Kə̀fwàʼ 20:4 - To kə Kəzə̀ kə̀ Fughu ko

⁴ Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 20:4 Iomraidhean Croise

Kə̀fwàʼ 14:20

A m bùghò waazə̂ à li ghən nyəŋ zûuŋ wo a vʉ̀a wə̄n, ù n daŋso nùghù è kɔʼ, kòom nùghù nyə̀ ndùw è bàm fughu alo enaʼ. A n daŋso nùghù wò tsʉtsʉ vʉ̀ ghèe Bànabàs n nùghù nùghù dàŋso ndùw an naʼ e Dɛbì.

Kə̀fwàʼ 14:6

tum tə ŋ kelê ghəa yì, tì nùghù ndùw an naʼ e Lystlà àsùghò an naʼ e Dɛbì, naʼà tə Lìkaunìa, àsùghò aŋ ŋgwə̀là tə te to;

Kə̀fwàʼ 16:1

Pôl m bùgho sùgho an Dɛbì àsùghò an Listə̀là. Ghùw ù li m mughu fughu ù boō â Zə̀ kò zən e wən e fə̀ lô Timotì; wɛ ù zəla Dzûu, tsele mò kuūwn lo ghùw ù Gə̀les.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 17:1

A m bùghò Pôl ghèe Saelàs tsə̀ghasə wo Amfipolès àsùghò Àpòlonìa, ghe n sə̀ wò an Tɛ̀sàlonikà, mò ndùghùne è ghì a Dzûu lǒ fughu.

Kə̀fwàʼ 17:13

A m bùghò Dzûu tə̀ li to an Tɛ̀sàlonikà tə̀ zuw tsughu enyəa Pôl kə̀aa sùghò shwaʼ u Kəzə̀ an Bɛ̀lîa, ghe n ndùw bùghò sùghò fughu, bùghò tsùʼ sòʼ tìso naŋa kɔʼ enaʼ alo efwēe.

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 2:9

Ghàʼ sə kaaŋ wò an nàʼà n nùghù mò, am Patìa, am Mɛdɛ̀s wò, an Elamàet àsùghò ghì ghəla ghe mughu am Mɛ̀sòpòtɛmìa, an Dzùdîa àsùghò Kàpàdoshìa, Pontùs, àsùghò an Ɛshìa,

Kə̀fwàʼ 20:16

À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 20:18

A m bùghò ghe bughò kôʼ wo wə̄n, ù n dzɛ̀ â ghee enyəa, “Ghɛ̀ a dzə̀m kwò nû mughùu zaŋa zo aŋ ghəa sɛ̀ mughùu kɔʼ wo alenìi nughù tsughu tsuʼ fəla mugho fə̀ tiso tsughu ghuw ko fɛ am mbùʼ è Ɛshìa.

Kə̀fwàʼ 21:29

Ghe mò enyə kəaa ghe màʼa fə̀ lo mo ghe maā wən enaʼ bûʼ kòʼ ghèe Tə̀lòfimùs, ghùw Ɛfɛ̄sùs, tûw wəla ghe mò moʼò enyəa Pôl maā wə̄n am be kə ndughene è Kəzə̀ nî nyə̀ wò.

Kə̀fwàʼ 27:2

A n nì kɔ̌ʼ kwə̀n kə̀ li ko kə nughu wo an Àdə̀làmitìum, mo kə ki alendùw shueʼe am bala e ukwə̀n è shueʼe zəla e doʼò tsughu nduw aŋ kùw kə Ɛshìa, nùghù ndùw â dàŋ kò, ghàʼ à ghê Àlestālkùs, ghùw Màsɛ̀donìa ù sə an nàʼà fə Tɛ̀sàlonicà.

Lumà 16:21

Timotì, ghùw ù kəfwàʼ waŋa tum wò ghɛ̀ â tɔɔŋ zo. Lusìus ghèe ghê Dzasòn àsùghò Sòsispatà tɔ̌ɔŋ zùw wò sùghò ghɛ̀.

Lumà 16:23

Gayòs wəla M̀ mughu alo wə̄n, mò à lò sugho a fughu an ndughu ghî Kəzə̀ à bughò təmadzəŋlo dzɛ enyəa Ǹ tɔɔŋ zuw wo sughò ghɛ̀. Elastas wəla u naaŋ kəaa kə kua u enaʼ ko ghèe wàazə̀ ù sɛ̀ Kwatùs fughuu wò sùghò ghɛ̀ â tɔɔŋ zo.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

2 Kòlentìan 1:19

Yɛso Kə̀lestò, Wɛ̀ ù Kə̀zə̀, wəla ghàʼ à ghê Sìlvanùs, àsùghò Timotì mò kə̂aa ghəa a wə̄n gho â ghɛ̀, ù mò teen tsəgha dzə yo alo eghəa ù ŋ kôom bùw a te; aŋ wən, ù ňaaŋ tsə̀ghà kô dzughu e wən.

Efɛsùs 6:21

Taekikùs, wàazə̀ ù sɛ̀ wəla u ghàʼ ŋgeē ləghaa, vʉ̀a ù lò sughò kɔɔ fəla fə zumso fwaʼa â Mughu ù te bughò nǔ fì a vʉ̀a ghɛ̀, ù lo bùghò tɔʼɔ̀ teso dzâa wô ghəa ghəla Ǹ lô fɛ a te â ghɛ̀.

Fèlepìan 2:19

À lò an daʼ kə Kəzə̀ M̀ moʼnlò enyəa e mô dzɔ̀ɔ nù â mùghò alekùʼn tuū wô Timotì a vʉ̀a ghɛ̀ enyəa ù bùghò tsəmso ghɛ̀ abugho ù nàʼà wo tum zaŋā â ghɛ̀, Ǹ lo e duʼn sugho abugho Ǹ zuūw wô zɔʼn wɛʼɛ wo.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Kòloshìan 4:7

Tàekikùs, tɔɔŋ wàazə̀ waʼa wəla a ŋgeē ləghaa, wəla ghàʼ a ghee dzeŋe fwaʼa â Mughu ù te fɛ, vʉ̀a ù gaʼ sugho fə̀ŋ am fwàʼ kə wə̄n, lo teso dzàa mɛ̀ʼn wò nù ghɛ̀ â ghəa gho a dzə̀m kùu ndùw mughù zaŋa fɛ.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

2 Timotì 1:2

M̀ mwàʼsò kən kə tɔɔ wò â ghǔ a Timotì, ghù wɛ waŋā ù tsùʼu. Ŋ̀ gɔ̂ŋlò enyəa to Kə̀zə̀, tɔɔŋ Tsele ù te ghèe Mughùbè ù sɛ̀, Kə̀lestò Yɛso mò dê ghù â dzɔ̀ e ghee zo àsùghò se è kwuso zo, ghe fughuu sughò ghù â bughun zo.

2 Timotì 4:12

M̀ maā Tàekikùs tum ndùw an naʼ zə Efɛsùs.

2 Timotì 4:20

Elatùs maā doʼòdòʼò an naʼ e Kolèent. Yia a bughò Tə̀lofimùs, mùghò mǒ wə̄n naŋa taʼā an naʼ e Mìletùs, ù màʼa lo mò ù dzaŋà nù.

Taetùs 3:12

Abugho Ǹ lo tum wô Altɛ̄màs ŋkāa Tàekikùs a vʉ̀a ghù, ghù ke dəm tən tsughu enyəa ghù bugho koʼ mugho an Nìkopolès, tɔŋlo enyəa mùghò n tsə̀m enyəa Ŋ̀ kê ndùw mùghùun kə̌əŋ a fughu alo efwòo.

Filemùn 1:24

Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.

3 Dzɔ̌n 1:1

Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən ko â ghù a Gayùs, ghù wəla Ŋ̀ kûum ŋgeē ləghaa.