Kə̀fwàʼ 2:17 - To kə Kəzə̀ kə̀ Fughu ko

¹⁷ ‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Kə̀fwàʼ 2:17 Iomraidhean Croise

Lûk 3:6

Ghî ghə̀là à dzə̀m lo e koʼō nduw ghəa Zə̀ kə̀ bəghaā səā wô ghî ghò a te am bòo tə ghee.’ ”

Dzɔ̌n 17:2

bòʼ enyəa, ghəa ghù lo mò ghù m fughu wə̄n â daʼa ko a zəŋò ghì ghò a dzə̀m, enyəa ù è lo alefughu mughù è doʼn təla zo â ghî ghə̀là ghù fughu â wə̄n.

Dzɔ̌n 7:39

Ù fə̀ enyə kəaa kùʼu ndùw Zuʼ tə̀ Zɔlɔ to, təla ghî ghəla ghe fə̀ boō fughu tsughu â wə̄n fə̀ ki alekele. A n lo êzə̀ mo Zuʼ tə̀ Zɔlɔ tə te tə kaām bughò, bòʼ à màʼâ fə̀ naām lo mò Zə̀ kə kaām kwe u Yɛso ù təma wə n nî dè sə̀ kɔʼ aŋ kɔʼso məla Yɛso ki ghè mò.

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 11:27

An tì kə te ko ghiīshʉ̀ghà a Kəzə̀ à li ghə n nùghù tsùghù an Yɛ̀lusalɛ̀m tsùghù wò an Antìok.

Kə̀fwàʼ 11:28

Ghùw ù ghee u mɔ̀ʼ zən e mò lô Àgabùs n nùghù těe è kɔʼ, dzɛ̀ wò ùshʉ̀ghà enyəa dzə̀ŋ è bǐigh è bǐigh è lì kê nyə̌a am mbī e dzə̀m; ghəa ghən m bɔɔm bùghò sə̀ ko an dzə̂ è wə̄n an tì kəla Kòlodìus fə̀ lo də̀ŋ ne ko.

Kə̀fwàʼ 2:16

Ghən fɛ laam lò ghəa ghəla ghùwshʉ̀ghà Dzûɛl fə̀ dzɛ̂ naŋā enyəa,

Kə̀fwàʼ 2:18

A kê bughò an tsuʼu n te mò sughò, Ŋ̀ kê buʼù fughuu tsughuu sughò kɔ̀ɔ maŋa n nùu mò àsùghò n zə̌n mò â Zuʼ taŋa to; ghe e ke naʼn nduw shwaʼ waŋa wo.

Kə̀fwàʼ 2:33

Zə̀ kə̀ ŋ wən kɔʼso naŋa, vʉ̀a ù lò êzəŋ aŋ kwe u Kəzə̀ ù təma wo, vʉ̀a ù mò nî kɔʼ Zùʼ tə̀ Zɔlɔ təla Zə̀ kə fə̀ to naŋā aŋ ghùu Tsele ù te. Fəgha kə̀là ghɛ̀ koʼō ezə̄ŋ à kə̀là ghɛ̀ zuūw, à kwə̀n fughu tsughu wə̄n â ghàʼ.

Kə̀fwàʼ 21:9

Tûw wən ŋ ki wɛ a wən à zən gho a chìakò, mo ghe ki yo num gho, ghe kə̂aa shwaʼ u Kəzə̀ wò.

Lumà 5:5

Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

1 Kòlentìan 12:10

â ghùw ù li, Zuʼ tə̀ Zɔlɔ tə te tə m fughu wə̄n â fughu kə deē kə nsə̀ghàa kò; â ghùw ù lì, Zuʼ tə̀ Zɔlɔ tə m fughu tsughu wə̄n â fughu kə̀ dzaā kə ushʉ̀ghà u kə Kəzə̀ wò; â ghùw ù lì, Zuʼ tə̀ Zɔlɔ tə te tə ŋ ghəəŋ tsughu wə̄n alekwo enyəa fən lǒ zə̀a fə̀ dzûŋ fò ŋkāa à lǒ fə̀ biigh fo; â ghùw ù lì, Zuʼ tə te tə ŋ ghəəŋ tsughu wə̄n enyəa ù è kəaa ghəa gho an ndə̀m è sàʼà tə tənàʼà; â ghùw ù lì Zuʼ tə te tə ŋ ghəəŋ tsughu ù e zuuw dzaā wo ghəa gho an ndə̀m è sàʼà tə tənàʼà.

1 Kòlentìan 12:28

Zə kə fə̀ sûesʉ tsuʼ naŋa kɔʼ tum tə Kə̀lestò esə̄ an dzeŋe kə ghì a Kəzə̀, kə n daŋso tsuʼ naŋa kɔʼ ghiīshʉ̀ghà a Kəzə̀, aŋ ghì a kə̀təgha gho Zə̀ kə n tsuʼ naŋa kɔʼ ghê wàdè, daŋso tsuʼ kɔʼ ghî ghəla ghe deē sə̀ghà mò, daŋso tsuʼ naŋa kɔʼ ghî ghəla ghe baāŋ ghì a dzaŋa gho, kə n tsuʼ naŋa kɔ̀ʼ ghì ghəla ghe kwo alebianlo àghəa aleyoso aghì, tsuʼ tsughu ghiīshʉ̀ghà, tsuʼ tsughu, tsuʼ tsughu ghêe wàdè, tsuʼ tsughu ghî ghəla ghe deē səghàa mò, tsuʼ tsughu ghəla ghe baāŋ ghî ghò, tsuʼ tsughu ghəla ghe yôso, daŋso tsuʼ naŋa kɔ̀ʼ sùghò ghəla ghe saʼā ndə̀m è sàʼà tə tənàʼà tò.

Hibùlù 1:2

Yia a bugho êzəŋ an tsùʼu məla ŋ gùŋso tsughu, Zə̀ kə̀ ghəa gho â sɛ̀ kə̂a wò â wɛ̀ ù wə̄n, Wɛ ù wə̄n wəlà ù fə̀ nî kɔʼ enyəa à lô fʉgha wə̀n ù dzə̀m zə̌a wə̄n, mò kə fə̀ mbī bɔm sugho am bàm e wə̄n.

Dzɛ̂ms 5:3

Kaʼbàŋ tɛʼɛ tə lo dzèe nù àsùghò shwə̀là tɛʼɛ to. Kaʼbàŋ tɛʼɛ àsùghò shwə̀là tɛʼɛ tə n dzè, dzê e ghee e te kê lò fəgha kəla kə kê tsʉʉ̄n fuūw to a zəŋò ghɛ̀, e kê pfʉa sughò gwən e ughùe zɛʼɛ̄ tò uwən. Ghɛ̀ ŋ kum e kuʼ naŋa kɔʼ, mo tsuʼ ù saʼā u sāʼ wə n su, mò à kè lò kum e te zo e lo tsʉā dêe fughuu tûe wɛʼɛ wo an tsuʼ u te wo.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.