Kə̀fwàʼ 2:1 - To kə Kəzə̀ kə̀ Fughu ko

¹ A m bùghò tsuʼ u Pɛntɛ̄kɔ̀st ù kpe tsughu, tsə̀təndə̄ghā tə n dzeŋe dòʼ alo kəlùʼù kə mɔ̀ʼ ghee a dzə̀m.

Kə̀fwàʼ 2:1 Iomraidhean Croise

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 1:8

Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 20:16

À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 4:24

A m bùghò ghe zuw tsughu ghəa yì, ghe n dzə̄ŋē gɔ̀ŋlò è tsughu, dzɛ̀ sə kɔʼ an dzə̂ è tughu â Zə̀ kò enyəa, “Tsə̂ntə̀mbî, Mughu wəla ù bɔm wālā ko à ghueekətsə̄ ko, bɔm dzùghùntsòʼ, à fʉgha wə̀n ù dzə̀m u lo a te,

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Kə̀fwàʼ 5:12

Tum tə Kə̀lestò tə̀ n dè sə̀so tsughu ndə̀mà tə nsə̀ghàa enyə â ghì a te gho. Ghî ghəla ghe boō fughu tsughu n dzeŋe lò tsəgha ko alo fə̀tùʼù am fala kə Solomòn.

Lumà 15:6

enyəa ghɛ̀ a dzə̀m lo e dzeŋe təma nduw ŋkəma mò â Zə̀ kò, tɔɔŋ Tselè Mughùbè u sɛ̀ Yɛso Kə̀lestò an dzə̂ e mɔ̀ʼ.

1 Kòlentìan 16:8

Ŋ̀ kuuwn dòʼn ko fɛ̄ am Ɛfɛ̄sùs to nəgha e zə kə Pɛntɛ̄kɔ̀st è lo kpeē tsughuu dzə̂.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 2:2

Ŋ̀ gɔŋlò enyəa ghɛ̀ è lo alo kəfəgha kə mɔ̀ʼ, lò sugho alo edzughu e mɔ̀, àsùghò am fə̂ŋ è mɔ̀ʼ, ləghaa sùghò ghue zɛʼɛ, to duʼn kaŋā kə kpeēn mɛʼɛ̀ tsughu.