Kə̀fwàʼ 19:21 - To kə Kəzə̀ kə̀ Fughu ko

²¹ Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 19:21 Iomraidhean Croise

Kə̀fwàʼ 16:12

A n zə̀ghaa tsùghu fughu nyə̀ ndùw am Filippi, naʼ zəla e lô tuw kə enaʼ ko am mbùʼ è Masɛdonia, mo e kuuwn lò a tsəlà naʼ e Lumà zò. A n tsùuŋ dòʼo kəŋo ndùw ntsuʼu fūghu alo enaʼ.

Kə̀fwàʼ 18:12

A n ndùw bùghò Galìo bùghò doʼò tsughu tuw ko am mbùʼ è Àkaeyà, Dzûu tə̀ n nùghù maŋkwu kɔʼ Pôl, sè wò wən aŋ kaŋsì,

Kə̀fwàʼ 18:21

Ghəa ù se kuuwn zə̀ghàan ghee, ù n dzɛ̀ â ghee enyəa, “Ǹ lo kòom bùghò kòʼò nù ghɛ abugho Zə̀ kə̀ boō.” Ù n daŋso bùghò nì kɔ̀ʼ kəkwə̀n, zə̀ghàa tsùghù Ɛfɛ̄sùs.

Kə̀fwàʼ 19:22

Ù n daŋso nì kɔ̀ʼ Timotì ghèe Elastùs, ghî ghəla ghe mò tɔ̂ɔm wo wə̄n, təma zə̀ghàa ndùw ghee am Màsɛ̀donìa, ghuūghùe u wə̄n wə ŋ kuuwn tsùuŋ dòʼò kə̀ŋo ndùw an Ɛshìa.

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 20:16

À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 20:22

Ǹ nyəa ndùw èzəŋ an Yɛ̀lusalɛ̀m aŋghəa Zuʼ tə̀ Zɔlɔ tə ləghaa; Ŋ̀ kwo yo fəgha kela kə lo səā fughu a zəŋò mùghò.

Kə̀fwàʼ 21:17

A m bùghò a bugho an Yɛ̀lusalɛ̀m, waazə̂ ghaʼa yi fughu m kpènì kɔ̀ʼ ghaʼ aleduʼnlo.

Kə̀fwàʼ 21:4

A m bùghò a bwîin kəŋ kôʼ kaāŋ sə kɔʼ ghî a Kəzə̀ a li gho fughu, ghàʼ n dòʼò kə̀ŋo ndùw ntsuʼu fughu sə̀ghàmbəgha ghàʼ à ghee. Zuʼ tə̀ Zɔlɔ tə te wə n tsom kɔʼ ghee, ghe n dzɛ̀ â Pôl enyəa e kwo ù lò ndûuw daŋso an Yɛ̀lusalɛ̀m.

Kə̀fwàʼ 23:11

 tsuʼ wo an tsuʼ fə̀ èfì, Mughu ù te m bùghò těe dzə̄əŋ wò ghèe wə̄n dzɛ̀ tsùghù â wən enyəa, “Dzə̀la tsughu fə̀ŋ, nu ghəa ghù dzɛ̀ sə ndûw dzə̂ ghəa ghaŋa gho an Yɛ̀lusalɛ̀m, ghù kì sugho alendùw ghəəŋ sùghò ghəa e mɔ̀ʼɔ̄ zo Lumà.”

Kə̀fwàʼ 27:1

A m bùghò ghe tsughu boō tsughu enyəa ghàʼ ndûw an Etalì, ghe n nì kɔ̀ʼ Pôl ghèe ghê ghǐindùghùtsaʼ à li gho, fughu tsughu â Dzulìus, komndzūghū ù tə̀sùghugòʼ ù lì an naʼ e Lumà. Bəghà wən mò lo ghùw an saʼ kə sùghugòʼ təla ghe tɔŋlo enyəa à lǒ sùghugòʼ tə Də̀ŋ kə̀ ne kò.

Kə̀fwàʼ 27:24

vʉ̀ ù dzɛ̀ â mùghò enyəa, ‘Kà tsəŋ a Pôl, ghù kì aletèlè ndûw teē ndûw an sə kə Də̀ŋ kə̀ ne ko an Lumà; kòʼô, am fə̂ŋ è dzùŋ, Zə̀ kə̀ ŋ ghəŋlo enyəa ghùw lo kpuw yo aŋ ghì ghə̀n à dzə̀m ghɛ̀ a ghe bwîin.’

Kə̀fwàʼ 28:16

Ghəa a nyə ndûw an Lumà, ghe n zə̀ghàa tsùghù Pôl enyəa ù è mughu aŋ ŋgə̄ŋ ghèe sùghugòʼ zəla è chiīn wə̄n.

Lumà 1:11

M̀ mbûŋlò alekòʼò wô ko ghɛ̀ alo esə̄ tò mùghò è lo aleghəŋlo Zuʼ tə Kəzə̀ tə fughu ghɛ â fughu kə nə̀ŋò ŋəŋ ko, fə̂ŋ tɛʼɛ tə nɛɛ̄ tsughu aŋ ghəa e Mughu ù te.

Lumà 1:13

Waazə̂ ghaŋa gho, Ǹ ləghaa enyəa ghɛ̀ kele tsughu enyəa à lò ndə̀mà tə tə̀nə̀gha M̀ moʼn tsughu alebùghò bwîin kôʼ ghɛ̀, ghəa è li zo n tsò ndùw bùghò ko enyə bùghò tə̀ghàso màʼà è tsughu. Bughò zaŋa a fi lo enyəa to M̀ mô lò alenìi nyəa wò ghì a fughu gho am bvʉa zɛʼɛ tò aŋghəa mùgho mò ghəŋlo â Tòʼò è li e zə̂.

Lumà 1:15

Zən lò e ghee M̀ mbûŋlò alebùghò tɛ̂ fi an naʼ e Lumà alebùghò naʼà wô làbəlà e dzùŋ e te â ghɛ̀.

1 Kòlentìan 16:5

Ǹ lô fì alô ghɛ̀ bughòo sùghò mò Ǹ nughù dàŋso wò am Màsɛ̀donìa, nu Ǹ ləghaa aletsəghàa wô dzə̂ dzì a fughu.

1 Kòlentìan 4:19

Ǹ lo kuūwn kùʼù bùghò tàa nù a fì a vʉ̀a ghɛ̀, abugho Mughu ù te boō dzə. Abugho Ŋ̀ kê bugho, Ǹ lo kəŋo kele səā kɔʼ mùghò â nə ko daʼa kəla ghî à ghaŋso ghə eghùe ghən ki, mò à yò ko ghəa ghəla ghe kə̂aa səā wo alo edzughu.

2 Kòlentìan 10:16

Ghàʼ è ke lo alekə̀aa shwaʼ ù dzùŋ wə̄n an nàʼà təla tə doʼò sə nduw a fia alô ghɛ̀, ghàʼ è ke too sugho yo num alo kəfwàʼ mò ghî nughù ghə̀ fwàʼ nàŋa an də̀ŋò kə̀ li ko

Gàlashìan 2:1

A m bùghò nûu tə̀ tsəghà tsughu eghə̄m à ghè tò tə chìakò, mùghò ŋ kòom kɔʼ kpeʼe ndùw an Yɛ̀lusalɛ̀m ghàʼ à Bànabàs. Mùghò n nì kɔ̀ʼ Taetùs, ndùw ghàʼ à ghee.

1 Tɛ̀sàlonìan 1:7

Zən lò e gheē ghɛ̌ fə̀ ndûw bughò ghî ghəla ghe moʼò dêe ghəa a Kəzə̀ ghò â ghì ghò an Màsìdonìa àsùghò an Achaìa.