Kə̀fwàʼ 19:3 - To kə Kəzə̀ kə̀ Fughu ko

³ Ù n daŋso bvʉ â ghe, “À kǔuwn lǒ ŋgòʼ è mùghù ŋ Kə̀zə̀ ŋ ghɛ̀ mò ghe mò fughu â ghɛ̀ a?” Ghe mo enyəa, “À mò lo mùghù ŋ Kə̀zə̀ kùu ndùw ghəa ghə̀là Dzɔ̌n fə̀ zoʼnlō.”

Kə̀fwàʼ 19:3 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Lûk 7:29

A m bùghò ghe zuw tsughu ghəa ghən gho, ghî yì à dzə̀m ghèe ghê dzə̀akə̀mwàʼsò m boo fughu ndùw â Zə̀ kò, ghe màʼa fə̀ lo mò Dzɔ̌n maā ghee â mùghù ŋ Kə̀zə̀ m fughu.

Kə̀fwàʼ 18:25

À n lo mo ghe ŋ wən zoʼnlo an dzìi tə̀ Mughu ù te; a m bùghò ù sə̀ ŋgeē ləghaa ghəa a te gho am fə̂ŋ, ù ŋ kə̂aa wò alekə̀aa biso zoʼn tsughuu sùghò àghì alo efəŋ aŋ ghəa a Yɛso a te gho, mò ù mò buʼ kwo ko ghəa ghəla Dzɔ̌n wəla ù fə̀ fughu ghî ghò â mùghù ŋ Kə̀zə̀ mò fə̀ zoʼn tsəghà ghî ghò a te.

Kə̀fwàʼ 8:16

Mbuu à mò naam lo mò zuʼ u te u kaām kāan nyəa a zəŋo ghùw ù ghee ù u mɔ̂ʼ; mo ghe ghee fughu tsughu ko ghee â mùghù ŋ Kə̀zə̀ mò an zən e Mughubè Yɛso.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

Hibùlù 6:2

Sɛ̀ kôom kì sugho yo alekəā ghəa gho kùu ndùw alezoʼnlo aghì aŋ ghəa à fughu ghûw ghò â mùghù ŋ Kə̀zə̀ mò, ŋkāa aŋ ghəa a ghu à gaʼā nduw gho, ŋkāa aŋ ghəa à kɔʼɔsəa gho alo evʉ, ŋkāa ghəa a dzughu e saʼ zəla e doʼò tən.