Kə̀fwàʼ 22:5 - To kə Kəzə̀ kə̀ Fughu ko

⁵ Tuw kə Fɔ̀e kə̀ lo nû aletɔ̀ʼɔ̀ dzɛ̂ ghəa ghən àsùghò tsoʼ to tə dzə̀m an ndùghùkûifɔ̀e. Mùgho mǒ mwàʼsò ù niī kɔʼɔ aŋ ghùu ghee, u nduūw a vʉ̀a waazə̂ a sɛ̀ ghò, mùghò m bwìi dzì è Dàmaskùs alendùw kwuūn wô ghəla ghe lô sugho fùghù èzə̀, nìi wò ghee an Yɛ̀lusalɛ̀m, mo a ŋ ghee kɔ̂n tsùghù, enyəa a bughò fɔesō tsughu ghee.

Kə̀fwàʼ 22:5 Iomraidhean Croise

Lûk 22:66

Ghəa tsuʼ u zuw teēn tsughu, noo mə̀ ènāʼ n te n nyə̄ dzeŋe tsughu aŋ kaŋsì ghèe ghê tuw u tə fɔ̀e wò àsùghò ghê dèekə̀làŋ. Ghe n nì wò Yɛso fughu a vʉ̀a ghee.

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 2:29

Waazə̂ ghaŋa ghò, Ǹ so Ǹ ndzəmà kə̂aa wô àghəa â ghɛ̀ kùu ndùw tsele ù ghê tsele ù sɛ̀, Dɛvìd, enyəa ù fə̀ kpuw tsughu nû, ghe n tsəla tsughu wə̄n, shîaa e wə̄n zəa e naām lo fɛ sɛ̀ bùghò sə̀ nɛ̄.

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 26:10

Kən lò fəgha kə̀là mùgho fə̀ fwaʼ ghè kò an Yɛ̀lusalɛ̀m. Fɔ̀e tə̀ tughu tə m fughuu tsughuu kədaʼa, mùghò ŋ kwuu dzə̀là ghì ghəla ghe boo fughu â Yɛso an ndùghètsāʼ, a m bùghò ghe tsəghàsò tsughu lâŋ kò enyəa wiin ghee, mùghò n tso boo è sugho.

Kə̀fwàʼ 26:11

Mùghò m fɔeso tsughu ghee enyə an ndughu tə̀ ne tə̀n tə̀ dzə̀m, Ǹ dəmà aleghəə̄ŋ tsughu ghee enyəa ghe tuū maʼà tsughu boo zəla ghe ki. Nʉghà wə̀ ŋ ŋgee pfʉa mùghò a zəŋò ghee, mùghò m buʼù nyə̌a kaaŋ ndùw nàʼà tə tətùu Ǹ ndzaŋsō kaāŋ ndûw ko ghee.”

Kə̀fwàʼ 26:12

“À mò lo bòʼ ghəa ghən fɔ̀e tə̀ tughu tə mò fughu tsughu daʼa ko, mùgho n nyə̀ ndùw an Dàmaskùs.

Kə̀fwàʼ 28:17

Tsuʼu mə̀ n tsə̀ghà tsùghù n təgha, Pôl n tɔŋɔ tsughu Dzûu təla tə lô tuw wo fughu; a m bùghò ghe tsuŋ wo, ù n dzɛ̀ â ghee enyəa, “À waagho, à mò lo an Yɛ̀lusalɛ̀m ghe mò nî fughu nyə tsughu mugho aŋ ghùu gɔvəmɛ̀n è Lumà tǒ ghùw ù ndùghūtsāʼ mò Ŋ̀ kâ ghəa e bonlo â ghì a sɛ̀ ghò ŋkāa an làŋ kə ghê tsele â sɛ̀ kò.

Kə̀fwàʼ 28:21

Ghî yi mo â Pôl enyəa, “Ghàʼ kaām mwàʼsò kə̀ li kə fɛ kòʼ kə nughù wo an Dzùdîa kùu ndùw ghù. Aŋ waazə̀ a sɛ̀ ghəla ghe buʼù bughòo tsəghà sughò fɛ, ù lì kaām bughò nàʼà kòʼ ŋkāa kə̀aa kòʼ ghəa è biigh è li zo kùu ndùw ghù.

Kə̀fwàʼ 3:17

Waazə̂ ghò, Ŋ̀ kwo nû enyəa ghɛ̀ mò ghəa ghən mgbəŋ ghəəŋ nû, tò ghəa ghî ghəla ghe lɛnlō â ghɛ̀ mò mgbə̂ŋ ghəə̄ŋ sugho.

Kə̀fwàʼ 4:5

Tsuʼ ù li vʉ̀, dwə̀ŋ u ghee wə n zùuŋ tsùghù eghue an Yɛ̀lusalɛ̀m ghèe ghê noo məla n lǒ tsoʼ to àsùghò ghê dèekə̀làŋ.

Kə̀fwàʼ 5:21

A m bùghò ghe zuw tsughu shwaʼ wə̄n, ghe m bwə̀n ndùw nyə̀ ndùw an Ndughene â zùwzùw kə utsūʼ ko, ndùw dàŋso ko â sə ko â ghì zoʼn gho. A m bùghò Tuw kə fɔ̀e kə̀ ndûw bugho ghèe ghê ghì a wə̄n gho, ghe tɔŋɔ̄ tsughu kaŋsì à tsoʼ tən tə̀ dzə̀m an Ezə̀lɛ̂, ghe n tùm ndùw àghì an ndùghùtsaʼ enyəa ghe ndûw nîi wô ghê Pità.

Kə̀fwàʼ 9:14

Ù fɛ lo mò ù daʼa kə nî wò aŋ ghùu fɔ̀e tə̀ tughu to alekwuu kɔlɔ̄ tsughuu ghî ghəla ghe fughuu ghû â kɔʼso mò.”

Gàlashìan 1:13

Tɔŋlo enyəa ghɛ̀ maā zuw aŋghəa mughù zaŋa e mò bûʼ lô tsəgha a te, aŋghəa mùgho mò bûʼ mughù tsəgha tǒ kùm kə ghûw ù Dzudà, àsùghò aŋghəa ghəla mùghò mò dzaŋsō tsughu ghî ghəla ghe gaʼ fə̀ŋ aŋ ghəa e Kə̀lestò an nʉ̀ghà ù pfʉa wo, də̀mà sùghò aledzùuw maʼà ghee;

Fèlepìan 3:6

Mùgho fə̀ lo tsəgha ghùw wəla ù fə̀ ki zǐi alezoʼn ghì ghò an làŋ kə enaʼ ko, aŋghəa mùgho fə̀ fughuu tsəgha ghî ghəla ghe boō fughu an zən e Kə̀lestò â tsù wò bòʼ mùgho fə̀ moʼn tsəgha enyəa ghe dəmà alesàʼà maʼà làŋ kə enaʼ ko. Mùgho ŋ ghəəŋ dzɔ̀ɔ, tò aŋghəa lâŋ kə̀ deē.

1 Timotì 4:14

E kwo ko ghù lò so e tsughòsò maʼn daʼa kəla Zuʼ tə̀ Zɔlɔ tə fə̀ fughu â ghù an nə̀ghà zəla tsoʼ tə dzeŋe kə ghì a Kəzə̀ tə fə̀ gɔ̂ŋlo mo ghe ŋ ghu a gaʼ wò an tuw kə̂a.