Kə̀fwàʼ 2:4 - To kə Kəzə̀ kə̀ Fughu ko

⁴ Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 2:4 Iomraidhean Croise

Matìo 10:19

Abugho ghe kwu fughu nyə ndûw ghɛ, e kwo ghɛ̀ lô ndôʼò fəmsō ghue zo enyəa ghɛ̀ lô ghəa a kə̂aa ndùw ênzə̂n ŋkāa ghɛ̀ lô yia dzâa ndùw èndugho a; tɔŋlo enyəa Tsele ù sɛ̀ wəla ù lò alo kəwālā lo dzə̀là wò ushwaʼ an dzughu ghɛʼɛ̄ an nə̀gha e te zo.

Mâk 16:17

À kè tsə̌a tən dèe kô ghî ghəla ghe boō fughu tsughu: ghe ke e dzuū sə̄a zʉ̀ ù biigh wo an zən zaŋā; ghe ke kəā ghəa gho an sàʼà tə̀ fughu to.

Lûk 1:15

tɔŋlo enyəa ù kè lò tsəgha ghùw ù sə̀ŋò a tsəlà Zə̀ kò. Ù kè ki yo alemʉa koʼò tsəghà nlʉ̀ n li mò, n tughu mò ŋkaā m bùghuu mò. Zə̂ lô wə̄n dzəa sə̄a tsughuu təla wò ko â Zuʼ tə̀ Zɔlɔ to a zəŋò wə̄n.

Lûk 1:41

A m bùghò Èlesabì zuw ndûw tɔŋlo e Mèle zə̀, wɛ n nùghù sòʼn kɔ̀ʼ ughue an nʉ̀ghà ù wə̄n, Zuʼ tə̀ Zɔlɔ tə n nyəən tsughu Èlesabì a zəŋo ughùe.

Lûk 1:67

Zuʼ tə̀ Zɔlɔ tə n nyəən tsughu tselè Dzɔ̌n, tɔɔŋ Sàkàlîa; ù n tɛ̀tsə̀n ko mò ù sò kə̀aa enyəa,

Lûk 12:12

Nu Zuʼ Zɔlɔ tə sô mòʼò dèe nù ghû â shwaʼ ù səŋò wò an nə̀gha zə̀ èzə̀.

Lûk 21:15

nu Ǹ lo fughuu nù ghɛ â tɔ zo, à nom kə̀là ghùw ù kə̀tuw wɛʼɛ u mɔ̀ʼ kè dɔ̂ɔm yô alekōmsō ghɛ̀.

Lûk 4:1

Yɛso mo e nughùun wò èbàm a fughu an Dzodàn mo Zuʼ tə̀ Zɔlɔ tə ŋ wə̄n am fə̂ŋ nyəən tsughu, tə n tsom kɔʼ wə̄n, ù n nùghù sòʼ ndùw aŋ ŋgwən.

Dzɔ̌n 14:26

Ghùw wəla ù lo dêe ghɛ â dzì, wəla ù lo yôsò ghɛ tɔɔŋ Zuʼ tə̀ Zɔlɔ təla Bəghà lo tuū wo â ghɛ̀ an zən zaŋā lo zoʼn ghɛ̀ â ghəa gho a dzə̀m, zə̀əŋ wò sùghò ghɛ̀ aŋ ghəa ghən à dzə̀m mùgho mò dzɛ̂ naŋā â ghɛ̀.

Dzɔ̌n 20:22

A m bùghò Yɛso dzɛ̀ tsughu êzə̀, ù n zwìi ndùw a zəŋò ghee, dzɛ̀ â ghee enyəa, “Nì nlo Zuʼ tə Zɔlɔ to.

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 10:46

nu ghe mò zuuw nduw ghe kə̂aa ghəa gho an sàʼà tə tənàʼà tə̀ nughù tò, ghe kɔʼso Zə̀ kò. Pità n daŋso dzɛ̀ sə̀ wò enyəa,

Kə̀fwàʼ 10:47

“Ghùw ù lì lò nû alekòom kwuū naŋâ mùghù ŋ Kə̀zə̀ ŋ ghì ghən mo ghe n Zuʼ tə̀ Zɔlɔ tə kele sùghò tò sɛ̀ mò kele a?”

Kə̀fwàʼ 11:15

A m bùghò Ǹ daŋso kaʼ tsughu ghəa à kəaa gho, Zuʼ tə̀ Zɔlɔ tə n tsùghù bùghò nyə̌ən tsughu a zəŋò ghee, to aŋghəa tə fə̀ nyəə̄n sughò ghaʼ a te, sûesʉ.

Kə̀fwàʼ 11:24

tɔŋlo enyəa ù fə̀ lo ghùw ù dzùŋ mò à wən ki tən ko Zuʼ tə̀ Zɔlɔ, tughuu sùghò am fə̂ŋ zəla ù gaʼ tsughu aŋ Kə̀lestò. Ghe m fəghaan nì kpèʼe wò ndə̀mà tə aghì a vʉ̀a Mughu ù te.

Kə̀fwàʼ 13:52

Tsə̀təndə̄ghā tə n duʼnlo, Zuʼ tə̀ Zɔlɔ tə n lo ghèe ghee.

Kə̀fwàʼ 13:9

Zuʼ tə̀ Zɔlɔ tə ŋ ghəəŋ tsughu Sôol wəla ghe tɔɔ̄ŋ sughò enyəa à lò Pôl ù n tughùsò lɛ̌ɛn tɔɔn nyəa ndùw ko ghùw ù fə̌ən vʉ tsəghatsəgha alo asə,

Kə̀fwàʼ 15:8

Zə̀ kəla kə kwo fə̀ŋ è ghùw, kə n dè wò e m boo, fùghù ndùw sùghò ghee â Zuʼ tə̀ Zɔlɔ to, aŋ ghəa ù fə̀ bɔɔ̄m fughu sugho â sɛ̀;

Kə̀fwàʼ 19:6

A m bùghò Pôl daŋso gaʼ tsughu ghu a wə̄n gho an tuw u ghee, Zuʼ tə̀ Zɔlɔ tə n daŋso nyə tsughu a zəŋò ghee; ghe ŋ kàʼ ndùw alesāʼ saʼà tə nàʼà tə̀ nughù tò, kə̀aa ndùw shwaʼ u Kəzə̀.

Kə̀fwàʼ 2:11

mò ghî à li yia a lô Dzûu àsùghò Tòʼò zò mo ghəəŋ ndùw ghəa a zə̀ kə Dzùdîa, ghàʼ à li yia a sə wo an Kə̀lêt àsùghò ghì Alàb ghò — ghe yia ghe kə̂aa ghəa gho, ghàʼ a dzə̀m yia a zuuw nduw ghee ghe kə̂aa wô ghəa gho an sàʼà tə tənàʼà taʼa aŋghəa ghe dzâa kɔ tə aghəa tə̀ səŋò təla Zə̀ kə̀ lo mo kə m fwàʼ.”

Kə̀fwàʼ 2:3

Saʼà tə li tə m gbə̀n sə kɔʼ fughu am bvʉ e ghee tò saʼà tə uwə̀n, sə̀ sɛ̀ɛ è tsughu, nyàʼa dòʼò kǎaŋ ndùw an tuw u ghee yì à dzə̀m.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 4:8

Zuʼ tə̀ Zɔlɔ tə n nyəən tsughu a zəŋò Pità, ù n dzɛ̀ â ghee enyəa, “Dwə̀ŋ wə enaʼ wo, àsùghò ghìnoo gho,

Kə̀fwàʼ 6:3

Waazə̂ ghaŋa gho, ghɛ̀ tsɔʼ sə wò nlò ghî ghǒ sə̀ghàmbəgha am bvʉa zɛʼɛ, ghî ghəla ghɛ̀ kwo enyəa ghe tɔ̂ʼ tì nû, tɔ̀ʼɔ̀ tɔ̌ɔ sùghò, ki sugho Zuʼ tə Kəzə̀, a lô alenaŋā tsughu ghee am fwàʼ kən,

Kə̀fwàʼ 6:5

Fə̂ŋ tə ghee yìa à dzə̀m tə̀ n zɔ̀n ndùw ènyə am fəgha kəla ghe dzɛ̂ tsughu; ghe n tsɔʼ kɔʼ Sìtəfɛ̀, ghùw mò ù bǒo fùghù bùʼ nù, ki sugho Zuʼ tə̀ Zɔlɔ to, ghèe Felêp, àsùghò Pə̀lokolùs, àsùghò Nìkanò, àsùghò Timòn, àsùghò Palmɛ̄nàs àsùghò Nikɔ̀lɔ̂s tɔɔŋ ghùw ù Antìok ù fə̀n doʼò wô Dzûu.

Kə̀fwàʼ 6:8

Sìtofɛ̀ mò lo ghùw mò ù kì bughuso e Kəzə̀ a zəŋò wə̄n ndə̀m, ki kədaʼa kə ŋ ghəŋlo è tsughu ù n dè sə̀so tsughu nsəghàa ènyə â ghì yì.

Kə̀fwàʼ 7:55

Aŋghəa à fə̀ lo mo Zuʼ tə̀ Zɔlɔ tə ŋ wēn nyənlo, ù n lɛ̄ɛn kɔ̀ʼ ndùw kəwālā, kòʼ ndùw səghanyəgha ŋ Kə̀zə̀, mo Yɛso vʉ̀a ù ti aŋ kwe u Kəzə̀ ù təma wo.

Kə̀fwàʼ 8:17

Pità ghèe Dzɔ̌n n ndùw gàʼn ndùw àghu an tuw u ghee, Zuʼ tə̀ Zɔlɔ tə n nyəa tsughuu ghee a zəŋo e eghùe.

Kə̀fwàʼ 9:17

Ànànîas fi nughù tsùghù nû ndùw nyə tsughu fughu an ndughu. Ù ŋ gàʼ ndùw ghu a wə̄n a zəŋò Sôol, dzɛ̀ tsùghù enyəa, “Sôol ŋ wàazə̀, Mughubè Yɛso, wəla ù mò gbə̂n sə kɔʼ an sə kə̂a an dziī aŋ ghəa ghù mò bughòo fɛ, ù mùghò fɛ tùm wò enyəa to ghù mo koōm kāʼ nduw luʼu tə̀ koʼo to, ghù kele tsughu sugho Zuʼ tə̀ Zɔlɔ to.”

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

1 Kòlentìan 12:10

â ghùw ù li, Zuʼ tə̀ Zɔlɔ tə te tə m fughu wə̄n â fughu kə deē kə nsə̀ghàa kò; â ghùw ù lì, Zuʼ tə̀ Zɔlɔ tə m fughu tsughu wə̄n â fughu kə̀ dzaā kə ushʉ̀ghà u kə Kəzə̀ wò; â ghùw ù lì, Zuʼ tə̀ Zɔlɔ tə te tə ŋ ghəəŋ tsughu wə̄n alekwo enyəa fən lǒ zə̀a fə̀ dzûŋ fò ŋkāa à lǒ fə̀ biigh fo; â ghùw ù lì, Zuʼ tə te tə ŋ ghəəŋ tsughu wə̄n enyəa ù è kəaa ghəa gho an ndə̀m è sàʼà tə tənàʼà; â ghùw ù lì Zuʼ tə te tə ŋ ghəəŋ tsughu ù e zuuw dzaā wo ghəa gho an ndə̀m è sàʼà tə tənàʼà.

1 Kòlentìan 13:1

Abugho Ǹ saʼ kaāŋ wô saʼà tə tənàʼà tò, bùghò sàʼ ndùw sùghò shwaʼ u tsətəndə̄ghā tə Kəzə̀, mò Ŋ̀ kuuwn ki yo ləgha zo a zəŋò ghì ghò, M̀ fi tsôo bùʼn sùghò mbɔ̀ŋ to mbəŋlo ŋkāa ŋgòm lò kuū.

1 Kòlentìan 13:8

Ləgha e kê mìaa kòʼ tsəghà yò, yia abugho shʉ̀gha ù dzaā wo, u kê bùghò tsə̀ghàa mìan nù. Alesaʼa kaaŋ saʼà tə ndə̀mà tə tənàʼà tò, ghəa a te a kê tsə̀ghàa mìaa nù, etɔ, e kê bùghò tsə̀ghàa mìaa sùghò nu.

1 Kòlentìan 14:18

M̀ fughûu kə̀zɔ̀ŋlò â Zə̀ kò enyəa Ŋ̀ kə̂aa nù ghəa gho an shwaʼ ù li wəla ghî à zuūwkɛlɛ yo tsə̀ghàsə̀ a dzəm.

1 Kòlentìan 14:5

Ǹ ləghaa enyəa ghɛ̀ a dzəm è bəən saʼa shwaʼ ù li wə̄n, yìa Ŋ̀ kuuwn ŋgeē ləghaa enyəa ghɛ̀ è biso dzaā tsughuu shʉghà u Kəzə̀ wò. Ghùw wəlà ù dzàa shʉghà u Kəzə̀ wò tsəghàsə ghùw wəlà ù bə̀ən kə̂aa ghəa gho shwàʼ ù li wo, à gɔ̀ʼɔ̀ mò ghùw fəghaan teso dzɛ̀ wò nù ghəa a te gho â ghì gho, tò ghəa a te a lo aleghəŋlo dzeŋe kə ghì a Kəzə̀ kə̀ məla tsughu am fə̀ŋ zəla ghe gaʼ tsughu a zəŋò Zə̀ kò.

Efɛsùs 3:19

Ŋ̀ gɔ̂ŋlò enyəa to ghɛ̀ mo mɔm zuw ləgha e Kə̀lestò zəla ghùw yò aleteso mɛʼɛ̀, tò mwam u Kəzə wəla a zəŋò ghɛ̀.

Efɛsùs 5:18

Ka nlò è mʉa kala sugho lʉ̀ mò, tɔŋlo enyəa lʉ̀ ŋ ghəəŋ nù ghùw ŋ ghə̂əŋ ghəa à kwu gho. E zəghaan tsughu nlò Zuʼ tə̀ Zɔlɔ to tə n dêe ndùw ghɛ̀ â dzì.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

1 Pità 1:12

Zə̀ kə̀ mafə dê zìi wò â ghiīshʉ̀ghà a wə̄n ghən gho enyəa ghe ki yo namso kə̀ li ko am fwàʼ kə ghee, enyəa à namso kə laam ki ghɛ. E lo sugho tò aŋghəa ghiīshʉ̀ghà a Kəzə̀ ghən fə̀ dzɛ̂ naŋā wô ghəa ghə̀la ghɛ̀ zuūw êzə̄ŋ aŋ ghùu ghì ghəla ghe naʼn wo làbəlà è dzùŋ zən â ghɛ̀ an daʼa kə Zuʼ tə̀ Zɔlɔ təla Zə̀ kə̀ tum tsughu wô alo kəwālā; mò à lò aghəa tsə̀təndə̄ghā tə Kəzə̀ tə̀ dəma alebùghò zuūwkɛlɛ tsughu.

2 Pità 1:21

Nu shwaʼ u shʉ̀ghà ù li u ka fə̂ bughò kôʼ dzə̀ mò à tsə̀m kɔʼ ghùw; ghî a fə̀ shwaʼ u Kəzə̀ ù naʼn wo mò à ghee tsoom kɔʼɔ̂ Zuʼ tə̀ Zɔlɔ to.