Kə̀fwàʼ 2:42 - To kə Kəzə̀ kə̀ Fughu ko

⁴² Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 2:42 Iomraidhean Croise

Lûk 24:30

A m bùghò ù tsughu doʼò tsughu zə zo ghèe ghee, ù n nì kɔ̀ʼ kəbɛ, gɔ̀ɔŋ tsùghù a te, boʼn fughu tsughu â ghee.

Lûk 24:35

Tsə̀təndə̄ghā tì tə̀ bə̀ghà n dzɛ̀ ndùw sùghò fəgha kəla kə mô sə an dziī a zəŋò ghee, dzɛ̀ sùghò aŋghəa ghe mô nughù kôʼkɛlɛ̄ kɔʼ wə̄n ghəa ù boʼn fughu tsughu ghee â bɛ ko.

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 20:11

A m bùghò ù nùghù kɔʼ nduw ebàm edzūŋ, ghe zə kɔʼ kûun tə Mughu ù te to, Pôl ŋ kə̀aa àghəa ghèe ghee enyə, kə̀aa ènyə, tsuʼ wə n zùw sə̀ è wo, ù n daŋso zə̀ghàa è tsughu, è nughu.

Kə̀fwàʼ 20:7

An tsuʼ u sûesʉ wo alo ewə̄n, ghàʼ n tsùghù dòʼò gùŋsò tsùghù aleboʼn zəā kɔʼ Kùun tə Mughu ù te. Pôl ŋ kaʼ tsughu ghəa à kəaa gho, kə̀aa àghəa â ghì ghò ènyə, kə̀aa ènyə, ndùw tɛ̀ ndùw â fə̀ŋ è utsùʼ, ù màʼà ki alezə̀ghàa səa tsughu an tsuʼ ù li vʉ̀.

Kə̀fwàʼ 4:23

A m bùghò ghe zəghàa maʼà tsughu Pità ghèe Dzɔ̌n, ghe n ndùw kòʼ ndùw fən a ghee, dzɛ̀ fùghù ndùw ghəa yia fɔ̀e tə̀ tughu to ghèe ghê tsoʼ tə a mô dzɛ̂ â ghee.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 6:4

ghàʼ, am bà kaʼa, a kuūwn doʼò təla tsughuu ko alegɔ̀ŋlò, ghàʼ e zoʼn nduw sugho ghî ghò an shwaʼ u te wo.”

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

1 Kòlentìan 10:21

Ghù yò dzə̂ alemʉ̄a aŋ wùa è Mughuù te, ghù è mʉa sugho aŋ wʉ̀a è zə̀a m bǐigh mò. Ghù yò dzə̂ alezə̄a dzəəŋ ghɛ̀ à Mughu ù te zəa dzəəŋ sugho ghɛ̀ ghê zə̀a m bǐigh mò.

1 Kòlentìan 11:2

M̀ fughûu kɛɛ wɛʼɛ bòʼ ghɛ̀ moʼn nù mugho alo aghəa a dzəm, ghɛ̀ yia naāŋ sughò ghəa ghəla mùgho mò zoʼn naŋa tsughu â ghɛ̀.

1 Kòlentìan 14:6

Êzəŋ a waazə̂ ghò, abugho M̀ bughò kaʼ wô kə̂a ghɛ̀ â ghəa gho an shwaʼ ù li wo mo ghɛ̀ zuuw yo, e sô yòsò nù ghɛ aŋ ghəa è li zo a, mò à gɔ̀ʼɔ̀ ko yo abugho M̀ bugho â ghəa è li zo alebùghò dzɛ̂ â ghɛ̀, ŋkāa Ǹ dêe fughu wô ghɛ â ghəa zəla Zə̀ kə̀ ləgha enyəa ghɛ̀ kele, ŋkāa Ǹ dzɛ̂ wô ghɛ â shʉ̀ghà u Kəzə̀ wò, ŋkāa M̀ mô fùghuu wò ghɛ̀ â tsʉ̀ zò.

Gàlashìan 1:6

Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Efɛsùs 2:20

Ghɛ̀ ti sugho am bə̀ghàan kəla tum tə Kə kəze tə mò bəgha naŋa kɔ̀ʼ ghèe ghê ghiīshʉ̀ghà gho, mò à lo Kə̀lestò Yɛso ghuūghùe u wə̄n tia zə ebūw zo.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Fèlepìan 1:5

bòʼ yosò zɛʼɛ zəla ghɛ̀ mò fughu â mùghò alenàʼà làbəlà è Yɛso zən, alenìi nughù wô an tsuʼ fə sûesʉ fəla ghɛ̀ fə̀ boō fughu a te tsughu, bùghò tɛ̀ wò êzəŋ.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 4:2

E kwo ko ghɛ̀ lô so e bughuu dòʼnlò alegɔɔ̄ŋ zee. Ghɛ̀ è tɔʼɔ̄ tiso kɔʼɔ tuw wɛʼɛ wo abugho ghɛ̀ gɔ̂ŋlo, fughuu ndùw sùghò kə̀zɔ̀ŋlò â Zə̀ kò.

2 Timotì 3:14

Yìa a bughò ghû, tee tən tsughu am fəgha kəla ghù lǒ mò ghù n zoʼnlo, boo tə̀n è tsughu, tɔŋlo enyəa ghù kwò nû ghùw wəla ù mò zoʼn ghû a te,

Hibùlù 10:25

E kwo ko sɛ̀ lǒ zəghàan maʼn mwam zəla sɛ̀ ki enyəa a e bugho təmadzəŋlo, aŋghəa ghî à li a ghəŋlo, sɛ̀ è toon nduw ghue zo aŋghəa Tsuʼ fəla Mughu ù te lo bughoo a te tsoo fəghaan suū wô sugho.

Hibùlù 10:39

Sɛ̀ kuuwn yo dzə̂ aŋ kɔ̀n kə ghì ghəla ghe ghɔ̂ɔn wo ebàm, Zə̀ kə n dzùw màʼa ghee. Sɛ̀ lo ghî ghəla ghe gaʼ fə̂ŋ tò a zəŋò Zə̀ kò, mo kə lo bəghasəa nǔ sɛ̀.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

1 Dzɔ̌n 2:19

Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

Dzûd 1:20

Waazə̂ ghaŋa ghəla Ŋ̀ ŋgeē ləghaa, ghɛ̀ è kuuwn dəma təla tsughu ko alenoo am boo zɛʼɛ zəla e lô fəgha kə̀ baa ko â ghɛ̀. Ghɛ̀ è gɔŋlo an daʼa kəla Zuʼ tə̀ Zɔlɔ tə fughu â ghɛ̀.