Kə̀fwàʼ 22:1 - To kə Kəzə̀ kə̀ Fughu ko

¹ “Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 22:1 Iomraidhean Croise

Lûk 12:11

Abugho ghe nî nduw ghɛ an ndùghènē a vʉ̀a ghee, e kwo ko fə̀ŋ lò baŋa ghùw wɛʼɛ enyəa e sô yia e bɛlɛ̀ an dzî è ghɛ̌ zò, ŋkāa enyəa e sò yia a kə̂aa ndùw èndūghō an nə̄ghā e te zo a.

Lûk 21:14

Kà ndôʼ bàŋsò nlò fə̂ŋ tò enyəa ghɛ̀ kê yia a kə̂aa ndùw èndūghō abugho nəgha e te e kê kpe à;

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 19:33

Dzûu tə̀ li tə n dzɛ̀ enyəa Àlɛ̀kszandà səā kə̂aa wô àghəa, Àlɛ̀kszandà m fòʼn ndùw àghu enyəa ghe doʼò tsughu mɔŋ, to e teso fəgha kəla kə lo ghè kò.

Kə̀fwàʼ 23:1

Pôl n sɔʼ lɛɛn ko ghì a kaŋsì enyə, dzɛ̀ â ghee enyəa, “Waazə̂ ghò, fə̀ŋ zaŋa ŋgee zɔlɔ nù an dziī zəla M̀ mughùu kɔʼ wo a te an sə kə Kəzə̀ alebùghò sə nɛ.”

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 24:10

A m bùghò gɔvə̀nò nùghù sɔ̂ʼ ndûw Pôl enyəa ù kə̀aa wô àghəa, Pôl m bɛ̀lɛ̀ tsùghù enyəa, “Ghəa Ŋ̀ kôom kele kɔʼ enyəa ghù n dòʼo ndə̀m è tə̀nùu tǒ ghùw wəla ghù saʼā naʼ zən, M̀ fɛ dzɛ̀ enyəa M̀ bâaŋ ghue waŋa êzəŋ aŋ ghùe ù ghɛɛ̄ŋ wo.

Kə̀fwàʼ 25:16

Mùghò m bɛ̀lɛ̀ ndùw ghee enyəa e yo tsəghà dzə̂ am bùghòo kə tə̀ Lhumàn enyəa a lo alekwuū fughuu səā ndûw ghùw mò ù kaan ndûw kpènlo an tia e sāʼ ghèe ghùw wəla ghèe wən dəmā, aŋ ghəa ù lò alebɔŋɔ̄ kele sughò dzì alebaāŋ sughò ghue u wə̄n.

Kə̀fwàʼ 25:8

Pôl mo e bâaŋ ghue u wə̄n, dzɛ̀ enyəa, “Ŋ̀ kâ làŋ kə Tə̀dzûu kə̀ bvuʼ dzə̀, Ŋ̀ kâ bǒon sùghò ghəa zo an ndughèkə̀zə̀ e ne an Yɛlusalɛ̀m, kè tsoō boōn sughò èghəa â Də̀ŋ kə ne kə Lumà kò.”

Kə̀fwàʼ 26:24

Aŋghəa Pôl naām baāŋ ghue wo êzə̀, Fɛstùs n nùghù dzɛ̀ sə kɔʼ an dzə̂ è tughu enyəa, “Pôl, ghù zə̀ghaa nù! Mwàʼsò kə̀a kə̀là ghù ŋge zoʼn tsughu enyə, kə n tuw kə̀a kə̀ sâʼ màʼà.”

Kə̀fwàʼ 28:17

Tsuʼu mə̀ n tsə̀ghà tsùghù n təgha, Pôl n tɔŋɔ tsughu Dzûu təla tə lô tuw wo fughu; a m bùghò ghe tsuŋ wo, ù n dzɛ̀ â ghee enyəa, “À waagho, à mò lo an Yɛ̀lusalɛ̀m ghe mò nî fughu nyə tsughu mugho aŋ ghùu gɔvəmɛ̀n è Lumà tǒ ghùw ù ndùghūtsāʼ mò Ŋ̀ kâ ghəa e bonlo â ghì a sɛ̀ ghò ŋkāa an làŋ kə ghê tsele â sɛ̀ kò.

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Lumà 2:15

Mwam e ghee e dee nù enyəa fəgha kəla lâŋ kə̀ ləghaa lo nû am fə̀ŋ tə ghee. Dzì zəla ghe lɛɛ̄n ghəa gho a te dêe nù enyəa lâŋ kə̀ kûum lò nû am fə̀ŋ tə ghee aŋghəa moʼnlò e ghee bughoo an nə̀gha e li zo zə ŋ kɔ̀n tsughu ghee, an nəgha è li zo zə n dzɛ̀ â ghee enyəa ghe n ghəəŋ dzɔ.

1 Kòlentìan 9:3

Ŋ̀ ghue waŋa u baaŋ səa tsə̀ghà enyə abugho ghî à tɔʼɔ̀ tûe kaŋa ko enyəa Ǹ yo dzə̀ tum è Kə̀lestò.

2 Kòlentìan 12:19

Ghɛ̀ è dzaā ko enyəa ghəa ghə̀n à dzə̀m fɛ lo enyəa ghàʼ dəmà alebâaŋ ghue zaʼā an sə kɛʼɛ̄ an nə̀gha zən e dzə̀m. Ɛ̂ŋgaŋ dzə̂! Ghàʼ ghəa ghən kə̂aa an sə kə Kəzə an dziī zəla Kə̀lestò mò lô aleləghā enyəa ghàʼ kə̂a à tè. Ghəa ghə̀n à dzə̀m ghàʼ ghəŋlo a waazə̂ ghaŋa gho, ghàʼ ghəŋlo enyəa ghɛ̀ noo aŋ ghəa e Kəzə̀.

2 Kòlentìan 7:11

Kòʼ ghəa ghə̀là ŋgòʼ è mùŋe zəla Zə̀ kə̀ ləghaa ghəə̄ŋ tsughu ghɛ a, ghɛ̀ yia muʼū â mbuuw mò, ghɛ̀ yia a ki ghɛ̂ zò aledèe tsughu enyəa ghu ghɛʼɛ zɔlɔ nù aŋ ghəa ghəla ghe kwuū ghɛ a te. Ghɛ̀ mò pfʉso n nəghà ghɛ̀ à ghê ghì ghəla ghe mò ghəəŋ boōn ghɛ â ghəa gho, ghɛ̀ n tsəŋo enyəa Zə̀ kə lo fɔeso nù ghɛ, ghɛ̀ n ləghaa enyəa tò M̀ mô bughò tɛ̂ a vʉ̀a ghɛ̀, ghɛ̀ n dəmà sùghò aleghə̂əŋ ghəa zəla e lô tsəghatsəgha, ghɛ̀ m fɔesò ghì ghəla ghe ghəə̄n boōn tsughu ghəa zo. Aŋ ghəa ghən a dzə̀m, ghɛ̀ n dè enyəa ghɛ̀ kaām nɔʼ dzə̀ aŋ ghəa è li zo.

Fèlepìan 1:17

Ghî à loʼ a yi naʼn làbəlà è dzùŋ è Kə̀lestò am mòʼnlò e ghee è biigh zo, ghe sô moʼò enyəa ghe lo aleghəŋlo mùghò è ŋgee zuuw fɔɔn zo aŋghəa Ǹ lo aŋ kwə̀n.

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

2 Timotì 4:16

An nə̀gha e sûesʉ zəla ghe fə̀ nî nduw mugho an tia e sāʼ, ghùw ù lì ka fə bughò dzə̀ alebùghò yosò mùghò. Aghî à dzə̀m m fwə̀n tì zə̀ghàa tàʼà tsùghù mugho. Gɔ̂ŋ zaŋa e lo enyəa, to Zə̀ kə̀ mô ghuūw maʼà ghəa a ghee à biigh a te gho.

1 Pità 3:15

E kuuwn fughuu ko nlò kɔʼso mò â Kə̀lestò am fə̀ŋ tɛʼɛ, ghɛ̀ e ni nduw wə̄n tò Mughu ù te. E ti tən ko nlò alo tətsə̀n alefughu fwə̀n kə edzughu â ghùw wəla ù kəŋo alekele gheə zəla ghɛ̀ gaʼ fə̀ŋ a te. Ghəa e bûʼ lô ko êzə̀, e maʼn tsughuu nlò ghue zo am fə̀ŋ tə̀ zɔlɔ to aleghəŋlo êzə̀.