Kə̀fwàʼ 20:7 - To kə Kəzə̀ kə̀ Fughu ko

⁷ An tsuʼ u sûesʉ wo alo ewə̄n, ghàʼ n tsùghù dòʼò gùŋsò tsùghù aleboʼn zəā kɔʼ Kùun tə Mughu ù te. Pôl ŋ kaʼ tsughu ghəa à kəaa gho, kə̀aa àghəa â ghì ghò ènyə, kə̀aa ènyə, ndùw tɛ̀ ndùw â fə̀ŋ è utsùʼ, ù màʼà ki alezə̀ghàa səa tsughu an tsuʼ ù li vʉ̀.

Kə̀fwàʼ 20:7 Iomraidhean Croise

Mâk 16:9

Êzə̄ŋ, ghəa Yɛso gbən kɔʼsə̄ alo evʉ̄ an tsuʼ fə sûesʉ fo alo ewə̄n, ghùw sûesʉ wəla ù fə gbə̂n sə kɔʼ a vʉ̀a wə̄n fə̀ lo Mèle Màʼdàlɛ̂n, tɔɔŋ wìzən wəla Yɛso fə̀ dzûm sə zʉ̀ ù biigh wo sə̀ghàmbəgha a zəŋò ughùe.

Lûk 22:19

Ù n daŋso nì kɔ̀ʼ sùghò kə̀bɛ; a m bùghò ù fughu tsughu sugho zɔ̀ɔŋ kò â Zə̀ kò, ù m bòʼ è tsughu fùghù ndùw â ghee dzàa tsùghu enyəa, “Zən lò gwən e ughùe zaŋā M̀ fughuu wo â ghɛ̀, ghɛ̀ è ghəəŋ tsəgha enyə, alemoʼn tsughuu mugho.”

Lûk 24:35

Tsə̀təndə̄ghā tì tə̀ bə̀ghà n dzɛ̀ ndùw sùghò fəgha kəla kə mô sə an dziī a zəŋò ghee, dzɛ̀ sùghò aŋghəa ghe mô nughù kôʼkɛlɛ̄ kɔʼ wə̄n ghəa ù boʼn fughu tsughu ghee â bɛ ko.

Dzɔ̌n 20:1

A m bùghò an tsuʼ fə̀ sʉesʉ fo alo ewə̄n, Mèle Maʼdàlɛ̂n n ndùw chì wò ùtsuʼ alo eshìaa, bùghò kôʼ wò mo ghe m bəŋso nùghù tìa zo an dzughu zə eshìaa.

Dzɔ̌n 20:19

An nə̀gha è guŋso zo an tsuʼ fə te fo, mò à fə̀ lo tsuʼ fə sûesʉ fo alo ewə̄n, tsə̀təndə̄ghā tə Yɛso tə̀ n lo an ndughu mo ghe n dzùa nàŋa gbâʼ wò, ghe sô tsəŋo ghî à ne a Tə̀dzûu ghò, Yɛso m gbən sə kɔʼ an sə kə ghee, dzɛ â ghee enyəa, “Bughuun zə lo ghɛ̀ à ghee.”

Dzɔ̌n 20:26

A m bùghò tsuʼu n tsəghà tsughu efāa, tsə̀təndə̄ghā tə Yɛso tə̀ n lo kpeʼe an ndughu, Tɔ̀mâs n lo ghèe ghee. À n lo mò gbâʼ ù fêen n dòʼò nù, ghe n tɛ̀ fìi kɔ̂ʼ Yɛso mò ù ti am bvʉa e ghee, ù n dzɛ̀ â ghee enyəa, “Bughuun zə lo ghɛ̀ à ghee.”

Kə̀fwàʼ 16:10

A m bugho Pôl koʼ tsughu ghəa yi ezə̀, ghàʼ n daŋso tee ko alo efwee aledàŋ am Masɛdonia, ghàʼ sô nî ndûw enyəa Zə̀ kə̀ ghaʼ fɛ tɔŋɔ tsughu nû enyəa a ndûw naʼa tum è dzùŋ è te â ghee.

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 20:11

A m bùghò ù nùghù kɔʼ nduw ebàm edzūŋ, ghe zə kɔʼ kûun tə Mughu ù te to, Pôl ŋ kə̀aa àghəa ghèe ghee enyə, kə̀aa ènyə, tsuʼ wə n zùw sə̀ è wo, ù n daŋso zə̀ghàa è tsughu, è nughu.

Kə̀fwàʼ 20:31

Ghɛ̀ ki aletisō kɔʼ kətuw, ghɛ̀ è moʼn tsughuu tsʉ̂ zəla mùgho mò fughuu tsəgha â ghɛ̀ tsuʼu mən ndzə̀m alo tənùu tə təgha.

Kə̀fwàʼ 20:5

Ghî ghən n nùghù ndùw â sə ko, ndùw lə̀ma ndùw ghàʼ an naʼ e Tə̀lôas.

Kə̀fwàʼ 20:9

Wɛ̂ɛnùu ù lì n doʼ a fughu an tɔŋ e ndughu ghe fə̀ tɔŋlo enyəa à lò Yutikùs, a m bùghò Pôl so tsôo kûu ndûuŋ ndûw ko aŋ ghə̀a à kəaa gho, wɛ vʉ ŋ kàʼ ndùw à aledzwoʼo bwii. Wɛ vʉ n dzoʼ bwii ko, bùghò kàʼ ndùw tə̀mgbii alefə̀ŋ. Ghəa mgbii tə tsəghàsə tsughu ghî fi fo, fə n nùghù tə̀ghaa kɔʼ fughu an tɔŋ è ndughu, lɔʼso bvʉ̀ mìasò sə̀ tsùghù wò à ghueetsə̄, mò à lò təndughu tə təgha alekɔʼɔ̄ ndûw; ghe m bùghò bɔŋ kɔʼ ko ègwən.

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

1 Kòlentìan 10:16

Wùa zəla sɛ̀ dzeŋe mʉā səa kɔʼ a te abugho a kɔʼsō Zə kò, à mgbàŋ yò kâŋ tə Kə̀lestò a sɛ̀ dzeŋe mʉā a? À m bùghò a boʼn zə kɔʼ bɛ ko, à fi mgbaŋ yò gwən e Kə̀lestò a dzeŋe zəā a?

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

1 Kòlentìan 16:2

Ghɛ̀ naŋa tsughu Tsuʼntsə̄ wə ŋkalà wò tò tsuʼ fəla chìa wɛʼɛ ki alenaaŋ səa kɔʼɔ fəghà fo am fəgha kə ù kele tsəgha, e kwo ghɛ̀ lô kôom chuūw zeē fəgha ko abugho M̀ bugho.

2 Timotì 4:2

E dəma ko alezughò shwaʼ u Kəzə̀ u te wo nəgha tən tə̀ dzə̀m, kà ghî à ləghaa ŋkāa ghe ləghaa yo. E naŋso ndùw ghî ghò, kwɛ̀ɛn ndùw ghee, dzə̀là ndùw sùghò ghee â sə̀ŋ zò. E ndòʼò màʼn tsughuu sugho ghue wo aletsʉ̀ ghee an shwaʼ u Kəzə̀.

Edêe Fughu 1:10

A m bùghò an tsuʼ ù kɔʼso u Mughu ù te wo, zə̀a fə̀ Kəzə̀ fə̀ n tsom kɔʼ mugho, mugho n zuw dzə̀ e tughu a bàâ mùghò e kǔu tò esɔŋ.