Kə̀fwàʼ 23:1 - To kə Kəzə̀ kə̀ Fughu ko

¹ Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 23:1 Iomraidhean Croise

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 22:30

Pfʉtəŋgə̄m ù te n ləghaa aletɔ̀ʼɔ̀ kele səā kɔʼ fəgha kəla Dzûu tə̀ kwuū Pôl a te; ù fi tsɔʼn nùghù kɔ̀ʼ nû tsaʼ to a zəŋò Pôl tsuʼ ù li vʉ̀, dzɛ̀ tsùghù enyəa fɔ̀e tə̀ tughu tə nyə ndughu ghèe ghê ghì a ghì a Kaŋsì à li ghə̀n à dzə̀m. Ù n daŋso nì tìso naŋa sə̀ wò Pôl an sə kə ghee.

Kə̀fwàʼ 22:5

Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 23:15

Ghɛ̀ ghî a Kaŋsì, ghɛ̀ ghəəŋ tsughu enyəa pfʉtəŋgə̄m enyəa ghe nîi tsughuu wô wə̄n fɛ a vʉ̀a ghɛ̀, tò è so ghɛ̀ so e fəghaan tɔʼɔ̀ tiso tsughu sàʼ è wə̄n. Ghǎʼ ŋ ghue e ndzûuŋ nàŋa tə̀n sùghò enyəa a wii wə̄n tò ù è buʼù bughò tâa wô fɛ.”

Kə̀fwàʼ 23:20

Wɛ̂ɛtùghu vʉ n dzɛ̀ â wən enyəa, “Dzûu tə̀ tsughu boo tsughu enyəa ghe dzâa wô â ghù enyəa ghù ni tsughu wo Pôl aŋ kaŋsì tsʉtsʉ, to è so ghe se tɔ̂ʼn səā kɔʼ ghəa à li gho kùu ndùw wə̄n.

Kə̀fwàʼ 23:28

A m bùghò Ǹ sô ləghaa alezūw ghəa zəla ghe kwuū wə̄n a te, mùghò n nì tsùghù wò wən aŋ kaŋsì è ghee.

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 24:16

Zən lò e ghee M̀ bughōo mùghò Ǹ nì kɔ̀ʼ mbāŋ kə te ko enyəa mùghò è ki ko fə̀ŋ è zɔ̀lɔ a zəŋò Zə̀ kò àsùghò a zəŋò ghì ghò.

Kə̀fwàʼ 6:15

Ghî ghə̀n à dzə̀m ghe mò lo a fughu aŋ kaŋsì n tɔ̀ʼ fwè wən enyə, kòʼ tsùghù enyəa sʉ u wən u nyəghaan ko tò sʉ u tsə̀ndə̄ghā è Kə̀zə̀.

1 Kòlentìan 4:4

Fəŋ zaŋa zɔlɔ nù, à yò dzə̂ enyəa ŋ kuuwn ki yo ghəa è biigh zo. À mìaa ko mugho ù te ù lo alesaʼ mugho.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

2 Kòlentìan 4:2

Ghàʼ n tùe màʼà ghəa à dəla a kətūw gho àsùghò ghəa a kələ̄m gho, ghàʼ tue nû alebəla kaŋlo an tɔ u aghì, ghàʼ fwəlà sùghò yò shwaʼ u Kəzə̀ wò. Ghəa ghàʼ laām kə̂aa səā wô êsəŋò enyə an ndɛ, ghàʼ ghəŋlo an sə kə Kəzə̀ enyəa ghî ghə̀n à dzə̀m kele tsughu enyəa ghàʼ ki nû kɛɛ wo.

2 Timotì 1:3

M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

Hibùlù 13:18

E gɔŋlo nlò an tuw waʼā, nu ghàʼ kwo enyəa fə̂ŋ taʼa tə zɔlɔ nù, ghǎʼ yia dəma enyəa to ghàʼ mô zumso ghəəŋ ndùw ghəa ghəla a lô tsəghatsəgha aŋ ghəa ghən à dzə̀m.

1 Pità 3:16

Kele tsugho nlò fə̀ŋ tə̀ zɔlɔ to, to enyəa abugho ghî a sûuwn ko ghɛ, ŋkāa teso bǒon mwam zɛʼɛ è dzûŋ zò am fwaʼ kɛʼɛ â Kə̀lestò, ghe n lo kelê tuw kə̀ dəla ko.