Kə̀fwàʼ 20:16 - To kə Kəzə̀ kə̀ Fughu ko

¹⁶ À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 20:16 Iomraidhean Croise

Kə̀fwàʼ 12:13

A m bùghò ù tsʉʉ̄n tsughu fuū u ughɔ̄ŋ wo, kɔ̂ɔ fə̀ zən fə̀ li fo ghe mò tɔŋlo enyəa à lò Lhodà n ndùw bùghò alebùghò tsʉ.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 18:19

Ghe daŋso bùghò an Efɛsùs, ù n zə̀ghàa tàʼà tsùghu ghee fughu; ndùw wən â nəŋ ko an ndùghùnè è te, ndùw kàʼ ndùw dzughu è pfʉa zo fughu ghèe ghê Dzûu tò.

Kə̀fwàʼ 18:21

Ghəa ù se kuuwn zə̀ghàan ghee, ù n dzɛ̀ â ghee enyəa, “Ǹ lo kòom bùghò kòʼò nù ghɛ abugho Zə̀ kə̀ boō.” Ù n daŋso bùghò nì kɔ̀ʼ kəkwə̀n, zə̀ghàa tsùghù Ɛfɛ̄sùs.

Kə̀fwàʼ 19:1

Ghəa Apolòs lò aŋ Kɔlèent, Pôl n tsə̀gha kɔʼ ndùw naʼ ènaʼ ndùw nyə̀ ndùw an naʼ zə Ɛfɛsus. Ù n ndùw kòʼ ndùw tsə̀təndə̄ghā tə Yɛso tə̀ li to fughu.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 2:1

A m bùghò tsuʼ u Pɛntɛ̄kɔ̀st ù kpe tsughu, tsə̀təndə̄ghā tə n dzeŋe dòʼ alo kəlùʼù kə mɔ̀ʼ ghee a dzə̀m.

Kə̀fwàʼ 20:13

Ghàʼ n daŋso ndùw nyə kɔʼ alo kəkwə̀n, bàŋ dàŋsə̀ ndùw an naʼ e Asòs; alenìi daŋà tsəghà Pôl a fughu, ù màʼa fə̀ naʼà naŋā tsughu êzə̀, kuuwn nùghù wò alo aghùw.

Kə̀fwàʼ 20:18

A m bùghò ghe bughò kôʼ wo wə̄n, ù n dzɛ̀ â ghee enyəa, “Ghɛ̀ a dzə̀m kwò nû mughùu zaŋa zo aŋ ghəa sɛ̀ mughùu kɔʼ wo alenìi nughù tsughu tsuʼ fəla mugho fə̀ tiso tsughu ghuw ko fɛ am mbùʼ è Ɛshìa.

Kə̀fwàʼ 20:22

Ǹ nyəa ndùw èzəŋ an Yɛ̀lusalɛ̀m aŋghəa Zuʼ tə̀ Zɔlɔ tə ləghaa; Ŋ̀ kwo yo fəgha kela kə lo səā fughu a zəŋò mùghò.

Kə̀fwàʼ 20:4

Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 20:6

A m bùghò a zə kɔʼ Zə kə bɛ kəla mbvùŋ buw a te, ghàʼ n zə̀ghàa tsùghu Felèpîi, bwìi tsùghù ntsuʼu n tɛ̀ alo kəkwə̀n, ndùw kòʼ ndùw ghee an Tə̀lôas, an dòʼò fughu ewən.

Kə̀fwàʼ 21:4

A m bùghò a bwîin kəŋ kôʼ kaāŋ sə kɔʼ ghî a Kəzə̀ a li gho fughu, ghàʼ n dòʼò kə̀ŋo ndùw ntsuʼu fughu sə̀ghàmbəgha ghàʼ à ghee. Zuʼ tə̀ Zɔlɔ tə te wə n tsom kɔʼ ghee, ghe n dzɛ̀ â Pôl enyəa e kwo ù lò ndûuw daŋso an Yɛ̀lusalɛ̀m.

Kə̀fwàʼ 24:17

Êzə̄ŋ, ghəa nûu tə̀ li tə tsəghà tsughu, mùgho n ndùw bùghò enyəa M̀ bughò fughu eyosò â naŋa zo àsùghò fughu kefughu â Zə̀ kò.

1 Kòlentìan 16:8

Ŋ̀ kuuwn dòʼn ko fɛ̄ am Ɛfɛ̄sùs to nəgha e zə kə Pɛntɛ̄kɔ̀st è lo kpeē tsughuu dzə̂.