Kə̀fwàʼ 19:10 - To kə Kəzə̀ kə̀ Fughu ko

¹⁰ Ghəa ghən n nì kə̀bala alo tənùu tə bə̀ghà, ghî ghə̀n à dzə̀m ghe mughu an Ɛshìa, Tə̀dzûu ghèe ghê ghì Gə̀lês ghò, ghe n zuw tsughu shwaʼ u Mughu ù te enyə.

Kə̀fwàʼ 19:10 Iomraidhean Croise

Kə̀fwàʼ 13:12

A m bùghò gɔvə̀nò kòʼ tsughu ghəa yia a sə kɔʼ, ù m boo fùghù è nduw, tɔŋlo enyəa ghəa ghəla ghe mò zoʼnlō kùu ndùw Mughubè ù te a mò kpuuw wə̄n â tuw ko.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 18:11

Ù n dòʼò tsughu a fughu kənûm à ndzɔŋɔ to tǔu ghèe ghee, tsʉ̀a ko ghee fughu an shwaʼ u Kəzə̀.

Kə̀fwàʼ 18:4

Pôl ŋ kɔʼɔ pfʉa zee tsə̀ghà ko èdzughu an ndùghùnē tsuʼntəntsə̄ tə Tə̀dzûu tən tə̀ dzə̀m, ù də̀mà alekɔɔ̄ŋ Tə̂dzûu tə̀ n zuuwkɛ̄lɛ̄ wò wə̄n ghèe ghê ghì a Gə̀lêk ghò.

Kə̀fwàʼ 19:20

Êzə ko, êzə ko, shwaʼ u Mughu ù te wə n noom kɔʼɔ mìan ndùw; kele ndùw àghaŋ am bvʉa e aghì.

Kə̀fwàʼ 19:22

Ù n daŋso nì kɔ̀ʼ Timotì ghèe Elastùs, ghî ghəla ghe mò tɔ̂ɔm wo wə̄n, təma zə̀ghàa ndùw ghee am Màsɛ̀donìa, ghuūghùe u wə̄n wə ŋ kuuwn tsùuŋ dòʼò kə̀ŋo ndùw an Ɛshìa.

Kə̀fwàʼ 19:8

Pôl n nì kɔ̀ʼ tədzɔŋɔ tə təgha mò ù mgbɛ̌ɛ ndùw nyəa dòo kə̀aa ko aghəa ghèe ghee an ndughenē, pfʉa tsə̀ghà èdzughu fughu ghèe ghee, mgbɛɛ ko aŋ ghəa e fɔ̀e ù Kəzə̀ an ndughune.

Kə̀fwàʼ 2:9

Ghàʼ sə kaaŋ wò an nàʼà n nùghù mò, am Patìa, am Mɛdɛ̀s wò, an Elamàet àsùghò ghì ghəla ghe mughu am Mɛ̀sòpòtɛmìa, an Dzùdîa àsùghò Kàpàdoshìa, Pontùs, àsùghò an Ɛshìa,

Kə̀fwàʼ 20:18

A m bùghò ghe bughò kôʼ wo wə̄n, ù n dzɛ̀ â ghee enyəa, “Ghɛ̀ a dzə̀m kwò nû mughùu zaŋa zo aŋ ghəa sɛ̀ mughùu kɔʼ wo alenìi nughù tsughu tsuʼ fəla mugho fə̀ tiso tsughu ghuw ko fɛ am mbùʼ è Ɛshìa.

Kə̀fwàʼ 20:31

Ghɛ̀ ki aletisō kɔʼ kətuw, ghɛ̀ è moʼn tsughuu tsʉ̂ zəla mùgho mò fughuu tsəgha â ghɛ̀ tsuʼu mən ndzə̀m alo tənùu tə təgha.

Kə̀fwàʼ 6:9

Ghî à li gho ghe mò lô ghî ghò aŋ ghì a Sàŋ è tə̀ Fə̀lɛ̂dmɛ̂n (aŋ ghəa ghe mò tɔŋlo a te), n daŋso nùghù těe è kɔʼ, kàʼ nyə̀ ndùw fom tə̀ baaŋ to ghèeghê Sìtofɛ̀. Ghən mò lo aghî ghe sə wo an Sìlɛ̂n, àsùghò an Alɛ̀ʼzandà, an Sìlesìa asùghò an Ɛshìa.

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 10:18

Ǹ sô fɛ kuuwn bvʉā wô enyəa, à lò enyəa ghe ka mo tùm è dzùŋ zən zuw ŋkāa? Ŋ̀ kwo enyəa ghe mafə zuw, nu Shwaʼ u Kəzə̀ u dzɛ̂ enyəa, “Ghe n zùghòo ŋgəa tsughu shwaʼ u te wo am mbī e dzə̀m. Bâ kə mbī kə̀ li ko yo mo ghe kaām shwaʼ u te wo a fughu zuw.”

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

2 Timotì 1:15

Ghù kwò nû enyəa aghî a dzə̀m am mbùʼ è Ɛsìaa m mùgho ti zə̀ghà tàʼa, ghuūghùe u Fìdzɛlùs ghèe Hɛ̀modzɛnès yia bûʼ ti zə̀ghà taʼà daŋso sughò mugho.

1 Pità 1:1

À lò mugho Pità, tɔɔŋ tùm è Yɛso Kə̀lestò — M̀ mwàʼsò kən kə tɔɔ wò â ghɛ̀ ghì a Kəzə̀ ghəla ghɛ̀ ti nân doʼò kaāŋ tsəgha aŋ kɔlɔ tə Pontùs, aŋ Gàlasìa, Kàpàdosìa, Ɛshìa, àsùghò am Bìtinìa.

Edêe Fughu 1:11

Dzə̀ e te n dzâa tsùghùu enyəa, tɔm tsughu fəgha kəla ghù kǒʼ, ghù tum ndùw mwàʼsò kə te ko â dzweŋe u ghì a Kəzə̀ wə̀n sə̀ghàmbəgha — an Ɛfɛ̄sùs, Smyna Pɛ̀gamò, Tytēlà, Sades, Fìlàdɛfìa àsùghò Lùdisìa.

Edêe Fughu 1:4

À lò mugho Dzɔ̌n, Ǹ tɔɔ̄ wô mwàʼsò kən ko â dzweŋe u ghì a Kəzə̀ wən wo sə̀ghàmbəgha u lo an Ɛshìa. Ŋ̀ gɔ̂ŋlò nyəa to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo. À lǒ wə̄n wəla ù lǒ, wəla ù fə̀ lo tsəgha, vʉ̀a ù ki sughò alebùghò. To Zuʼ tə Kəzə̀ ten sə̀ghàmbəgha ghe lo an sə kə ndàŋ e kə̀də̀ŋ e wə̄n mô dêe sughò ghɛ̀ a dzɔ̀ zo, ghe fughuu sughò ghɛ̀ â bughuun zo.