Kə̀fwàʼ 2:32 - To kə Kəzə̀ kə̀ Fughu ko

³² Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Kə̀fwàʼ 2:32 Iomraidhean Croise

Dzɔ̌n 15:27

Ghue e ughùe zɛʼɛ̄ e lo e teso dzaā sugho fəgha kəla Ǹ lo ghè kò, bòʼ enyəa sɛ̌ fə̀ ghəa a te gho dzeŋe ziī tsughu a dzə̀m.”

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 13:30

Zə̀ kə̀ ŋ kòom nì nùghù kɔ̌ʼ wə̄n alo evʉ̄,

Kə̀fwàʼ 13:33

enyə: fəgha kə̀là Zə̀ kə fə̀ to naŋā enyəa e lo ghəŋlo â ghê tselè sɛ̀, ù mo êzəŋ ghəŋlo â sɛ̀ ghəlà sɛ̀ lô wɛ a ghee gho, ghəa ù nì naŋā wô Yɛso â tuw ko. Aŋ ghəa ghe tɔm naŋā an ndzàŋ è kə̀bə̀ghà am mwàʼsò kə n ndzàŋ enyəa, ‘Ghù lǒ wɛ waŋā; tsuʼ u nɛ wə̄n mùghò n dòʼo Tsùghò.’

Kə̀fwàʼ 17:31

Ù fə̀ lâŋ kən fughu tsughu bòʼ Ù n naŋa tsuʼ fo ù kè saʼā mbī e dzə̀m a te mò à sàʼa ghùw wəla ù tsɔʼ kɔʼ enyəa ù bùghò saʼ mbī an sàʼ è zɔ̀lɔ. Ù ŋ ghəa e te e dê fùghù â ghì ghə̀n à dzə̀m, ghəa ù nì nughù kɔʼ wən alo evʉ̄!”

Kə̀fwàʼ 2:24

Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Kə̀fwàʼ 4:10

ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.

Kə̀fwàʼ 4:33

Ghəa tum tə te tə kele tsughu daʼa kən, ghe n tɔʼɔ̀ kə̀aa nyə̌a tsughûu ghəa a Mughubè Yɛso à zoōm gho alo evʉ à sə̀ŋ zò a te, Zə̀ kə̀ m bughuso ghee a dzə̀m.

Kə̀fwàʼ 5:30

Zə̀ kə ghê tselè a sɛ̀ kə̀ mò nî nughu kɔʼ Yɛso alo evʉ̄, mò ghɛ̀ ŋ wən wi mò ghɛ̌ wən təghàa kɔ̀ʼ alo kədàŋlo.

1 Kòlentìan 15:15

Abugho e lo êzè, à fi lo enyəa ghàʼ kaʼnlo àgha aŋ ghəa ghəla ghàʼ naʼn wô fɛ kùu ndùw Kə̀zə̀, bòʼ enyəa ghàʼ teso dzàa wò enyəa Zə̀ kə mò zom nughuu kɔʼ Kə̀lestò alo evʉ̄, mo kə ka fə ghəəŋ dzə̀ êzə̀, abugho e lô dzə êsəŋò enyəa ghe zôo nùghù kɔ̀ʼɔ ghî gho alo evʉ̄.

1 Kòlentìan 6:14

Zə̀ kə̀ mafə Mughu ù te alo evʉ̄ zôm nùghù wò an daʼa kə wə̄n, ù lo zòo nùghùun wò sùghò nǔ sɛ̀.

2 Kòlentìan 4:14

Ghàʼ kwo enyəa Zə̀ kəla kə fə̀ nî nughù kɔʼ Mughùbè Yɛso alo evʉ̄ lo nìi nùghùun dzə̌əŋ kɔʼɔ ghàʼ à ghee, ù nìi wô sɛ̀ a dzə̀m an sə kə wə̄n.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Efɛsùs 1:20

kəla ù fə̀ dê tsughu aŋghəa ù fə̀ zôm nughù kɔʼ Kə̀lestò alo evʉ̄, nì dòʼsò nàŋa tsughu wə̄n an kwe u wə̄n ù təma wo alo kəwālā.

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.