Kə̀fwàʼ 2:14 - To kə Kəzə̀ kə̀ Fughu ko

¹⁴ Pità fi daŋso nyɛʼɛ nùghù těe tsə̀ghàsə̀ wò nù ghèe ghê tum tə̀ li tì èghəm à ghè zò e mɔ̀ʼ, dzɛ̀ kɔ̀ʼ â nɔ̀e kə aghì chi an dzə̂ è tughu enyəa, “Dzûu tò, à ghɛ̀ à li ghə̀n à dzə̀m ghɛ̀ mughù fɛ an Yɛ̀lusalɛ̀m, tsʉ kɔʼ nlò tuūŋ wɛʼɛ wo, ghɛ̀ zəən tsughu shwaʼ waŋa wo.

Kə̀fwàʼ 2:14 Iomraidhean Croise

Matìo 2:1

Ghe fə̀ Yɛso dzə tsughu an naʼ e Bɛtə̀lɛ̀hɛ̂m am mbùʼ è Dzùdîa, an tì kəla Hɛlɔ̀d fə̀ lo də̀ŋ kǒ a te a fughu am mbùʼ e te. Ghî à tɔɔ à li ghə n zə̀ghàa tsùghù naʼ e ghee am bà kəla zuuw e səā wo a te, nyə̀ wò an Yɛ̀lusalɛ̀m, bvʉʉn wò enyəa,

Kə̀fwàʼ 1:26

Ghe n daŋso təm tsughuu ndzwàʼ an tuw kə ghee, ndzwàʼ m bvʉ̀ tsùghù an tuw kə Màtîas, ghe n nì təmdzəəŋ ndùw wən an tsə̀təndə̄ghā tì èghəm à ghè zò e mɔ̀ʼ.

Kə̀fwàʼ 13:16

Pôl fi nughù těe kɔʼ nû, fòʼn ndùw aŋ ghu enyəa ghe doʼò tsughu mɔŋ, kàʼ ndùw ghəa à kəaa gho, “Wo ghî ghə Ezə̀lɛ̂ ghò, àsùghò ghɛ̀ à li ghə̀là ghɛ̀ tsəŋō Zə̀ kò, zuw nlo ghɛ a.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Kə̀fwàʼ 21:28

Ghî a te ghə m buʼnlo mbɔŋ, dzàa tsùghù enyəa, “Wo ghî ghə Ezə̀lɛ̂ ghò, tɔ̌ɔ wò nlò! Wən lò tûw wəla ù tsʉ̀ boōn tsughu ghî ghò luʼū ten tə̀ dzə̀m enyəa ghe ka e zuuw â ghì ghò, ghe ka e naaŋ lâŋ kò, ghe ka e kɔʼso sugho luʼū kən: vʉ̀a ù mò fəghaan ndûw nî nyə wô sughò ghî a Gə̀lês ghò fɛ am bêne ko, nùʼn bǒon tsughu luʼū kə̀ baa kən!”

Kə̀fwàʼ 5:35

Ù n daŋso dzɛ̀ â ghee enyəa, “Wo ghî ghə Ezə̀lɛ̂ ghò, tɔ̀ʼɔ mǒʼn tsughu nlò fəgha kəla ghɛ̀ ləghaa aleghəŋlo â ghì ghən,

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.