Bìoball air-loidhne

Kə̀fwàʼ 2:24 - To kə Kəzə̀ kə̀ Fughu ko

²⁴ Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Faic an caibideil Dèan lethbhreac

dol air ais ⬆

Kə̀fwàʼ 2:24
45 Iomraidhean Croise

Matìo 27:63

dzɛ̀ â wən enyəa, “Mughubè, a naam mòʼn nù ghùe wə̀ àgha u vʉ mò kəā, ghə ù mò naām lô â tuw ko enyəa, ‘Abugho tsuʼu n lo tsəghà tsughu n tə̄ghā, Ǹ lo nughù wô èbàm.’

Faic an caibideil

Dzɔ̌n 10:18

Ghùw yò tò ù è wiī maʼà mùghò. À kǔuwn ləgha tsughu mugho alefughuu ndûw ghue waŋa; nu Ŋ̀ ki kədaʼa alefughu, tò aŋghəa M̀ bɔɔ̄m ki sughô daʼa ko alenì ebàm. À daʼa kən â mùghò fughu Tsele waŋā.”

Faic an caibideil

Dzɔ̌n 10:35

Abugho Kə lo aletɔŋɔ̄ ghì ghəla kə fə̀ fughu wô shwaʼ u wə̄n wo â ghee enyəa à lò uzʉ̀ (a yo alesàʼà kuūwn kôʼ shwaʼ u Kəzə̀),

Faic an caibideil

Dzɔ̌n 12:39

Zə lo e ghee ghe fə̀ yo alebôo shwaʼ u te wo, tɔŋlo enyəa ghùwshʉ̀ghà Èzayà ma fə dzɛ̀ naŋa kpeʼe wò sùghò enyəa,

Faic an caibideil

Dzɔ̌n 20:9

nu ghe fə̀ lo mo ghe kaām tɔ̂ʼ kèle shwaʼ u Kəzə̀ wəla u dzɛ enyəa Yɛso ki alekpuuw kɔʼɔ̄sə̄ alo evʉ̄.

Faic an caibideil

Kə̀fwàʼ 1:16

“Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Faic an caibideil

Kə̀fwàʼ 13:30

Zə̀ kə̀ ŋ kòom nì nùghù kɔ̌ʼ wə̄n alo evʉ̄,

Faic an caibideil

Kə̀fwàʼ 13:37

Zən ka fə kuuwn sə̀ dzə̀ â zəŋò ghùw wəla Zə̀ kə̀ mò nî nughù kɔʼ alo evʉ̄.

Faic an caibideil

Kə̀fwàʼ 17:31

Ù fə̀ lâŋ kən fughu tsughu bòʼ Ù n naŋa tsuʼ fo ù kè saʼā mbī e dzə̀m a te mò à sàʼa ghùw wəla ù tsɔʼ kɔʼ enyəa ù bùghò saʼ mbī an sàʼ è zɔ̀lɔ. Ù ŋ ghəa e te e dê fùghù â ghì ghə̀n à dzə̀m, ghəa ù nì nughù kɔʼ wən alo evʉ̄!”

Faic an caibideil

Kə̀fwàʼ 2:32

Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Faic an caibideil

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Faic an caibideil

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Faic an caibideil

Kə̀fwàʼ 4:10

ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.

Faic an caibideil

Kə̀fwàʼ 5:30

Zə̀ kə ghê tselè a sɛ̀ kə̀ mò nî nughu kɔʼ Yɛso alo evʉ̄, mò ghɛ̀ ŋ wən wi mò ghɛ̌ wən təghàa kɔ̀ʼ alo kədàŋlo.

Faic an caibideil

Lumà 10:9

Abugho ghù dzɛ̀ sə wo an dzughu e tughō zo enyəa Yɛso lò Mughu ù te, boo tsùghù sùghò am fə̂ŋ zə̀ghà enyəa Zə̀ kə̀ mafə wə̄n alo evʉ̄ zôm nùghù kɔʼ, ghù lo zəa nù tuw ko.

Faic an caibideil

Lumà 14:9

Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

Faic an caibideil

Lumà 4:24

Shwaʼ u te u lo sugho â sɛ̀. Zə̀ kə̀ lô sɛ̀ nîi sùgho aŋ ghì a tsəghatsəgha gho êzə̀ bòʼ sɛ̀ gaʼ fə̀ŋ a zəŋò wə̄n wəla ù fə̀ zôm nughù kɔʼ Mughùbè ù sɛ̀ Yɛso alo evʉ̄.

Faic an caibideil

Lumà 6:4

Mùghù ŋ Kə̀zə̀ məla ghe fə̀ fughu â sɛ̀ fə̌ fi lo ko to ghe tsəla dzəəŋ ndùw sɛ̀ à ghê Kə̀lestò to ghî a kpuuwn gho, enyəa to sɛ̀ mô mùghù sugho mughù è fughu zo to aŋghəa Tsele ù te fə̀ zôm nughu kɔʼ Yɛso alo evʉ̄ am fɛ̀ɛn kə kədaʼa kə wə̄n.

Faic an caibideil

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

Faic an caibideil

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Faic an caibideil

1 Kòlentìan 15:12

Abugho ghî naʼn kaŋlo aŋghea ghe mô zôm nughù kɔʼ Kə̀lestò a te alo evʉ̄, ghɛ̀ à li a lo ênzə̂n aledzaā enyəa ghî à lo kɔʼɔ səa yo alo evʉ a?

Faic an caibideil

1 Kòlentìan 15:15

Abugho e lo êzè, à fi lo enyəa ghàʼ kaʼnlo àgha aŋ ghəa ghəla ghàʼ naʼn wô fɛ kùu ndùw Kə̀zə̀, bòʼ enyəa ghàʼ teso dzàa wò enyəa Zə̀ kə mò zom nughuu kɔʼ Kə̀lestò alo evʉ̄, mo kə ka fə ghəəŋ dzə̀ êzə̀, abugho e lô dzə êsəŋò enyəa ghe zôo nùghù kɔ̀ʼɔ ghî gho alo evʉ̄.

Faic an caibideil

1 Kòlentìan 15:20

À kǔuwn lò èsəŋò enyəa ghe maā Kə̀lestò alo evʉ̄ zôom nùghù kɔ̀ʼ, aledèe tsughu enyəa ù fə̀ lo ghùw sûesʉ aŋ ghì à kpuuwn gho ghe fə̀ zôm nughù kɔʼ alo evʉ̄.

Faic an caibideil

1 Kòlentìan 15:4

enyəa ghe n tsəla tsughu wə̄n, àsùghò enyəa tsùʼu m mô kpeē tsughu ntəgha, Zə̀ kə̀ n zòm nùghù kɔ̌ʼ wə̄n alo evʉ̄, aŋghəa mwàʼsò kə Kəzə kə dzaā,

Faic an caibideil

1 Kòlentìan 6:14

Zə̀ kə̀ mafə Mughu ù te alo evʉ̄ zôm nùghù wò an daʼa kə wə̄n, ù lo zòo nùghùun wò sùghò nǔ sɛ̀.

Faic an caibideil

2 Kòlentìan 4:14

Ghàʼ kwo enyəa Zə̀ kəla kə fə̀ nî nughù kɔʼ Mughùbè Yɛso alo evʉ̄ lo nìi nùghùun dzə̌əŋ kɔʼɔ ghàʼ à ghee, ù nìi wô sɛ̀ a dzə̀m an sə kə wə̄n.

Faic an caibideil

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Faic an caibideil

Efɛsùs 1:20

kəla ù fə̀ dê tsughu aŋghəa ù fə̀ zôm nughù kɔʼ Kə̀lestò alo evʉ̄, nì dòʼsò nàŋa tsughu wə̄n an kwe u wə̄n ù təma wo alo kəwālā.

Faic an caibideil

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

Faic an caibideil

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

Faic an caibideil

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

Faic an caibideil

Hibùlù 2:14

Aŋghəa wɛ a Kəzə̀ à lo aghî, ghe ki nyom è ughue àsùghò kàŋ to, ghuūghùe u wə̄n wə n doʼo wò sùghò êzə̀; enyəa to ù mò bɔŋɔ kpuuw tsughuu sugho alendùw dzûuw maʼà ghùw wəla ù ki daʼa ko aleghəŋlo enyəa ghî ghə̀ e kpuwnlo, tɔŋlo Avʉatsə̄a.

Faic an caibideil

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

Faic an caibideil

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.

Faic an caibideil

Lean sinn:

Ceanglaichean taic

Sanasan

Sanasan