Kə̀fwàʼ 2:23 - To kə Kəzə̀ kə̀ Fughu ko

²³ Ghe ŋ kwù fùghù wò Yɛso wən â ghɛ̀ an dziī zəla Zə̀ kə fə̀ fôʼ naŋā, ghɛ̌ yia mò nî fughu nduw wə̄n aŋ ghu kə ghì à biigh ko, ghe n nì tə̀ghàa wì è kɔʼ.

Kə̀fwàʼ 2:23 Iomraidhean Croise

Matìo 20:19

Ghe lo daŋso fughuu tsəghà ndûw wə̄n â Tòʼò zò ghe lo sûuwn wə̄n, ghe bu wən alo təkwùu, ghe daŋso nîi təghàa kɔʼ wə̄n, Zə̀ kə̀ lo zôo nughù kɔʼ wə̄n alo evʉ̄ bugho tsuʼu m kê kpe tsughu n təgha.”

Matìo 26:24

Wɛ̀ ù Ghùw fɛ bɔɔm nùghùun ndùw aŋghəa ghe tɔm naŋā an tuw kə wə̄n. Tsû ù ne lo â ghùw wəla ù kuūwn feē fughu Wɛ̀ ù Ghùw! Dzɔ̀ mò so e lo â ghùw ù tè abugho ghe mò tâʼkè dzə wə̄n.”

Matìo 27:35

A m bùghò ghe təghàa naŋā kɔʼ wə̄n, ghe n nì dzùghùu tsùghu ndzʉ tə wə̄n aŋ ghùe e ghee mo ghe təm tsughu bòʼ.

Mâk 15:24

Ghe n daŋso nì tə̀ghàa kɔ̌ʼ wə̄n, nì dzùghùun tsùghu ndzʉ tə wə̄n aŋ ghùe e ghee, mo ghe təm tsughu bòʼ alekəŋo kele kɔʼ bâʼ kə təndzʉ kə̀là chìa ki alekele.

Lûk 22:22

Wɛ ù Ghùw kwə̀la səa ko nù aŋghəa e doʼò boōn dzə êzə̀. Ghùw wəla ù fèe fughu wə̄n kuuwn lò an tsù.”

Lûk 22:37

Ǹ so Ǹ dzâa wô â ghɛ̀ enyəa nəgha zə m kpē â Shwaʼ u Kəzə̀ wəla ghe fə̀ tɔm naŋa alenì kə̀bəla alo kətə̀ŋ kùu wò mùghò, mbuu ghe mò taŋ wə̄n aŋ kɔ̀n kə aghì à biigh gho; tɔŋlo enyəa fəgha kela ghe fə̀ tɔm bòʼ mùghò, kə ki alesə̄.”

Lûk 23:33

Ghəa ghe bughò tɛ̂ tsughu an lùʼù kəla ghe tɔŋlo enyəa, à lò Kaŋ kə kətūw, ghe n tə̀ghàa kɔ̀ʼ Yɛso a fughu ghèe ghê ghì yìa à bə̀ghà ghe fə̀ zaʼ lâŋ kò. U mɔ̀ʼ aŋ kwe u Yɛso ù təma wo, u mɔ̀ʼ aŋ kwe u Wə̄n ù kwû wò.

Lûk 24:20

Àsùghò ghəa tuw u tə fɔ̀e, ghèe ghê ghì ghəla ghe lɛɛn naʼ zo fə̀ nî kɔʼ wə̄n, fùghù sə̀ ndùw enyəa ghe nîi wi, àsùghò ghəa ghe mò nî təghàa kɔʼ wə̄n.

Dzɔ̌n 19:18

Ghe n tə̀ghà kɔ̀ʼ Yɛso fughu èzə̀. Tə̀ghà dzə̌əŋ kɔʼ ghî à tsɔŋɔ à li gho am bùghù tə wə̄n a bə̀ghà [u mɔ̀ʼ aŋ kwe ù təma wo, ù lì aŋ kwe ù kwûu wò].

Dzɔ̌n 19:24

Ghe mo aŋ ghùe e ghee enyəa, a ka banlò, a kuuwn təma tsughu bòʼ alekòʼ ghùw wəla ù sò kele. Zən fə̀ lo aleluesō tsughu shwaʼ u Kəzə̀ wəla ghîisùghà a fə̀ tɔm naŋā enyəa, “Ghe m dzùghùu tsughu ndzʉ taŋā an ghùe e ghee, təm zə kɔʼ ndzʉ̄ am bòʼ.

Kə̀fwàʼ 13:27

Ghî ghəla ghe mughu aŋ Yɛ̀lusalɛ̀m ghèe ghê ghì ghəla ghe lɛnlō â ghee, ghe fə̀ kwo dzə yo enyəa à lǒ wə̄n Bəghambī ù te ghe ŋ kè zuūwkɛlɛ̄ sughò shwaʼ u ghǐishʉ̀ghà wəla ghe mgbaŋā tɔɔ̄ŋ zeē ko tsuʼntəntsə̄ tən tə̀ dzə̀m. Ghe maā kuuwn ghəŋlo shwaʼ u ghǐishʉ̀ghà wə̀ n sə̀ wò êsəŋò, ghəa ghe dzûw maʼà tsughu Yɛso.

Kə̀fwàʼ 15:18

Mughu ù te mò ghəəŋ tsughu enyəa ghî à kelê ghəa ghən â wǐiwì.’ ”

Kə̀fwàʼ 2:36

À fi lo enyəa ghɛ̀ ghî ghə Ezə̀lɛ̂ kele tsughu enyəa Yɛso wəla ghɛ̀ mò nî təghāa, Zə̀ kə̀ ŋ wən naŋa am Mughu àsùghò aŋ Kə̀lestò.”

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.

Kə̀fwàʼ 4:28

Ghe mò ghəəŋ ghəa ghə̀n à dzə̀m ghù fə̀ ki zɔ̂ʼ naŋā, tsə̀m kɔ̀ʼ sùghò enyəa a lo nî kə̀bala.

Kə̀fwàʼ 5:28

â ghee enyəa, “A mò tɔʼ kʉɛ̄ɛn tsughu ghɛ enyəa e kwo ghɛ̀ lô zoʼn ghî ghò aŋ ghəa a tûw wə̀n, ghɛ̌ yəa tsʉ̂ ghî ghò, tsʉ̂ zɛʼɛ zə e ndza tsughu Yɛ̀lusalɛ̀m e dzə̀m, ghɛ̀ yia ndôʼ tsə̂m tsughu sughò aledzəso ghàʼ am vʉ e tûw wə̄n.”

Kə̀fwàʼ 5:30

Zə̀ kə ghê tselè a sɛ̀ kə̀ mò nî nughu kɔʼ Yɛso alo evʉ̄, mò ghɛ̀ ŋ wən wi mò ghɛ̌ wən təghàa kɔ̀ʼ alo kədàŋlo.

Kə̀fwàʼ 7:52

À fə̀ lo ghùwshʉ̀ghà ù ghɛ̌ wò aŋ ghǐishʉ̀ghà ghê tsùghò fə̀ doʼŋkè fəmso à? Ghe ŋ wiin sùghò ghì ghəla ghe fə̀ naʼn wô bughò e Ghûw ù tsəghatsəgha zo, wəlà ghɛ̀ fêe fughu tsughu êzə̄ŋ, wì màʼà è tsughu:

Lumà 2:12

Ghî ghəla ghe yô Dzûu tò kwo yo lâŋ kə Musî kò. Abugho ghe ghəəŋ tsughu bo zo, ghe naam ləŋe ko nù aŋghəa ghe mo bûʼ kwo ko yo lâŋ kə Musî kən ko. Dzûu tia tə ki lâŋ kə Musî kò, abugho ghe ghəə̄ŋ tsughu bo zo, Zə̀ kə̀ n saʼ ghee aŋ ghəa lâŋ kə te kə deē.

Lumà 4:17

To aŋghəa ghe tɔm naŋa am mwàʼsò kə Kəzə̀ enyəa, “Mùghò ŋ ghəŋlo enyəa ghù è lo tsele â ndə̀mà tə tənàʼà.” To kən kə lo êsəŋò a sə̌a Zə̀ kəla Abə̀làhâm gaʼ fə̀ŋ a zəŋò ghè kò. Zə̀ kəla abugho ghùw kpuw ko nù, kə n zòm nàŋa wò ghùw u te ebàm. Mo fəgha kə yo tsəgha ko nu, kə n ghəəŋ tsughu enyəa kə səa kɔʼ, kə e lo.

1 Tɛ̀sàlonìan 2:15

Ghɛ̀ kwo nû enyəa à fə̀ lo Tə̀dzûu tə fə̀ wi maʼa Mughu ù te, Yɛso, wiin màʼà sùghò ghì a ushʉghà a Kə̀ zə̀ à li gho, fəmso kaaŋ sùghò ghàʼ. Ghe fə̀ ghəəŋ ghəa ghə̀là Zə̀ kə̀ ləghaa dzə̂ yo, ŋaŋà ndùw àghì a dzə̀m.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

1 Pità 1:20

Zə̀ kə fə̂ mbī kaʼ tsughu alegbə̀n mo kə n wə̄n shîa naŋa kɔʼ dzə̀, a m bùghò nəgha e kpe tsughu, ghe n nì dè sə wò wə̄n an tuw wɛʼɛ.

1 Pità 2:8

Ghe yia tɔm naŋa sugho am Mwàʼsò kə Kəzə̀ enyəa, “Zən lò tia zəla ghî à kê tsɔ̂ɔn tsəghà ghuw gho a te; nɛ kəla ghî à kê tâaŋ bvʉā a te.” Ghe kê ghuw a tsɔ̂nlo bòʼ ghe fə̀ tsughoso maʼa shwaʼ u te wo; tò aŋghəa Zə̀ kə fə̀ fôʼ naŋā â ghee.

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.