Kə̀fwàʼ 2:30 - To kə Kəzə̀ kə̀ Fughu ko

³⁰ Ǹ so Ǹ dzâa tsughu enyəa ghəa Dɛvìd wən màʼa fə̀ lo mò ù lò ghûwshʉ̀ghà ù Kə̀zə̀, vʉ̀a ù mò kwo sughò enyəa Zə̀ kə̀ mafə to naŋa enyəa kə lo tsuʼu naaŋ ù Dɛvìd an ndàŋ è kədə̀ŋ tò aŋghəa Dɛvìd fə̀ lô sugho də̀ŋ kò,

Kə̀fwàʼ 2:30 Iomraidhean Croise

Matìo 22:43

Yɛso m bvʉ â ghee enyəa, “À sò lǒ kwò Zuʼ tə Kəzə̀ tə fə̀ ghəə̄ŋ tsughu enyəa Dɛvìd è tɔɔŋ wə̄n enyəa ù lò Mughu ù te a?

Matìo 27:35

A m bùghò ghe təghàa naŋā kɔʼ wə̄n, ghe n nì dzùghùu tsùghu ndzʉ tə wə̄n aŋ ghùe e ghee mo ghe təm tsughu bòʼ.

Mâk 12:36

Zûʼ tə̀ zɔlɔ tə mò mɔ̀m tsùghù ghuūghùe u Dɛvìd, ù n dzɛ̀ sə̀ wò enyəa, ‘Mughubè ù te fə dzɛ â Mughubè waŋā enyəa; Dòʼo tsughu aŋ kwe waŋā ù təma wo, tò Ǹ nîi naŋā wô dzə̂ ghîikətuw ghə̂a a tsəla e fwēe zəghà.’

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Kə̀fwàʼ 1:16

“Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Lumà 1:3

Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 15:12

Ghùwshʉ̀ghà u Kəzə̀ Èzayà vʉ̀a ù dzɛ̀ sugho enyəa, “Ghùw kè sə̌a wò an tigh kə Dzɛsɛ̀, ghùw ù te kê lò tsəgha wəla ù kè bughò saʼa tsəgha tuw kə Etoʼò zò, Toʼò zə̀ e ke chiī tùʼ e ghee a zəŋò wə̄n.”

2 Timotì 2:8

E moʼn tsughu Yɛso Kə̀lestò wəla ghe fə̀ zôm nughù kɔʼ alo evʉ, mò ù sə̀ an tigh kə Dɛvìd, zən lǒ làbəlà è dzùŋ zəla Ǹ zughò naʼn wo.

Hibùlù 1:1

 wǐiwì, Zə̀ kə fə̀ kəaa wo aghəa an ndə̀mà tə̀nə̀gha àsùghò an ndə̀mà tə tədzǐi â ghê tsele a sɛ̀ ghò, mò à fə̀ zuuw dzaā wo ghǐishʉ̀ghà.

Hibùlù 3:7

Zuʼ tə Zɔlɔ tə dzɛ̂ tsughu enyəa, “Tsuʼu nɛ wən, abugho ghɛ̀ zuw tsughu dzə̀ è Kə̀zə̀,

Hibùlù 4:7

Zə kə ŋ kòom naŋa kpeʼe tsughu tsùʼ fə̀ li fo, ù n tɔŋɔ tsughu tsuʼ fə te fo enyəa, “Nɛ.” Ù ŋ ghəəŋ tsughu enyəa Dɛvìd bùghò kə̀aa wô ghəa a te gho mo gha kə n sə aŋghəa ghe fə̀ dzɛ̂ naŋa enyəa, “An tsuʼu u nɛ wən, abugho ghɛ zuw tsughu dzə̀ e wə̄n, e kwo ko ghɛ lô so e tughuso nâaŋ fə̀ŋ tɛʼɛ.”

Hibùlù 6:17

A m bùghò Zə̀ kə̀ ləghaa aletɔ̀ʼɔ̀ dêe tsughu â ghì ghəla ghe lo kele fʉgha wəla kə fə to naŋa â ghee enyəa e kuuwn tsə̀ghà yo fə̀ŋ e wə̄n, kə̀ ŋ kɛ̀ tsughu an zən e wə̄n enyəa kə lo ghəəŋ nù êzə̀.

Hibùlù 7:21

Yɛso ŋ kuuwn bùghò dòʼò tsùghu fɔ̀e mò Zə̀ kə̀ zə kɔʼ ŋkâa, kə to naŋa tsughu â wə̄n enyəa, “Tsə̂ntə̀mbî ŋ kɛ̀ e tsughu, mò ù kè kǔuwn kòʼ yo fə̀ŋ e wə̄n enyəa, ‘Ghù lǒ fɔ̀e zəla è dòʼo tən.’ ”

2 Pità 1:21

Nu shwaʼ u shʉ̀ghà ù li u ka fə̂ bughò kôʼ dzə̀ mò à tsə̀m kɔʼ ghùw; ghî a fə̀ shwaʼ u Kəzə̀ ù naʼn wo mò à ghee tsoom kɔʼɔ̂ Zuʼ tə̀ Zɔlɔ to.

Edêe Fughu 17:14

Ghe lo sòʼò nduw Tsʉa u Ndzì u te wo an tsam, Tsʉa u Ndzì u te u kê təma kɔʼ ghee, nu ù lò Mughu ù ghê mughùbè, lò sugho Də̀ŋ kə udwə̀ŋ. Ghî ghəla ghe lo ghèe ghee lo ghî ghəla ghe gaʼ tsughu fə̀ŋ a zəŋò wə̄n, ghe mò tɔŋɔ̄ tsughu, shìaa è kɔʼ.”

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”