Kə̀fwàʼ 2:22 - To kə Kəzə̀ kə̀ Fughu ko

²² Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Kə̀fwàʼ 2:22 Iomraidhean Croise

Matìo 12:28

Abugho e kuūwn lô enyəa, Ň zʉ̀ ù fɛ shùaan sə̌a an Zuʼ tə Kəzə̀, à fi lo enyəa fɔ̂e u Kəzə̀ wə̀ ŋ ghɛ̀ bùghò kwùnlo.

Matìo 2:23

Ù n ndùw mùghù ndùw fughu an naʼ è li zo ghe fə̀ tɔŋlo enyəa à lò Nazalɛ̀t, enyəa e bɔɔ̄m səā kpeē ndûw an shwaʼ wəla ghiīshʉ̀ghà a fə̀ dzɛ̂ naŋā kùu ndùw Yɛso enyəa, “Ghe lô wə̄n tɔŋlo enyəa à lo ghùw ù Nazalɛ̀t.”

Matìo 9:8

A m bùghò nê kə aghì chi kə kôʼ tsughu ghəa yi gho, fə̂ŋ tə̀ n sə ghee, ghe ŋ kàʼ ndùw alekɔʼso Kə̀zə̀, kəla kə mò fughu ŋgòʼò dàʼà kən â ghì ghò.

Lûk 11:20

Abugho a kuūwn lô enyəa, Ǹ shûaan sə̌a zʉ̀ wən an daʼa kə Kəzə̀, à fi lo enyəa Fɔ̂e u Kəzə̀ wə̀ ŋ ghɛ̀ bughò tsə̀là.

Lûk 18:37

Ghe n dzɛ̀ â wə̄n enyəa, “Yɛso, ghùw Nazalɛ̀t wən tsəghàa dzì.”

Lûk 24:18

Tsə̀ndə̄ghā e mɔ̀ʼ, tɔɔŋ Kə̀lopàs, n daŋso bɛ̀lɛ̀ tsùghu wə̄n enyəa, “Ghù kùʼù bwìin nyə̀ wò nù an naʼ e Yɛ̀lusalɛ̀m à, ghù sò məghāa ghəa ghəla a tsəghà kəŋo fughu an tsùʼù mən a?”

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Dzɔ̌n 10:37

A bùghò à lo mô M̀ fwaʼà yò fəgha kəla bəghà mò de â mùghò, kâ nlò boo fughu dzə̀ â mùghò.

Dzɔ̌n 11:47

Tuw u təfɔ̀e ghèe ghê ghì a Falasîi ghə n daŋso tɔŋɔ zùuŋ tsùghù aghî aŋ kansì, bvʉ â ghee enyəa, “À lo to a e ghəŋlo ênzə̂n? Nuū ghùw wə̄n bəla dèe ndə̀mà tə nsə̀ghàa.

Dzɔ̌n 12:17

Nɔ̂e kə aghì kəla kə fə̀ lo ghèe ghê Yɛso an nə̀gha zəla ù fə̀ tɔŋɔ nughù sə wo Lazalù alo èshìaa, zòm nùghù kɔ̌ʼ wə̄n alo evʉ̄, mò lo ghî ghəla ghe teso dzâa wo ghəa ghəla ghe mò koʼ, àsùghò ghəla ghe mò zuw.

Dzɔ̌n 15:24

Abugho e mô lô enyəa ghe ka mo kôʼ fwàʼ kə̀là mùgho mò fwâ tsughu an tsə̀tèʼè fə ghee, mò ghùw ù lì kaām fwâʼ kôʼ, to e mô fi lo enyəa ghe kaām ghəəŋ boon dzə̀ ghəa è li zo. À sò fɛ lo enyəa ghe ŋ kòʼ, ghe yia kòom bâa ghàʼ à Bə̀ghà.

Dzɔ̌n 19:19

Paelɛ̀t n tɔ̀m tsùghù sùghò àghəa alo kəbaŋlo enyəa, “Yɛso, ghùw ù Nazalɛ̀t, də̀ŋ kə Tə̀dzûu!” Ghe m bɛ naŋa kɔʼ edzūŋ an dǎaŋ kə wə̄n.

Dzɔ̌n 3:2

Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Dzɔ̌n 4:48

Yɛso n dzɛ̀ fughu â wə̄n enyəa, “Ghùw wɛʼɛ u mɔ̀ʼ yò aleboō fughu à gɔ̀ʼɔ̀ ko mò ghɛ̀ kôʼ tsùghù dzə̀ tsə̌a tə aghəa ghəla dzughu a lo alezūm aghî a te.”

Dzɔ̌n 5:36

Ghəa ghə̀là Ŋ̀ kuūwn kə̀aa wò â ghɛ̀ tsəghàtàʼà sə a Dzɔ̌n à teso gho; tɔŋlo enyəa fwàʼ wəla Tsele waŋā fughu enyəa M̀ fwaʼà mɛʼɛ̀, à lo fwàʼ ù mɔʼɔ̄ wəla M̀ fwaʼā, fwàʼ u te dêe nù enyəa Tsele waŋā m mùghò tum.

Dzɔ̌n 6:14

A m bùghò ghî a te a kôʼ sʉghà vʉ̀a Yɛso dè tsughu, ghe ŋ kâʼ ndùw alekə̀a enyəa, “Kùmkùm, wən lǒ ghùwshʉ̀ghà ù Kə̀zə̀ wəla ù mò ki alebùghò fɛ mbī.”

Dzɔ̌n 6:27

Kà nlò e kəŋo fʉghàzəa wəla u lo alebō, e laam kəŋo nlò fʉghàzəa ù doʼn təla wəla Wɛ ù Ghùw ki alefughu â ghɛ̀. Tɔŋlo enyəa à lò â Wə̄n Tsele ù te, tɔɔŋ Kə̀zə̀ fə̀ fughu naŋā daʼa kə te ko.”

Dzɔ̌n 7:31

Lò êzə̀, ndə̀mà tə aghì tə n naam boo fughu ndùw ko â wə̄n. Ghe m bvʉ enyəa, “Abugho Kə̀lestò kè bugho, ù lo yia dêe nǔ sə̀ghà mò, mò mə̀ n tsə̀gha sə məla ghùw wə̄n lo mò ù m dè à?”

Dzɔ̌n 9:33

Abugho Zə̀ kə̀ mô doʼŋ̀kè tum ghùw wə̄n, to ù mò yo aleghə̂əŋ ghəa è li zo.”

Kə̀fwàʼ 13:16

Pôl fi nughù těe kɔʼ nû, fòʼn ndùw aŋ ghu enyəa ghe doʼò tsughu mɔŋ, kàʼ ndùw ghəa à kəaa gho, “Wo ghî ghə Ezə̀lɛ̂ ghò, àsùghò ghɛ̀ à li ghə̀là ghɛ̀ tsəŋō Zə̀ kò, zuw nlo ghɛ a.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Kə̀fwàʼ 2:19

Ŋ̀ kê dêe tsughu nsəghàa alo kəwālā, Ǹ dêe tsughuu sughò tə̀tsə̌a aŋ ghueekətsə̄. Ghî à kê kôʼ nuŋ alo enaʼ, naʼ zə e ke pfʉa, nyoʼ u kê dzʉ̂a tsughu təluʼū;

Kə̀fwàʼ 2:43

Tum tə te tə n dè sə̀sə tsughu nsəghàa ènyə, ghî ghə̀n à dzə̀m mo ètsəŋ.

Kə̀fwàʼ 21:28

Ghî a te ghə m buʼnlo mbɔŋ, dzàa tsùghù enyəa, “Wo ghî ghə Ezə̀lɛ̂ ghò, tɔ̌ɔ wò nlò! Wən lò tûw wəla ù tsʉ̀ boōn tsughu ghî ghò luʼū ten tə̀ dzə̀m enyəa ghe ka e zuuw â ghì ghò, ghe ka e naaŋ lâŋ kò, ghe ka e kɔʼso sugho luʼū kən: vʉ̀a ù mò fəghaan ndûw nî nyə wô sughò ghî a Gə̀lês ghò fɛ am bêne ko, nùʼn bǒon tsughu luʼū kə̀ baa kən!”

Kə̀fwàʼ 22:8

Mùgho m bɛ̀lɛ̀ tsùghù enyəa, ‘À lò ghû ndùghò à, Mughùbè?’ Ù mo â mùghò enyəa, ‘Ǹ lo Yɛso ghùw Nazalɛ̀t wəla ghù ndzaŋsō kaŋlo.’

Kə̀fwàʼ 24:5

Ghàʼ kôʼ tsùghù enyəa ghùw wən lo ghûw ù ùtsù, ghùw wəla ù sòʼò kaāŋ tsû wò am bvʉa e Tə̀dzûu fɛ am mbī e dzə̀m, vʉ̀a ù lò sughò tuw ko an dzeŋe kə̀ biigh kə ghì a Nazalɛ̀t gho.

Kə̀fwàʼ 26:26

Mughènaʼ Agelepà kwò nû ghəa ghə̀n à dzə̀m: Ǹ ndzəmà kə̀aa ndùw nù ghəa a te gho â wə̄: tɔŋlo enyəa Ŋ̀ kwo nû enyəa ghəa ghə̀là Ŋ̀ kə̂a fɛ à dzə̀m, è li e yo a te mò à lǒ è fughu zo â wə̄n; nu ghəa ghən ka mo tsɔŋ sə̀ dzə̀.

Kə̀fwàʼ 26:9

Ghuūghùe waŋā, mùgho mò tso kwo enyəa Ŋ̀ ki aletsoō kəŋo tsughu tədziī tə dzə̀m aletuū maʼà tsughu fwàʼ kə Yɛso ù Nazalɛ̀t wə̄n.

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Kə̀fwàʼ 3:6

Pità m fwə̀n dzɛ̀ ndùw â wə̄n enyəa, “Ŋ̀ ŋgəmso ki yo kua wo, Ŋ̀ kuuwn fughuu nù ghû â fəgha kə̀là Ŋ̀ ki ghè kò: an zən e Yɛso Kə̀lestò ù Nazalɛ̀t wə̄n, nùghu tee kɔ̀ʼɔ̀ ghù bwii sə nduw.”

Kə̀fwàʼ 4:10

ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.

Kə̀fwàʼ 5:35

Ù n daŋso dzɛ̀ â ghee enyəa, “Wo ghî ghə Ezə̀lɛ̂ ghò, tɔ̀ʼɔ mǒʼn tsughu nlò fəgha kəla ghɛ̀ ləghaa aleghəŋlo â ghì ghən,

Kə̀fwàʼ 6:14

nu ghàʼ maā zuw ù kə̀aa enyəa Yɛso ghùw Nazalɛ̀t wən lo sàʼà màʼn tsùghûu Ndùghù è Kə̀zə̀ e ne, ù kuūwn kɔʼ ghəa ghə enaʼ a sɛ̀ ghəla Musî fə̀ fughu naŋā â sɛ̀.”

2 Kòlentìan 12:12

Ghəa mùgho mò lo fì sɛ̀, mùghò n zumso tsughu ughue, dè wò tə̀tsə̌a, nsə̀ghàa, fwàʼ sùghò kɔ tə aghəa aledèe tsughu enyəa Ǹ lo tùm è Kə̀lestò è sə̀ŋò.

Hibùlù 2:4

Zə̀ kə̀ m mʉa fughuu wò sùghò gùw è ghee alo tətsə̌a àsùghò alo nsə̀ghàa, àsùghò aŋ ghəa kə fə̀ dzughùu fughuu ndûw fughu kə u Zuʼ tə Zɔlɔ to â ghì ghò aŋ ghəa kə fə̀ tsə̂m tsughu.