tò fəgha kə kwəlā maʼn ko am fʉgha wən ù dzəm.

1 Pità 2:19

Ghɛ̀ kwo nû enyəa Zə̀ kə̀ duʼn nù â ghùw abugho ghe fəmso wə̄n alo eghəa mò ù kà ghə̌əŋ bonlo, bò enyəa ù kwò lâŋ kə Kəzə̀.