Kə̀fwàʼ 24:10 - To kə Kəzə̀ kə̀ Fughu ko

¹⁰ A m bùghò gɔvə̀nò nùghù sɔ̂ʼ ndûw Pôl enyəa ù kə̀aa wô àghəa, Pôl m bɛ̀lɛ̀ tsùghù enyəa, “Ghəa Ŋ̀ kôom kele kɔʼ enyəa ghù n dòʼo ndə̀m è tə̀nùu tǒ ghùw wəla ghù saʼā naʼ zən, M̀ fɛ dzɛ̀ enyəa M̀ bâaŋ ghue waŋa êzəŋ aŋ ghùe ù ghɛɛ̄ŋ wo.

Kə̀fwàʼ 24:10 Iomraidhean Croise

Lûk 12:11

Abugho ghe nî nduw ghɛ an ndùghènē a vʉ̀a ghee, e kwo ko fə̀ŋ lò baŋa ghùw wɛʼɛ enyəa e sô yia e bɛlɛ̀ an dzî è ghɛ̌ zò, ŋkāa enyəa e sò yia a kə̂aa ndùw èndūghō an nə̄ghā e te zo a.

Lûk 12:14

Yɛso m bɛ̀lɛ̀ tsùghu wə̄n enyəa, “Mo a tûw, à mùghò naŋa ndùghò alesaʼa tuw wɛʼɛ wo a, ŋkāa aledzughuu fughuu fʉgha wɛʼɛ wo â ghɛ̀ a?”

Lûk 18:2

Ù n dzɛ̀ tsùghù enyəa, “Sàʼàtə̀saʼ ù lì fə̀ lo an nàʼà fə̀ li fo, tsoo nìi yǒ ghùw lì tò kəfəgha, ù m buʼù tsə̀ŋo sùghò yǒ Zə̀ kò.

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

Kə̀fwàʼ 13:16

Pôl fi nughù těe kɔʼ nû, fòʼn ndùw aŋ ghu enyəa ghe doʼò tsughu mɔŋ, kàʼ ndùw ghəa à kəaa gho, “Wo ghî ghə Ezə̀lɛ̂ ghò, àsùghò ghɛ̀ à li ghə̀là ghɛ̀ tsəŋō Zə̀ kò, zuw nlo ghɛ a.

Kə̀fwàʼ 18:15

yia bugho à tsò lô ko fom tə̀ baaŋ to alo aghəa, à zən gho, àsùghò an lwàŋ wɛʼɛ, ghɛ̀ fəm kaaŋ nduw a te; Ǹ tue nû alesāʼ ŋgòʼ ghə̀a ghən.”

Kə̀fwàʼ 19:33

Dzûu tə̀ li tə n dzɛ̀ enyəa Àlɛ̀kszandà səā kə̂aa wô àghəa, Àlɛ̀kszandà m fòʼn ndùw àghu enyəa ghe doʼò tsughu mɔŋ, to e teso fəgha kəla kə lo ghè kò.

Kə̀fwàʼ 21:40

A m bùghò Komndzūghū vʉ fughu tsughu wə̄n â bùʼ kò, Pôl n tee kɔʼ kɔʼ alo ŋkɔʼɔ, fòʼn ndùw ghee â ghu gho enyəa ghe doʼò tsughu mɔŋ. A m bùghò ghe ndôʼ də̂m sugho, ghî à nughù zuw doʼò tsughu mɔ̄ŋ, Pôl ŋ kàʼ ndùw ghee â ghəa à kəaa gho an shwaʼ u Hebə̀lù, dzɛ̀ â ghee enyəa.

Kə̀fwàʼ 23:24

Ghəəŋ tsùghù sùghò nlǒ kə̀anyòm ù li wo â Pôl alenyəŋo nduw a te, ghɛ̀ bɔɔm ni nduw wə̄n alô Fɛlècks, gɔvə̀nò mò kǎakàa fə̀ kâ wən kɛ̂.”

Kə̀fwàʼ 26:1

Agelepà n dzɛ̀ ndùw â Pôl enyəa, “Ghù kì nû daʼa ko êzəŋ alebâaŋ ghue wʉ̀a.” Pôl n daŋso kele kɔʼ ghu a wən edzuŋ, kàʼ ndùw sùghò ghue ù baaŋ wo:

1 Pità 3:15

E kuuwn fughuu ko nlò kɔʼso mò â Kə̀lestò am fə̀ŋ tɛʼɛ, ghɛ̀ e ni nduw wə̄n tò Mughu ù te. E ti tən ko nlò alo tətsə̀n alefughu fwə̀n kə edzughu â ghùw wəla ù kəŋo alekele gheə zəla ghɛ̀ gaʼ fə̀ŋ a te. Ghəa e bûʼ lô ko êzə̀, e maʼn tsughuu nlò ghue zo am fə̀ŋ tə̀ zɔlɔ to aleghəŋlo êzə̀.