Kə̀fwàʼ 2:47 - To kə Kəzə̀ kə̀ Fughu ko

⁴⁷ Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

Kə̀fwàʼ 2:47 Iomraidhean Croise

Lûk 19:48

ghe ŋ kuuwn kəŋo kèe ghəa ghe lo alekaʼā tsughu a te, ghî ghə̀n à dzə̀m màʼà boōm fughuu ndûw ko â wə̄n.

Lûk 2:52

Yɛso m məla wò aŋ ghûw, sə ghə n tee wò sùghò, ghî ghə n ləghaa wə̄n, Zə̀ kə n tsuʼu sùghò wə̄n.

Kə̀fwàʼ 11:21

Zə̀ kə̀ m fughuu ghee â daʼa ko, ndə̀mà ndəmà tə aghì tə m boo fughu â Kə̀lesto, fə̀n dòʼò wò ghì a Mughu ù te.

Kə̀fwàʼ 11:24

tɔŋlo enyəa ù fə̀ lo ghùw ù dzùŋ mò à wən ki tən ko Zuʼ tə̀ Zɔlɔ, tughuu sùghò am fə̂ŋ zəla ù gaʼ tsughu aŋ Kə̀lestò. Ghe m fəghaan nì kpèʼe wò ndə̀mà tə aghì a vʉ̀a Mughu ù te.

Kə̀fwàʼ 13:48

A m bùghò Toʼò è zuw tsughu ghəa ghən, ghe n duʼnlo, kɛɛ Mughubè ù te bòʼ shwaʼ u wə̄n; ghî ghə̀n à dzə̀m Zə̀ kə fə̀ tsɔʼ naŋā tən enyəa ghe kê zə etsɛlɛ̀, ghe m boo fùghù ndùw à Kə̀lestò.

Kə̀fwàʼ 14:1

Pôl ghèe Bànabàs ndùw nyə tsughu an ndùghùne è Tə̀dzûu an Ekonìum, kə̀a àghəa a fughu an dziī zəla ndə̀mà tə Dzûu ghèe ghê Gə̀lêk tə̀ m boo fughu ndùw â Kə̀lestò.

Kə̀fwàʼ 14:21

A m bùghò ghe naʼā tùm è dzùŋ zən fughu alo enaʼ kele kɔʼ ndə̀m è àghì, ghe ŋ kòom nùghù ndùw è bàm an Lystlà, ndùw nùghù dàŋso ndùw an Ekonìum, ndùw tsə̀ghà dàŋso ndùw an Antìok.

Kə̀fwàʼ 16:5

Êzə ko, êzə ko, ghe n dzəlà ndùw ghì a ndughutəkəzə̀ â sə̀ŋ zò am boo e ghee, kɔ̂n kə ghee ki n noom səa ndùw sùgho tsuʼu mən n dzə̀m n dzə̀m.

Kə̀fwàʼ 17:12

An dziī zən, ndə̀mà tə Tə̀dzûu tə̀ m boo fùghù è nduw à ndə̀ma tə ghì a Gə̀lês à səŋò ghò to ghînûu a ghee a fə̀ boō fughu sugho.

Kə̀fwàʼ 2:39

To kən lò â ghɛ̀ à ghê wɛ ghɛʼɛ̄ gho, àsùghò â ghì ghəla ghe lɔʼsō mughùu nduw, mò à lò ghî ghə̀n à dzə̀m Mughu ù te, Zə̀ kə sɛ̀ lǒ mò ù ŋ ghee tɔŋɔ.”

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

Kə̀fwàʼ 4:21

A m bùghò ghe bəmē kpeʼē tsughu ghee, ghe n zə̀ghàa màʼà ndùw ghee, ghe sô kəŋ kē dzì alefɔ̄esō tsughu ghee, ghî a màʼa fə̀ lo; nu ghî yì à dzə̀m mò tsoō fughuu ko kɛɛ u Kəzə̀ aŋ ghəa yia a mò sə.

Kə̀fwàʼ 4:33

Ghəa tum tə te tə kele tsughu daʼa kən, ghe n tɔʼɔ̀ kə̀aa nyə̌a tsughûu ghəa a Mughubè Yɛso à zoōm gho alo evʉ à sə̀ŋ zò a te, Zə̀ kə̀ m bughuso ghee a dzə̀m.

Kə̀fwàʼ 4:4

Ndə̀m è àghì, aŋ ghì ghəla ghe mò zuw tʉ̂ e ghee zo, m boo fùghù ndùw a te; kɔ̂n kə ghì ghəla ghe boō tsughu n nōo kɔ̀ʼ ndùw tò kam tə aghì tə tɛ̀.

Kə̀fwàʼ 6:1

Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Kə̀fwàʼ 9:35

Ghî ghə̀n à dzə̀m ghe mughu an Ledà àsùghò am bəghaa e Shalɔ̀n ghe mò koʼ wə̄n, ghe m fùghù ndùw fə̀ŋ tə ghee â Mughubè ù te.

Lumà 14:18

Abugho ghùw fwàʼa â Kə̀lestò an dziī zən, zə ŋ ghəŋlo Zə̀ kə̀ n duʼnlo, ghî ghə ŋ kɛɛ ghùw ù te.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

Lumà 9:27

Ghùwshʉ̀gha Èzayà n naʼn wô an dzə̂ e tughu kùu ndùw Ezə̀lɛ̂ enyəa, “Ghəa ghî ghə Ezə̀lɛ̂ a tso bûʼ lô ko an ndə̀m tò kəshiashia a mǎakùw, à lô tuw ko aŋ ghì a te zəa kô sə fə aghì enyə.

1 Kòlentìan 1:18

Dàaŋ kə Kə̀lestò kə lo elâʼsò â ghì ghəla ghe lo alo kəleŋe, yìa à kuūwn lô daʼa kə Kəzə kò â sɛ̀ ghəla ghe bəghaasəa tsughu.