Kə̀fwàʼ 23:6 - To kə Kəzə̀ kə̀ Fughu ko

⁶ Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 23:6 Iomraidhean Croise

Matìo 10:16

Alenùghù ndûw â sə ko, Yɛso n dzɛ̀ â tsə̀təndə̄ghā tə wə̄n ti to enyəa, “Koʼô nlò! Ŋ̀ ghɛ fɛ tuu sə̄a ndùw tò təndzì am bvʉa e ubʉ̄ghā; e fi lo enyəa ghɛ̀ ki alenaŋso tsughu ghuw kə ebwìi kɛʼɛ, ghɛ̀e e kuŋu bwiī tò təzughu, ghɛ̀ bughunlo â fə̀ŋ tò, tò embuŋū.

Matìo 22:23

An tsuʼ fə̀ mɔʼɔ̄ fə̀ te fo, ghî a Sadùwsîi à li gho, tɔ̂ɔŋ ghì ghəla ghe moʼò enyəa ghùw yò kpuūw kɔʼɔ̄ sə alo evʉ̄, ghe m bùghò kòʼ wò Yɛso,

Matìo 3:7

Ghəa Dzɔ̌n kôʼ ghî a Falàsîi à ŋgee bughōo, àsùghò ghì a Sadùwsîi ghò, ghe bughoo alebùghò nî mùghù ŋ Kə̀zə̀, ù m fəŋso dzɛ̀ â ghee enyəa, “Ghɛ̀ fwi wən, à ghɛ̀ bɔŋ tsʉ̀ ndùghò enyəa ghɛ̀ lo nû alenɔ̀ɔsə an ndzəgha kəla kə bughò lo a?

Kə̀fwàʼ 22:3

“Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Kə̀fwàʼ 22:30

Pfʉtəŋgə̄m ù te n ləghaa aletɔ̀ʼɔ̀ kele səā kɔʼ fəgha kəla Dzûu tə̀ kwuū Pôl a te; ù fi tsɔʼn nùghù kɔ̀ʼ nû tsaʼ to a zəŋò Pôl tsuʼ ù li vʉ̀, dzɛ̀ tsùghù enyəa fɔ̀e tə̀ tughu tə nyə ndughu ghèe ghê ghì a ghì a Kaŋsì à li ghə̀n à dzə̀m. Ù n daŋso nì tìso naŋa sə̀ wò Pôl an sə kə ghee.

Kə̀fwàʼ 22:5

Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 23:15

Ghɛ̀ ghî a Kaŋsì, ghɛ̀ ghəəŋ tsughu enyəa pfʉtəŋgə̄m enyəa ghe nîi tsughuu wô wə̄n fɛ a vʉ̀a ghɛ̀, tò è so ghɛ̀ so e fəghaan tɔʼɔ̀ tiso tsughu sàʼ è wə̄n. Ghǎʼ ŋ ghue e ndzûuŋ nàŋa tə̀n sùghò enyəa a wii wə̄n tò ù è buʼù bughò tâa wô fɛ.”

Kə̀fwàʼ 23:20

Wɛ̂ɛtùghu vʉ n dzɛ̀ â wən enyəa, “Dzûu tə̀ tsughu boo tsughu enyəa ghe dzâa wô â ghù enyəa ghù ni tsughu wo Pôl aŋ kaŋsì tsʉtsʉ, to è so ghe se tɔ̂ʼn səā kɔʼ ghəa à li gho kùu ndùw wə̄n.

Kə̀fwàʼ 23:7

A m bùghò ù daŋso kə̂aa tsughu enyə, shwàʼ wə n nùghù sə̀ è kɔʼ, ghî a Falàsîi ghèe ghê ghì a Sadùwsîi ghò; ndughu n nùghù dzùghùu dòʼò è tsughu.

Kə̀fwàʼ 24:15

chìi ndùw ko tùʼ alo Kəzə̀ to ghue e ughùe e ghee e chîi sugho, enyəa ghî a tsəghatsəgha ghèe ghê bəən tə aghì tə̀ lo kɔʼɔsə̄a nù alo evʉ ghee a dzə̀m.

Kə̀fwàʼ 24:21

Ghəa zə̀n è mɔ̀ʼ ko mùgho mo naʼ səa kɔʼ aŋ kaŋsi mò ti am bvʉa e ghee mò lo zən enyəa, ‘À lǒ bòʼ Ǹ naŋa tsughu lâŋ kən enyəa ghî à kpuuw kɔʼɔsə̄a nù alo evʉ̄, ghe mugho fɛ nɛ an sə kə̂a sàʼa a te.’ ”

Kə̀fwàʼ 28:20

Zən lò e ghee M̀ mô dzɛ̂ enyəa Ŋ̀ koʼò tsughu ghɛ, sɛ̀ kə̂aa tsughu aghəa. Ghe mugho fɛ alo tətsāʼ kûm nàŋa aŋ ghəa e ghûw wəla Ezə̀lɛ̂ chǐi tùʼ a te.”

Fèlepìan 3:5

Ghe fə̀ tiigh kaŋā kə sugho mò Ǹ naam lǒ wɛ̂ɛtùghu aŋghəa ghe dzə tsughu mugho. Ǹ lo wɛ ù kə̀tsə an naʼ e Bɛndzàmɛ̂n, ghùw ù Hibùlù dzə. Tò aŋghəa lâŋ kə Tə̀dzûu kə̀ deē, Ǹ lo Falàsîi.

Kòloshìan 1:5

Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

Hibùlù 6:19

Tùʼ zəla a chiī lo ko tǒ tə̀m â ghue e sɛ̀ zò, yia a tɔ̂ʼ kwo enyəa e lò êzə̀, tɔʼ tì a te, ghùw wəla a chī tùʼ a zəŋò wən lo wəla ù nyəa daŋso ndùw an tsughu e baa zo a bǎa evʉa alo kəwalā.