Kə̀fwàʼ 23:9 - To kə Kəzə̀ kə̀ Fughu ko

⁹ Ndə̀m kə̀ li kə n daŋso nùghù sə kɔʼ fughu, ghî a kəmwàʼsò a Falàsîi à li ghə n nùghù těe è kɔʼ, tsò è tue, dzàa enyəa, “Ghàʼ kâ kòʼ dzə̀ ghəa è li zo tûw wən bonlō. À lò aledòʼò êsəŋò enyəa zə̀ kə̀ li ko ŋkāa tsə̀ndə̄ghā e Kəzə̀ e lì maā wə̄n â ghəa a kûm bùghò kə̀a.”

Kə̀fwàʼ 23:9 Iomraidhean Croise

Mâk 2:16

A m bùghò ghî a kəmwàʼsò a tə̀ Falàsîi à kôʼ tsughu enyəa ù zə̌a dzə̄əŋ ghèe ghêe ghì à biigh gho, à ghê dzə̀akə̀mwàʼsò, ghe m bvʉ̄ â tsə̀təndə̄ghā tə wə̄n to enyəa, “À lǒ kwò ù sò kôom zəā dzəə̄ŋ ghèe ghê dzə̀akə̀mwàʼsò àsùghò ghì à biigh gho a?”

Lûk 23:22

Paelɛ̀t n dzɛ̀ â ghee, kɔʼɔ səa ndùw tə̀nəghā tə təgha enyəa, “Mò à, ù bòʼò ghə̌əŋ ghəa è biigh è ghɛ zo a? Ŋ̀ kâ dɔ̀m kòʼ ghəa zəla ù bonlō tò ù è kpuw a te. Ŋ̀ kuuwn kamso tsughu ko nǔ sàʼsàʼà fò an sə e wə̄n Ǹ zəghà ndûw wə̄n.”

Lûk 23:4

Paelɛ̀t n daŋso dzɛ̀ â tuw u tə fɔ̀e wò, àsùghò nɔ̀e kə aghì chi ko enyəa, “Ŋ̀ kâ ghəa è biigh è li e kôʼ ghùw wə̄n ghəŋlo.”

Lûk 5:30

Tə̀ Falàsîi ghèe ghê Dèekə̀làŋ, ghe n nyuuŋ saʼa kâaŋ tsə̀təndə̄ghā tə Yɛso enyəa, “À lǒ kwò ghɛ̀ zəā dzəŋlō, mʉa dzə̄əŋ sùghò nlʉ̀ ghɛ̀ à ghê dzə̀akə̀mwàʼsò àsùghò ghì à biigh gho a?”

Dzɔ̌n 12:29

Nɔ̂e kə aghì kəla kə fə̀ ti fughu n zuw dzə̀ è te, ghe n nùghù dzɛ̀ tsùghù enyəa, “À kə̀m èghuuw.” À li ghə n dzɛ̀ enyəa, “Tsəntə̄ghā e Kə̀zə̀ kə̀a ndùw àghəa â wə̄n.”

Kə̀fwàʼ 11:17

E kûu zɔ̀lɔ nù êzəŋ enyəa Zə̀ kə fə̀ fughu sugho Toʼò e te zo â namso kə̀ mɔʼɔ̄ kəla Ù fə̀ fughu â sɛ̀ aŋghəa sɛ̌ fə̀ boō tsughu â Mughu ù te, Yɛso Kə̀lestò, mùgho mò lo ndughoo aletə̀ghàsò Kə̀zə̀ aŋ ghəa ghəla kə mò ki aleghəŋlo à?”

Kə̀fwàʼ 22:6

Aŋghəa Ǹ nduūw, mò Ǹ sô kùʼso ndùw Dàmaskùs, â ŋgàlàtsə̀ tò ènyə, bàŋàbàŋ kə tsə̂ kə̀ li kə m vùŋù nùghù tùghù sə̀ tsùghù wò ènyə alo kəwala an də̀ŋò kəla Ǹ lo a te.

Kə̀fwàʼ 22:7

Mùghò n təghaa bvʉ̀ ndùw a ghuu, zuw tsughu dzə̀ è ghùw ù lì ù dzàa wo â mùghò enyəa, ‘Sôol, Sôol, ghù mùghò ènyə ndzaŋso bòʼ kwò à?’

Kə̀fwàʼ 23:29

Mùghò m bùghò kəŋ kele kɔʼ enyəa ghe wən kwuu kùu ndùw ghəa e làŋ kə ghee, mò à kǔuwn yò dzə̂ eghəa to ghe ewī wə̄n a te ŋkāa mo ghe lo aledzə̀n wə̄n a te an ndùghùtsāʼ.

Kə̀fwàʼ 23:8

Tɔŋlo enyəa ghî a Sadùwsîi à dzɛ̂ enyəa ghî a kpuuw kɔʼɔsə̄a dzə̀ yò alo evʉ̄, enyəa tsə̀təndə̄ghā tə Kəzə̀ tə̀ yo, zʉ vʉa u yô sugho. Ghî a Falàsîi yəa kuūwn dzɛ̂ enyəa ghəa a te gho a dzə̀m lò nû.

Kə̀fwàʼ 25:25

Mùgho ŋ kòʼ tsughu enyəa ù kamo ghəa e bonlo tò ù è kpuw a te; aŋ ghəa ghuūghùe u wən u mò dî dzɛ̂ ndûw sughò enyəa e so e kô də̀ŋ kə ne ko, mùgho n dzɛ̀ enyəa Ǹ nîi tǔu ndùw nǔ wə̄n.

Kə̀fwàʼ 26:31

a m bùghò ghe nughù sə nduw, ghe n sə̀ kə̀aa tsùghù aŋ ghùe e ghee enyəa, “Tûw wən ghəəŋ dzə̀ yò ghəa è li zo tò ù è kpuw a te ŋkāa tò ù è kɔʼ ndùghùtsaʼ a te.”

Kə̀fwàʼ 27:23

nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Kə̀fwàʼ 5:39

Mò à lò enyəa à ghee â daʼa kə fughu Kəzə̀, ghɛ̀ lo tsò yò dzɛ̂ alebughū naŋa ghee. To ghɛ̀ lo bən būʼ būghō koʼ tsughu enyəa ghɛ̀ bəla būu kə̀ŋgè ghɛ̀ à ghê Zə̀ kò!” Ghe n zuw tsughu tsʉ̂ e Gàmalìa.

Kə̀fwàʼ 9:4

Ù n təghaa bvʉ̀ ndùw à ghueetsə̄, zuw tsughu dzə̀ è ghùw ù dzɛ̀ wo â wən enyəa, “Sôol, Sôol, ghù mùghò dzaŋso kaŋlo aŋ kwò?”

1 Kòlentìan 10:22

À lò enyəa a dəmà aleghəŋlo enyəa Zə̀ kə̀ pfʉso kɔʼ unʉghà à? À lǒ mò sɛ̀ tughu tsə̀ghà nǔ Zə̀ kò à?