Kə̀fwàʼ 23:11 - To kə Kəzə̀ kə̀ Fughu ko

¹¹ Â tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”

Kə̀fwàʼ 23:11 Iomraidhean Croise

Matìo 14:27

Ù n daŋso mbà kə̀a sə ndùw ghee â ghəa gho enyəa, “Kɔlɔ tsughu nlò fə̂ŋ tò, à lò mugho; kà nlò tsəŋ.”

Matìo 28:20

Ghɛ̀ e zoʼn ndùw ghee enyəa ghee naaŋ lwâŋ wəla M̀ fughu wo â ghɛ̀ u dzə̀m; kòʼo sùghò nlò, Ǹ lo sɛ̀ alo tənə̀gha tə dzə̀m to mbī kê bughò mîa.”

Matìo 9:2

A mo e kôʼ ghe m bòʼò wô ghùw ù kə̀ kə̀ŋlò ù li alo kəmbùŋ. A m bùghò Yɛso kòʼ tsughu enyəa ghî a te ŋge boo fughu â wə̄n, ù n dzɛ̀ â ghùw ù kəkə̀ŋlò ù te enyəa, “Dzə̀la tsughu fə̀ŋ a ŋ wɛ̄; Zə̀ kə̀ m bòo tə̀ghà tə̀ ghuuw màʼà.”

Lûk 16:28

ù ndùw kwɛ̂ɛn tsughu waazə̂ ghaŋa yì fughu a te, e kwo ko ghe ke bughòo sughò fɛ an lùʼù kə ŋgōʼ kən.”

Dzɔ̌n 14:18

Ǹ yo alezə̀ghàa ghɛ̀ tò waatsʉ̄, Ǹ lo bùghò nù ebàm a vʉ̀a ghɛ̀.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Kə̀fwàʼ 18:9

Mughu ù te n daŋso bùghò mgbaŋ dè mɛ̀ʼɛ̀ tsùghù â Pôl â tsuʼ wo an dzǒo enyəa, “Kà fəgha kə̀ li kə tsəŋ, e kəaa səa nduw ghəa gho, e kwo ghù lò zuūw doʼn mɔŋ;

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 2:25

Dɛvìd mafə̄ kə̂aa sùghò ghəa gho kùu ndùw wə̄n enyəa, ‘Mùgho fə̀ koʼ ziī nduw Mughu ù te mo ù lò tən tsəghà ko an sə kaŋā alo tənə̀gha tə dzə̀m, nu ù tì aŋ kwe waŋā ù təma wo enyəa fəgha kə lô fəmso mugho.

Kə̀fwàʼ 20:22

Ǹ nyəa ndùw èzəŋ an Yɛ̀lusalɛ̀m aŋghəa Zuʼ tə̀ Zɔlɔ tə ləghaa; Ŋ̀ kwo yo fəgha kela kə lo səā fughu a zəŋò mùghò.

Kə̀fwàʼ 22:15

tɔŋlo enyəa ghù lo dòʼn ghùw wəla ghù teso dzâa ghəa a wə̄n gho â ghì ghə̀n à dzə̀m aŋ ghəa ghəla ghù kòʼ tsughu, zùw tsùghù è sugho.

Kə̀fwàʼ 22:18

Mùghò ŋ kòʼ Mughu ù te dzâa wo â mùghò enyəa, ‘Mba ghəŋlô ghù zəghaa tsughu Yɛ̀lusalɛ̀m, nu ghî a te a lo bōom dzə̀ yò shwaʼ wʉ̀a wò kùu wò mùghò.’

1 Kòlentìan 9:1

À lǒ mò Ǹ ndzə̂əm mùghù yo aŋ ŋgəŋ zaŋa a? À lǒ mò Ǹ yo tum è Kə̀lestò a? À lǒ mò Ŋ̀ kâ Mughubè ù sɛ̀ Yɛso kôʼ à? À lǒ mò à ka fɛ mugho ghəŋlo enyəa ghɛ̀ boo fughu â Mughu ù te à?

Fèlepìan 1:13

Tɔŋlo enyəa, gbè tə tɔʼ tə dzə̀m an Lumà, àsùghò ghì ghò a dzə̀m fɛ kwo nû enyəa M̀ fɛ aŋ kwə̀n lǒ zuŋufia Ǹ lô kɔ̂ɔ fə Kə̀lestò fò,

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.