Kə̀fwàʼ 19:6 - To kə Kəzə̀ kə̀ Fughu ko

⁶ A m bùghò Pôl daŋso gaʼ tsughu ghu a wə̄n gho an tuw u ghee, Zuʼ tə̀ Zɔlɔ tə n daŋso nyə tsughu a zəŋò ghee; ghe ŋ kàʼ ndùw alesāʼ saʼà tə nàʼà tə̀ nughù tò, kə̀aa ndùw shwaʼ u Kəzə̀.

Kə̀fwàʼ 19:6 Iomraidhean Croise

Mâk 16:17

À kè tsə̌a tən dèe kô ghî ghəla ghe boō fughu tsughu: ghe ke e dzuū sə̄a zʉ̀ ù biigh wo an zən zaŋā; ghe ke kəā ghəa gho an sàʼà tə̀ fughu to.

Kə̀fwàʼ 19:7

Ghe fə̌ fughu dzeŋe lo tǒ aghî èghəm à ghè ghò a bə̀ghà.

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 6:6

Ghe n nì tìso naŋa sə̀ wò ghì ghən an sə kə tum tì, tum ti tə ŋ gaʼ n naŋa ndùw àghu a zəŋò ghee, gɔ̀ŋlò è tsughu.

Kə̀fwàʼ 9:17

Ànànîas fi nughù tsùghù nû ndùw nyə tsughu fughu an ndughu. Ù ŋ gàʼ ndùw ghu a wə̄n a zəŋò Sôol, dzɛ̀ tsùghù enyəa, “Sôol ŋ wàazə̀, Mughubè Yɛso, wəla ù mò gbə̂n sə kɔʼ an sə kə̂a an dziī aŋ ghəa ghù mò bughòo fɛ, ù mùghò fɛ tùm wò enyəa to ghù mo koōm kāʼ nduw luʼu tə̀ koʼo to, ghù kele tsughu sugho Zuʼ tə̀ Zɔlɔ to.”

1 Timotì 5:22

Kà è tsoʼn dzə â ghue wo aletsuʼu naŋā kɔʼ ghùw enyəa ù e fwaʼā fwàʼ kə Kəzə̀ kò. Kà è nyəso ghu ko aŋ ghəa à biigh ghəla ghî à li a ghəə̄ŋ kaŋlo. E dəma tsughu ko alezɔlɔ aŋ ghəa ghə̂a à ghəəŋ gho.

2 Timotì 1:6

Zən lo e ghee Ǹ dzâa wô â ghù enyəa, ghù è numso zee namso kəla Zə̀ kə mò fughu â ghù an tsuʼ fəla mugho mò gaʼ wô ghu ghaŋa gho a zəŋò ghù, gɔ̀ɔŋ tsùghù an tuw kə̂a.