Kə̀fwàʼ 2:3 - To kə Kəzə̀ kə̀ Fughu ko

³ Saʼà tə li tə m gbə̀n sə kɔʼ fughu am bvʉ e ghee tò saʼà tə uwə̀n, sə̀ sɛ̀ɛ è tsughu, nyàʼa dòʼò kǎaŋ ndùw an tuw u ghee yì à dzə̀m.

Kə̀fwàʼ 2:3 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:15

Yɛso m fwə̀n bɛ̀lɛ̀ ndùw wən enyəa, “Na to e doʼo tsughuu ko êzə̀; tɔŋlo enyəa e lo tsəghatsəgha an sə kə Kə̀zə̀.” Dzɔ̌n fi boo kɔʼ nû.

Lûk 24:32

Ghe mo aŋ ghue e ghee enyəa, “Nyuūm kə mô mgbàŋa kɔʼɔ yo sɛ̀ aŋghəa ù mò bwîi kə̂aa wô shwaʼ u Kəzə̀ wò sɛ̀ à ghee an dziī a?”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 2:11

mò ghî à li yia a lô Dzûu àsùghò Tòʼò zò mo ghəəŋ ndùw ghəa a zə̀ kə Dzùdîa, ghàʼ à li yia a sə wo an Kə̀lêt àsùghò ghì Alàb ghò — ghe yia ghe kə̂aa ghəa gho, ghàʼ a dzə̀m yia a zuuw nduw ghee ghe kə̂aa wô ghəa gho an sàʼà tə tənàʼà taʼa aŋghəa ghe dzâa kɔ tə aghəa tə̀ səŋò təla Zə̀ kə̀ lo mo kə m fwàʼ.”

Kə̀fwàʼ 2:2

Ghe mo e zuw dəm kə̀ li kə nughù kwûu sə tsughu wô alo kəwālā to zəŋ lô tsəghāa, kə n nyə̀ ŋgwùu tsùghu ndughu zəa ghe mò doʼ a te e dzə̀m.

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

1 Kòlentìan 12:10

â ghùw ù li, Zuʼ tə̀ Zɔlɔ tə te tə m fughu wə̄n â fughu kə deē kə nsə̀ghàa kò; â ghùw ù lì, Zuʼ tə̀ Zɔlɔ tə m fughu tsughu wə̄n â fughu kə̀ dzaā kə ushʉ̀ghà u kə Kəzə̀ wò; â ghùw ù lì, Zuʼ tə̀ Zɔlɔ tə te tə ŋ ghəəŋ tsughu wə̄n alekwo enyəa fən lǒ zə̀a fə̀ dzûŋ fò ŋkāa à lǒ fə̀ biigh fo; â ghùw ù lì, Zuʼ tə te tə ŋ ghəəŋ tsughu wə̄n enyəa ù è kəaa ghəa gho an ndə̀m è sàʼà tə tənàʼà; â ghùw ù lì Zuʼ tə te tə ŋ ghəəŋ tsughu ù e zuuw dzaā wo ghəa gho an ndə̀m è sàʼà tə tənàʼà.

Dzɛ̂ms 3:6

Nom kə lo sugho tò kê kə uwə̀n. Nom kə lo mbī è ghə̀a à biigh gho, kə lo aŋ gwə̀n e ughùe e ghûw. Kə dzûuw màʼn tsùghû ghue u ghûw u dzə̀m, kə dâa màʼn kɔ̀ʼɔ̂ mùghù e ghûw e dzə̀m. Nom kə te kə bûʼ lò sugho aŋ uwə̀n, uwən mò à lò wən u kpǎaghùw.

Edêe Fughu 11:3

Ǹ lo daŋso fughuu tsughu ghê bvʉ̂nɔ̀ʼ ghaŋa ghən à bə̀ghà â daʼa ko aledzɛ̀ ùshʉ̀ghà alo ntsuʼu kam à bɔm tə nstuʼu to tə bə̀ghà à ghè mò ŋghəm tǔu mo ghe dzəlà kèlê ndzʉ tə evʉ̄.”

Edêe Fughu 14:6

Mùghò n daŋso nùghù kòʼ kpèʼe ndùw tsə̀ndə̄ghā è lì è zəghāa kaŋlo edzuŋ, mò ù kǐ làbəlà e dzùŋ zəla è dòʼò tən alenàʼà â ghì ghən a dzə̀m ghe mughu aŋ ghueekətsə̄, â nàʼà mə̀n n dzə̀m, â ndùm tə̀n tə̀ dzə̀m, â tùu tə̀n tə̀ dzə̀m, àsùghò â ghì a sàʼà tə tənàʼà tən tə dzə̀m.