Bìoball air-loidhne

Kə̀fwàʼ 18:7 - To kə Kəzə̀ kə̀ Fughu ko

⁷ Ù n zə̀ghàa tsùghù a fughu ndùw alô ghùw ù Etoʼò ù lì ghe mò tɔŋlo enyəa à Taetòs Dzustùs, ù kɔʼso tsəgha Zə̀ kò; mò ndùghù è wən kuʼù dòʼò tsùghu ko enyə ghèe Ndùghène è Tə̀dzûu.

Faic an caibideil Dèan lethbhreac

« Roimhe

dol air ais ⬆

Air adhart »

Kə̀fwàʼ 18:7
9 Iomraidhean Croise

Dzɔ̌n 9:31

A kwo nû enyəa Zə̀ kə̀ zuuw yò shwaʼ u ghì à biigh gho. Zə e kuūwn lô enyəa, abugho ghùw kɔʼso Zə̀ kò, ghə̂əŋ ghəa ghə̀là Zə̀ kə̀ ləghaa, Zə̀ kə n zə̂ən shwaʼ u ghûw ū te.

Faic an caibideil

Kə̀fwàʼ 10:2

À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.

Faic an caibideil

Kə̀fwàʼ 10:22

Ghe m bɛ̀lɛ̀ tsùghù enyəa, “Komndzughu ù tə̀ sùghugòʼ Kɔ̀nelìus tùw wò ghàʼ, u lǒ ghùw ù dzùŋ, vʉ̀a ù boō fughu sugho â Zə̀ kò, Dzûu tia tə fughuu sugho wə̄n â kɔʼso mò. Tsə̀ndə̄ghā è Kə̀zə̀ mò teso tsughu â wən enyəa ù tuū tɔŋɔ wô ghù enyəa ghù bugho alô wə̄n, e zuw ghəa ghə̀là ghù ki alekə̀a.”

Faic an caibideil

Kə̀fwàʼ 13:42

Ghəa Pôl ghèe Bànabàs səā nughùun wo, ghî yi ghə n dîi dzàa wò â ghee enyəa to ghe mô bughò kə̂aa kpeʼē wô ghəa ghən an Tsuʼntsə̄ u vʉa u mò kəə̄ŋ wo.

Faic an caibideil

Kə̀fwàʼ 13:43

A m bùghò dzeŋe kə ndùghùne kə sɛ̂ɛ tsughu, ndə̀mà tə ghì a Dzudà, à ghì ghəla ghe fə̂n doʼò wô Dzûu tò, ghe n sə̀ dzùum ndùw ghê Pôl, ghe ŋ kə̀aa àghəa â ghee dzɛ̀ â ghee enyəa ghe doʼò təla tsughuu ko am mwàʼ e Kəzə̀.

Faic an caibideil

Kə̀fwàʼ 13:50

Ghî à ne a Tə̀dzûu ghə̀ ŋ kuuwn tsuʼn kaaŋ kô ghì à tughu gho alo enaʼ àsùghò ghìzən à ne ghəla ghe mò lo mo ghe m boo aŋ Kə̀lestò, ghe n nùghù kàʼ ndùw Pôl ghèe Bànabàs alebɛ̀, dzùm sə kɔʼ ghee am mbùʼ è ghee.

Faic an caibideil

Kə̀fwàʼ 16:14

Wìzən ù lǐ n lo aŋ ghìzən yia ghe mò zəə̄n shwaʼ wāʼa vʉ̀ mo zən e wən e lo Ledìa, mò ù sə̀ an naʼ e Tìatilà, fèen tsə̀ghà wən â ndzʉ təla tə ləŋō tò alɔ̂m. Nughò vʉ n lo mò ù kɔ̀ʼso tsə̀ghà Kə̀zə̀. Mughu ù te n tsʉ kɔʼ fə̀ŋ è wən enyəa ù tɔ̀ʼɔ̀ zuw fəgha kəla Pôl mò kəaa ghè kò.

Faic an caibideil

Kə̀fwàʼ 17:4

Dzûu tə̀ li tə n zuw shwaʼ u Pôl ghèe Saelàs, boo fùghù è tsughu, təmdzəəŋ ndùw ghee; to ghî Gə̀lês ghəla ghe mò boō fughu tsughu â Zə̀ kò fə̀ ghəŋlo àsùghò sə fə ghìzən à səŋò à li gho, m boo fùghù ndùw sùghò â ghê Pôl.

Faic an caibideil

Kòloshìan 4:11

Dzushùa wəla ghe ŋgɔɔ̄ sugho enyəa à lò Dzustùs fùghu wò sugho ghɛ̀ â tɔɔŋ zo. Ghən nəəŋ lò ko ghî a Tə̀dzûu ghə̀n a təgha ghe boō fughu a Kə̀lestò, ghe fwaʼa dzəə̄ŋ ghàʼ à ghee fɛ kùu nduw ghəa e Fɔ̀e u Kəzə̀, ghe yia ŋgeē fughuu sugho mugho â yòsò zò.

Faic an caibideil

Lean sinn:

Ceanglaichean taic

Sanasan

Kə̀fwàʼ 18:7 - To kə Kəzə̀ kə̀ Fughu ko

Kə̀fwàʼ 18:79 Iomraidhean Croise

Kə̀fwàʼ 18:7
9 Iomraidhean Croise