Kə̀fwàʼ 22:3 - To kə Kəzə̀ kə̀ Fughu ko

³ “Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Kə̀fwàʼ 22:3 Iomraidhean Croise

Lûk 10:39

Màta ŋ ki wàazə̀ ù zən, ghe fə tɔŋlo enyəa a lo Mèle. Mèle m bɔ̄ɔm ndùw nyàʼa dòʼò kɔʼ ko am bùghu e Yɛso, kuuwn zyəən kô tsʉ̀ e wə̄n.

Lûk 2:46

Ghe ŋ kəŋ wə̄n ntsuʼu n təgha, ndùw kòʼ ndùw wə̄n am be kə̀ ne ko, mò vʉ̀a ù dòʼ am bvʉ̄a e ghê wàdè, zyə̂ən ghəa ghəla ghe kəaa, bvʉʉn sùghò ghee â ghəa gho.

Lûk 8:35

Naʼ e fi zôo sə̀ wò nù alebùghò kôʼ fəgha kəla kə sə, ndùw bùghò a vʉ̀a Yɛso, bùghò kòʼ wò ghùw vʉ̀a zʉ̀ ù sə nughù tsughu a zəŋò wə̄n mò vʉ̀a ù dòʼ a tsəla efwē e Yɛso à ndzʉ to a zəŋo ughùe, mò ù lò an tɔ u wə̄n. Fə̂ŋ tə̀ n sə ghee.

Kə̀fwàʼ 11:25

Bànabâs n daŋso nùghù ndùw an Talsùs alendùw kəŋ Sôol.

Kə̀fwàʼ 15:23

à mwàʼsò kò kə dzâa tsughuu enyəa, “Ghàʼ tə̀ tum, à tsoʼ to, waazə̂ ghɛʼɛ, ghàʼ tum tɔ̄ɔŋ wò waazə̂ ghaʼa a dzə̀m ghəla ghe dzə tsughu tò Etoʼò; ghəla ghe mughu an Antìok, an Sylìa, àsùghò an Cilisìa.

Kə̀fwàʼ 15:41

Pôl n tsə̀ghà nyə̀ ndùw dzì an Sylìa àsùghò an Sìlishìa, dzə̀là ndùw ghì a Kə̀lestò â sə̀ŋ zò.

Kə̀fwàʼ 21:20

Ghəa ghe zuw tsughu ghəa a te gho, ghe m fughu ukɛɛ â Mughu ù te, dzɛ̀ â Pôl enyəa, “Ŋ wàazə̀ Pôl, kǒʼ ndə̀mà tə təkām tə ghì a Dzùdîa təla tə boo tsughuu, àsùghò aŋghəa dzaŋadzaŋ tə kɔʼn ghee alo kəlàŋ a.

Kə̀fwàʼ 21:39

Pôl m fwə̀n dzɛ̀ â wən enyəa, “Ǹ lo ghùw Dzûu, ghe dzə an Talsùs am mbùʼ è Sìlishìa, Ŋ̀ sə an nàʼ è ne zo. Kee â ghù, M̀ buʼu kə̀ghu, na tò ŋ kə̂aa ndûw àghəa â ghì ghən.”

Kə̀fwàʼ 23:34

A m bùghò ù tɔɔ̄ŋ kɔʼ mwàʼsò kə te ko, ù m bvʉ â Pôl enyəa ghù sə̀ am mbùʼ è ghɛ̌ zò. A m bùghò ù zuw tsughu enyəa Pôl sə̀ an Sìlishìa,

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 26:5

Ghe ki kwo tsəgha nû, abugho ghe mô lô aledzàa wô, enyəa mùghò mò lo tsəgha ghùw an dzeŋe kə ghì a Falàsîi ghəla ghe mò tɔʼɔ̀ ghəəŋ ghəa a kəzə̀ ghaʼa gho.

Kə̀fwàʼ 26:9

Ghuūghùe waŋā, mùgho mò tso kwo enyəa Ŋ̀ ki aletsoō kəŋo tsughu tədziī tə dzə̀m aletuū maʼà tsughu fwàʼ kə Yɛso ù Nazalɛ̀t wə̄n.

Kə̀fwàʼ 5:34

Ghùw ù Falàsîi ù lì a fughu aŋ kaŋsì ghe fə̀ tɔŋlo enyəa à lô Gàmalìɛ, mò à lò sugho dèekə̀làŋ, ghùw mo ghî a te gho a dzə̀m tsə̀ŋo wə̄n; ù n nùghù těe è kɔʼ, fughu tsughu kəlâŋ enyəa ghî a te a kə̂aa naŋa səā ndûw ghê Pità a beē.

Kə̀fwàʼ 6:9

Ghî à li gho ghe mò lô ghî ghò aŋ ghì a Sàŋ è tə̀ Fə̀lɛ̂dmɛ̂n (aŋ ghəa ghe mò tɔŋlo a te), n daŋso nùghù těe è kɔʼ, kàʼ nyə̀ ndùw fom tə̀ baaŋ to ghèeghê Sìtofɛ̀. Ghən mò lo aghî ghe sə wo an Sìlɛ̂n, àsùghò an Alɛ̀ʼzandà, an Sìlesìa asùghò an Ɛshìa.

Kə̀fwàʼ 9:1

Sôol n lo mò ù nǎam kʉ̀aa kǎaŋ ko alewîin tsə̀təndə̄ghā tə Mughu ù te, ù n ndùw kòʼ ndùw tuw kə fɔ̀e,

Kə̀fwàʼ 9:11

Mughu ù te n daŋso dzɛ̀ â wən enyəa, “Nùghu tsughùu ghù nduw an dziī e zəā ghe tɔŋlo enyəa à lǒ Dzì è Tsəghatsəgha, ghù nduw an ndughu alô Dzudàs, ghù bvʉ tsughu ghùw ù Talsùs wəla ghe tɔŋlo enyə à lò Sôol. Ù gɔ̀ɔŋ nù,

Kə̀fwàʼ 9:30

A m bùghò ghî ghəla ghe boō fughu â Yɛso kele tsughu ghəa yi gho, ghe n nì nùghùu tsùghù wò wə̄n aŋ Kàesalìa, bùghò tə̀ma zə̀ghàa wò wə̄n enyəa ù nùghù ndûw an Tasùs.

Lumà 11:1

M̀ bvʉ enyəa, à lò enyəa Zə̀ kə ghî a wə̄n a tue màʼa nù a? Ɛ̂ŋgaŋ dzə̂! Ghuūghùe waŋā, Ǹ lo ghùw wə Ezə̀lɛ̂, Ǹ sə an tigh kə Abə̀làhâm aŋ kèndughu kə Bɛndzàmɛ̂n.

2 Kòlentìan 11:22

À lǒ mo ghe lo tə̀ Hebə̀lù à? Ǹ lo sugho nû êzə̀. À lò mò ghe lo ghî ghə̀ Ezə̀lɛ̂ à? Ǹ lo sugho nû êzə̀. Ghe səa n tigh kə Abə̀làhâm à? Ǹ sə sugho fughu.

Gàlashìan 1:14

Mùghò ŋ ŋgee nomlo aŋ ghəa a Zə̀ kə Tə̀dzûu tsə̀ghàtàʼà ghàŋ faŋa fə̀ li fən. Mùghò ŋgee mùʼù sùghò â mbuuw mò alebwiī aŋ ghəa ghəla bughōo kə ghê tsele ghaŋā a wii kə deē.

Gàlashìan 1:21

Mùghò n daŋso nùghù ndùw am mbùʼ è Silìa àsùghò è Sìsilìa.