Kə̀fwàʼ 24:25 - To kə Kəzə̀ kə̀ Fughu ko

²⁵ A m bùghò Pôl tɔ̀ʼ teso tsughu tuŋlō u ghee wo aŋghəa ghî a ki alelo tsəghatsəgha a te, àsùghò aŋghəa ghî a ki alenaŋso ghuw kə e bwìi kə ghee ko a te, àsùghò aŋghəa Zə̀ kə̀ lo saʼā ghî ghò a te an tsuʼ fə̀ guŋso fo, Fɛlècks n tɛ̀ ètsəŋ, nùghù dzɛ̀ tsùghù enyəa, “Kə̌aa nùghu ndùw ezə̀ŋ, abugho Ǹ sô ndôʼ kele tsughu nəgha zo, Ǹ sô kôom tɔŋɔ̄ wô ghù.”

Kə̀fwàʼ 24:25 Iomraidhean Croise

Matìo 22:5

Ghe ŋ kè buʼù nî ghəa a te gho tò eghəa, ghe n nùghù ghe â luʼū to, chìa n nùghù sòʼ ndùw an sum u wə̄n, ù lòʼ wən n sòʼ sə̀ ndùw wən â bekewə̄n ko.

Dzɔ̌n 16:8

Abugho ghùw wəla ù lo yôsò ghɛ lo bugho, ù lo ghəŋlo ghî a mbī a kele enyəa ghe m bo e ghəŋlo, ù lo dêe sùghò â ghee enyəa Yɛso lò tsəghatsəgha, àsùghò enyəa Zə̀ kə lo ki alesāʼ ghee;

Kə̀fwàʼ 10:42

Ù n dzɛ̀ â ghàʼ enyəa ghàʼ è kəaa nduw shwaʼ ù dzûŋ wò â ghì ghò, dzàa fùghuu ndùw enyəa Yɛso lǒ ghùw wəla Zə̀ kə̀ mò tsuʼ naŋā enyəa ù è saʼa tuw u ghì ghəla ghe lô â tuw ko à ghì à kpuuwn gho.

Kə̀fwàʼ 17:13

A m bùghò Dzûu tə̀ li to an Tɛ̀sàlonikà tə̀ zuw tsughu enyəa Pôl kə̀aa sùghò shwaʼ u Kəzə̀ an Bɛ̀lîa, ghe n ndùw bùghò sùghò fughu, bùghò tsùʼ sòʼ tìso naŋa kɔʼ enaʼ alo efwēe.

Kə̀fwàʼ 17:2

Pôl m bùghòo nàŋa tsughu enyəa ù e nduūw tsəgha an Ndùghùnè è Tədzûu. Ù n nì kɔ̀ʼ Tsuʼutəntsə̄ tə təgha mò ù tsòo ndùw kə̀aa zěe ko àghəa ghèe ghê ghì ghò a fughu, tɔɔŋ səa kɔʼɔ àghəa am Mwàʼsò kə Kəzə̀,

Kə̀fwàʼ 17:32

A m bùghò ghe zuw Pôl bùghò mɔm tsughu ghəa à nîi nughūun kɔʼɔ gho alo evʉ̄, ghee à li ghə ŋ kàʼ ndùw wən a lùʼù sɔʼso wo, à li ghə ŋ kuuwn so enyəa, “A lo fəghaan tɔ̀ʼɔ̀ zǔuw nù ghən aŋ ghùu ghù.”

Kə̀fwàʼ 2:37

A m bùghò ghe zuw tsughu ghəa yì, fə̂ŋ tə̀ m bàa tsùghu ghee ēnyə̄, ghe m bvʉ â Pità ghèe ghê tum tə̀ li ti enyəa, “Waazə̂ ghò, ghàʼ êzəŋ e dzə̂ ènzə̂n?”

Kə̀fwàʼ 24:15

chìi ndùw ko tùʼ alo Kəzə̀ to ghue e ughùe e ghee e chîi sugho, enyəa ghî a tsəghatsəgha ghèe ghê bəən tə aghì tə̀ lo kɔʼɔsə̄a nù alo evʉ ghee a dzə̀m.

Kə̀fwàʼ 24:26

Ù n chîi ko tùʼ an nə̀gha e te zo sughò enyəa Pôl so waā dzə̂a fughuu wô wən â kua wo. Ù n tsùuŋ ko êzə̄ŋ nùghù tɔ̀ŋɔ tsughu Pôl ghèe wən ŋ kə̀aa tsùghù aghəa.

Kə̀fwàʼ 26:28

Agelepà n daŋso nùghù bvʉ tsughu â Pôl enyəa, “Ghù mòʼò enyəa aŋ kə̀mà fə̀ enə̀ghà fən ghù lò nû aleghəŋlo Ǹ doʼò ghùw Kə̀lestò?”

Kə̀fwàʼ 9:6

Nùghu kɔʼ ko nû ghù nyə nduw an naʼ e te zo, ghe sô dzàa wò nù ghû â ghəa zəla ghù ki aleghəŋlo.”

Lumà 12:1

Yia a bugho êzəŋ a waazə̂ ghaŋa gho, à lǒ bòʼ se è kwuso zəla Zə̀ kə̀ ŋge ki a zəŋò sɛ̀ M̀ buʼū wô ghu ko â ghɛ̀ enyəa; ghɛ̀ Fughu nduw nlò ghue zɛʼɛ zo â Zə̀ kò tǒ fughu kəla ghe sɛ̂ fughu nduw â wə̄n mò ghɛ̀ kuuwn naam lò â tuw ko, mò ghɛ̀ zɔlɔ nù ghəəŋ sùghò enyəa fə̀ŋ e wə̄n e zɔlɔ. Mən lǒ kɔʼso n sə̀ŋò məla ghɛ̀ ki alefughuu â Zə̀ kò.

Lumà 14:12

Ghùw e ke taŋso dzaā nduw ko ghəa a ghùe u wə̄n gho â Zə̀ kò, taŋso dzàa ndùw sughò soo kə eghəa kəla kə fə̀ ghəŋlo enyəa ù ghəŋlo êzə̀.

Lumà 2:16

Ghəa ghən lô bəla kə nîi abugho tsuʼ fəla Zə̀ kə kê saʼa ghî ghò a te am bàm e Kə̀lestò Yɛso an nàn tə aghəa tə ghee. Zən lǒ Làbəlà zəla Ǹ zughòo naʼnlo, è dèe êzə̀.

1 Kòlentìan 4:5

A fi lo enyəa ghù ki dzə yo alesāʼ ghùw u li mo nəgha è te e kaām kpe. Saʼ è gbǒo tee zə aghəa ki alebɔɔm ləmā to Mughu ù te kê bughò; ù ke bugho nìi nǎŋ wo tsɔŋ tə aghəa tə kələm to an ndɛ, ù dèe fughuu kɔʼ môʼn zəla ghùw ki alekele aŋ ghuu Zə kò. A kê bugho an nə̀gha e te zo, Zə̀ kə̀ lo e fughu nduw ko chìa â kɛɛ wəla u kpe â wə̄n.

2 Kòlentìan 5:10

Tɔŋlo enyəa sɛ̀ ghən à dzə̀m lo ndùw nyə̌a tēen nù an tia e sāʼ e Kə̀lestò. Ghùw ù sɛ̀ e ke lo alekelê namso kəla kə kpe â wə̄n — kə̀ dzûŋ ko ŋkāa kə̀ biigh ko, kùu ndùw fəgha kə̀là ù lǒ mò ù m fwàʼ aŋghəa ù mò lò aŋ gwə̀n e ughùe e ghûw wə̀ nsɔ̌ɔŋnchùw.

2 Kòlentìan 6:2

Ghɛ̀ zuw fəgha kəla Zə̀ kə dzɛ ghè kò a, “Ghəa nəgha e kpe tsughu â mùghò aleləghā ghɛ̀, mùgho n dì zɛʼɛ e zuw, a m bùghò tsuʼ ù bəghasəa u aghì ù kpe tsughu, mùghò n yòsò kɔʼ ghɛ̀.” Kòʼô, nəgha e te zə m kpe, zəla Zə̀ kə ki aledè dzɔ̀ e wə̄n a te, àsùghò nəgha zəla Zə̀ kə̀ bəghaasəa ghî ghò a te zə m bùghò sə.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 5:23

zʉ̀ kə emùghù àsùghò ghuw kə ebwìi kə̀ naŋso ko; abugho ghəa ghən enyə lǒ a zəŋò ghùw, làŋ kə̀ li yo dzə̂ alekɔlɔ̄ wə̄n.

2 Timotì 4:1

Ǹ dzàa wò â ghù a n sə kə Kəzə̀ ghèe Kə̀lestò Yɛso wəla ù kè saʼā ghî ghəla ghe kê naām lô â sə à tughu gho, àsùghò ghəla ghe lo mo ghe n kpuwnlo, abugho ù kè bughoo alebùghò saʼ mbī a te tò kədə̀ŋ enyəa:

Taetùs 1:8

Ù lǎam ki aledòʼò tsùghù ghùw wəla ù bɔŋɔ̄ naāŋ ghî ghò alô wə̄n, tèlè lə̀ghaa kô ghəa è dzûŋ zò, tɔ̀ʼ kwò sugho alekùu kɔlɔ̂ tsughu ghue u wə̄n. À è lo mò ù lǒ ghùw ù tsəghatsəgha, zɔlɔ sùghò, tɔ̀ʼ kwò sugho ghəa ù tiso ghuw kə ebwìi kə wə̄n ko a te.

Hibùlù 12:21

Kôʼ e te zə m fɛnlò an sə kə Musî, ù n dzɛ̀ tsùghù enyəa, “Ŋ̀ ŋgee tsəŋo nù, yìa Ǹ tsəŋlō!”

Hibùlù 3:13

E laam toon nduw nlò ghue zɛʼɛ zo tsuʼu mən n dzə̀m n dzə̀m, aŋghəa ghe tɔŋɔ tsughu dzə tsuʼ fə te fo enyəa “Nɛ!” aŋghəa mwàʼsò kə Kəzə kə deē â sɛ̀. E kwo ko bo e lô nɔɔ̄ ghɛ ghɛ̀ tughu doʼo nduw a te.

Hibùlù 4:1

Ghəa to kə̀ nyea ko an lùʼû kə̀ zʉʉn kə ughue kən naam ti dzə, bùgho nlò sɛ̀ ghôom tsughu enyəa ghùw wɛʼɛ u mɔ̀ʼ lò doʼnlo mò ù kà fughu an lùʼû zʉʉ̄n kə ndûw nyə̄.

Hibùlù 6:2

Sɛ̀ kôom kì sugho yo alekəā ghəa gho kùu ndùw alezoʼnlo aghì aŋ ghəa à fughu ghûw ghò â mùghù ŋ Kə̀zə̀ mò, ŋkāa aŋ ghəa a ghu à gaʼā nduw gho, ŋkāa aŋ ghəa à kɔʼɔsəa gho alo evʉ, ŋkāa ghəa a dzughu e saʼ zəla e doʼò tən.

Hibùlù 9:27

Ghuw kì ko alekpuw enəgha e mɔ̀ʼ, ghe n daŋso saʼ tsughu saʼ e wə̄n.

Dzɛ̂ms 2:19

Ghù bǒo fughu nû enyəa Zə̀ kə̀ lo ko kə mɔ̀ʼ a? Abugho ghù boō fughu dzə êzə̀, ghù fi ti a te, zʉ̀ ù biigh u bûʼ bǒo fùghù sùghò êzə̀, vʉa u tsəŋo sugho.

1 Pità 3:15

E kuuwn fughuu ko nlò kɔʼso mò â Kə̀lestò am fə̀ŋ tɛʼɛ, ghɛ̀ e ni nduw wə̄n tò Mughu ù te. E ti tən ko nlò alo tətsə̀n alefughu fwə̀n kə edzughu â ghùw wəla ù kəŋo alekele gheə zəla ghɛ̀ gaʼ fə̀ŋ a te. Ghəa e bûʼ lô ko êzə̀, e maʼn tsughuu nlò ghue zo am fə̀ŋ tə̀ zɔlɔ to aleghəŋlo êzə̀.

2 Pità 1:6

Kà è kaa ghəəŋ ko nlò ghəa gho tò ghî ghə̀la ghe kwo Zə̀ kò, ghɛ̀ ki sugho alenaŋsô ghuw kə ebwìi kò. Tò aŋghəa ghɛ̀ lo alenaŋsô ghuw kə ebwìi kɛʼɛ, ghɛ̀ ki sugho alekɔlɔ tə̀fə̀ŋ an nə̀gha e utsù. Tò aŋghəa ghɛ̀ lo alekɔɔn tsughuu fə̂ŋ tò an nə̀gha e utsù, ghɛ̀ e ki sugho mwam e ghì a Kəzə̀ gho.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:7

Wɛ ghaŋa gho, e kwo ghɛ̀ lô bomlo enyəa ghùw ù lì sèe məŋso ghɛ! Ghùw wəla ù ghəə̄ŋ ghəa ghəla a lô tsəghatsəgha, ù lô ghùw ù tsəghatsəgha, tò aŋghəa Kə̀lestò lò tsəghatsəgha a te.