Kə̀fwàʼ 21:11 - To kə Kəzə̀ kə̀ Fughu ko

¹¹ A m bùghò ù bùghò kôʼ tsughu ghaʼ, ù n nì kɔ̀ʼ kwûu fə Pôl kɔ̀n tsùghù kwe e wə̄n a te àsùghò fwee e wə̄n zo, dzɛ̀ tsùghù enyəa, “Dzûu təla an Yɛ̀lusalɛ̀m lô ghùw wəla ù ki kwûu fən kɔlɔ̀ tsùghuu enyə, ghe nîi fughuu ndûw â Tòʼò tò. À dzɛ̀ Zuʼ tə Zɔlɔ to.”

Kə̀fwàʼ 21:11 Iomraidhean Croise

Dzɔ̌n 18:1

A m bùgho Yɛso gɔ̀ɔŋ mɛʼɛ̀ tsughu, ù n dàŋ sə kɔʼ bɔ̂ʼ kə̀ loʼ ko ghe fə̀ tɔŋlo enyəa Bɔ̂ʼ kə Kidə̀lɔ̀n ghèe ghê tsə̀təndə̄ghā tə wə̄n to. Ghe n ndùw dəŋò kəla sum ù li u fə̀ lo a te, ghe n nyə̀ ndùw fughu an usum u te wo.

Kə̀fwàʼ 13:2

Ghəa ghe kɔʼsō Mughubè ù te, baa sùghò èdzughu, Zuʼ tə̀ Zɔlɔ tə n dzɛ̀ tsùghù enyəa, “Tsɔʼ naŋa sə̀ wò nlǒ Bànabàs ghèe Sôol am fwàʼ kə̀là Ǹ lo mò mùghǒ ŋ ghee a te tɔŋɔ.”

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 20:23

Fəgha kə̀là Ŋ̀ kwo ghè kò, à lò fəgha kə̀là Zuʼ tə̀ Zɔlɔ tə te dzâa wo â mùghò an nàʼà tə̀n tə̀ dzə̀m Ǹ nduūw enyəa ghe lo dzə̀là nù mugho an ndùghètsaʼ àsùghò enyəa tsû ù lo kwuu nù mugho.

Kə̀fwàʼ 21:33

Komndzūghū vʉ ŋ kuʼso kəŋo è wo, nì nùghù kɔ̀ʼ Pôl, dzɛ̀ tsùghù enyəa ghe kûu tsughu wə̄n alo tətsāʼ tə bə̀ghà. Ù m bvʉ̀ tsughu enyəa Pôl lò ndughoo, àsùghò fəgha kə̀là ù bonlō.

Kə̀fwàʼ 21:4

A m bùghò a bwîin kəŋ kôʼ kaāŋ sə kɔʼ ghî a Kəzə̀ a li gho fughu, ghàʼ n dòʼò kə̀ŋo ndùw ntsuʼu fughu sə̀ghàmbəgha ghàʼ à ghee. Zuʼ tə̀ Zɔlɔ tə te wə n tsom kɔʼ ghee, ghe n dzɛ̀ â Pôl enyəa e kwo ù lò ndûuw daŋso an Yɛ̀lusalɛ̀m.

Kə̀fwàʼ 22:25

A m bùghò ghe kwu kɔ̂n tsughu wə̄n am bwāʼ, Pôl n nùghù bvʉ kɔʼ â kɔmdzūghū vʉ̀ ù mò ti fughu enyəa, “Lâŋ kə̀ boo nù enyəa ghɛ̀ bu ghùw ù Lumà mò ghɛ̀ kâ wən bûʼ sàʼ dzə̌ aŋ ghə̀a è li zo ù kpaʼ bonlō a?”

Kə̀fwàʼ 24:27

A m bùghò nûu tə̀ mîa tsughu tə bə̀ghà, Pôlshius Fɛstùs ŋ kɔʼ kɔʼ ndàŋ è Fɛlècks tò gɔvə̀nò. A m bùghò ù sò ləghaa aleghəə̄ŋ tsughu enyəa fə̂ŋ tə̀ è zɔlɔ Dzûu tò a zəŋò ghee, ù n zə̀ghàa tàʼà ndùw Pôl an ndùghàtsāʼ.

Kə̀fwàʼ 26:29

Pôl mo enyəa, “Kàa à lò kəma fə kəgha ŋkāa dəghàa kə kəgha, gɔ̂ɔŋ zaŋa â Zə̀ kò e lo enyəa à ka bûʼ kà dòʼò ko ghû, to ghî ghə̀n à dzə̀m ghe zəə̄n shwaʼ waŋa wo nɛ̄ mò doʼò tsughu ghî a Kə̀lestò tò mugho, mò à kǔuwn yò dzə ghùwndughūtsāʼ tò aŋghəa Ǹ lo êzəŋ.”

Kə̀fwàʼ 28:17

Tsuʼu mə̀ n tsə̀ghà tsùghù n təgha, Pôl n tɔŋɔ tsughu Dzûu təla tə lô tuw wo fughu; a m bùghò ghe tsuŋ wo, ù n dzɛ̀ â ghee enyəa, “À waagho, à mò lo an Yɛ̀lusalɛ̀m ghe mò nî fughu nyə tsughu mugho aŋ ghùu gɔvəmɛ̀n è Lumà tǒ ghùw ù ndùghūtsāʼ mò Ŋ̀ kâ ghəa e bonlo â ghì a sɛ̀ ghò ŋkāa an làŋ kə ghê tsele â sɛ̀ kò.

Kə̀fwàʼ 28:20

Zən lò e ghee M̀ mô dzɛ̂ enyəa Ŋ̀ koʼò tsughu ghɛ, sɛ̀ kə̂aa tsughu aghəa. Ghe mugho fɛ alo tətsāʼ kûm nàŋa aŋ ghəa e ghûw wəla Ezə̀lɛ̂ chǐi tùʼ a te.”

Kə̀fwàʼ 28:25

Ghe n nughù ndùw mo ghe baaŋ ndùw tə̀fom, aŋghəa Pôl sò dzɛ̂ nduw â ghee enyəa, “Zuʼ tə Zɔlɔ tə fə̀ lo tsəghatsəgha aledzɛ̀ â ghê tsùghò am bàm zə Èzayà, ghùwshʉ̀ghà, enyəa,

Kə̀fwàʼ 8:29

Zuʼ tə̀ Zɔlɔ ti tə n dzɛ̀ â Felêp enyəa, “Dzǔu kwuun ndùw nwaŋ u kəkə̀anyòm ù vʉ̂ ghɛ̀ è kuʼū bwiī nduw.”

Kə̀fwàʼ 9:16

tɔŋlo enyəa Ŋ̀ ki aledèe tsughu ghəa ù ki alebisō fala tsughu a te aŋ ghəa zaŋā.”

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 6:20

Ghe mò mùgho tum wo â alebùghò naʼà làbəlà èdzùŋ zə̄n, zən lò e ghee Ǹ lô fɛ an ndùghùtsā. E gɔŋlo nlò an tuw kaŋā enyəa to M̀ mò lò aledoō naʼn làbəlà zən an ghəa ghəla ŋ ki alenàʼà a te.

1 Timotì 4:1

Zuʼ tə̀ Zɔlɔ tə dzàa zěe nù enyəa a kê bugho an tsuʼ məla Yɛso kè so e bughò èbàm a te, ghî à li a lo tuu màʼ nù alekòom boō an tsʉ̀ è səŋò zəla ghe fə̀ zuw kùu ndùw Yɛso, ghe e kôom boom fughu nduẁ â zʉ̀ wə agha wo àsùghò â tsʉ̂ e zèa m bǐigh mò.

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

Hibùlù 10:34

Ghɛ̀ mò bughoo ghɛ̀ Ŋ̀ ki se è kwuso a zəŋò ghìidughutsaʼ gho, ghɛ̀ m boo nduw aŋ ghùe e ghɛɛn zo enyəa ghe kwuū nughù fʉgha wɛɛ; nu ghɛ mo kwo nu enyəa ghuūghùe zɛʼɛ e ki nû ghəa è səŋò è li zo alo kəwalā, mo e kê tsɛ̀lɛ̀ nù.

Hibùlù 3:7

Zuʼ tə Zɔlɔ tə dzɛ̂ tsughu enyəa, “Tsuʼu nɛ wən, abugho ghɛ̀ zuw tsughu dzə̀ è Kə̀zə̀,

1 Pità 1:12

Zə̀ kə̀ mafə dê zìi wò â ghiīshʉ̀ghà a wə̄n ghən gho enyəa ghe ki yo namso kə̀ li ko am fwàʼ kə ghee, enyəa à namso kə laam ki ghɛ. E lo sugho tò aŋghəa ghiīshʉ̀ghà a Kəzə̀ ghən fə̀ dzɛ̂ naŋā wô ghəa ghə̀la ghɛ̀ zuūw êzə̄ŋ aŋ ghùu ghì ghəla ghe naʼn wo làbəlà è dzùŋ zən â ghɛ̀ an daʼa kə Zuʼ tə̀ Zɔlɔ təla Zə̀ kə̀ tum tsughu wô alo kəwālā; mò à lò aghəa tsə̀təndə̄ghā tə Kəzə̀ tə̀ dəma alebùghò zuūwkɛlɛ tsughu.