Kə̀fwàʼ 18:6 - To kə Kəzə̀ kə̀ Fughu ko

⁶ A m bùghò ghe sô komso wə̄n a fughu, sùuwn sùgho wə̄n a fughu, ù n zə̀ghàsò màʼà tsùghù kəgbə̂n an ndzʉ tə wə̄n, aledèe tsughu enyəa e fɛ nyuʼu dzə̀m â ghee. Ù n dzɛ̀ â ghee enyəa, “Vʉ zɛʼɛ e lɛɛn ko ghɛ̀, ghu kaŋa kə yo a te. Alenùghù tsughu êzə̄ŋ ndùw â sə ko, Ǹ lô ghəa gho êzəŋ nduw kəaa â Tòʼò zò.”

Kə̀fwàʼ 18:6 Iomraidhean Croise

Matìo 10:14

Mo ghe kâ ghɛ̀ kpenì, ŋkāa mo ghe tue sùghò alezə̂ən shwaʼ wɛʼɛ, ghɛ̀ n zə̀ghàa be kə te ko ŋkāa naʼ e te zo, ghɛ̀ n nyuʼu tə̀dzəm a fughu.

Matìo 21:41

Ghî a Falàsîi yì, ghèe ghê dèekə̀làŋ m bɛ̀lɛ̀ ndùw Yɛso enyəa, “Ù wîi nǔ bòobò tə aghì tə te to aŋ ŋgòʼ è dzì è bǐigh è lòʼ ènyə, ù fəŋsō nîi tsoʼò fughuu səā ndûw sum u te wo â ghì ghəla ghe lô alebɔŋɔ fughuu sugho tuʼ e wə̄n zo abugho nəgha e te e kpe tsughu.”

Matìo 21:43

Zən lò e ghee Ǹ so Ǹ dzâa wô â ghɛ̀ enyəa, ghe lo nìi nùghùun kɔ̀ʼɔ̂ fɔ̀e u Kəzə̀ aŋ ghùu ghɛ̀, ghe nîi fughuu ndûw â ghî ghəla ghe lo aleghəŋlo ghəa è dzûŋ e səā wô a te.”

Matìo 22:10

Kɔ̀ɔ mi mə̀ n sə ndùw sùghò am fwànlo e tədzǐi, kuum kaāŋ wò ghì ghəla ghe fə kôʼ tsughu a dzə̀m, à biigh gho àsùghò à dzûŋ ghò; sàŋkpàa chia ghe fə̀ ghəə̄ŋ ghəa a nì zə eghùe gho a te n lue tsughu enyə aŋ ghùu ghì ghò.

Matìo 27:25

Nɔ̂e kə aghì chi kə n daŋso dzɛ̀ tsùghù enyəa, “Na kâŋ tə wə̄n tə tsughuun ndûw ko an tuw u ghàʼ à ghêe wɛ ghaʼā gho!”

Matìo 8:11

M̀ fɛ dzàa wò nù â ghɛ̀ enyəa, ndə̀mà tə aghì tə̀ kè nùghùun wò am bàa tə mbī tən tə̀ dzə̀m, ghe e ke zəa dzəəŋ ghèe ghê Abə̀làhâm, Aezìk àsùghò ghê Yàkɔ̂b an naʼ e kəwālā.

Lûk 22:65

Ghe n tsoo sùuwn sùghò wə̄n fi an ndə̀mà tə aghəa tə̀ biigh to.

Lûk 9:5

Mò ghɛ̀ ndûw ko ghɛ ghe tâʼkè kpeē nî ghɛ̀, ghɛ̀ n zə̀ghàa naʼ e te zo, nyuʼu dzə̀m, tǒ tsə̌a â ghee enyəa ghe ŋ ghəəŋ bonlo.”

Kə̀fwàʼ 13:51

Ghe fi buʼ màʼà tsùghù nû gbwə̂n kò aŋ ghùw a ghee aledèe tsughu enyəa ghî ghə enaʼ yi kâ bǒo dzə̀ ghəa a ghee gho, nùghù ndùw e ghee zo an Ekonìum.

Kə̀fwàʼ 26:11

Mùghò m fɔeso tsughu ghee enyə an ndughu tə̀ ne tə̀n tə̀ dzə̀m, Ǹ dəmà aleghəə̄ŋ tsughu ghee enyəa ghe tuū maʼà tsughu boo zəla ghe ki. Nʉghà wə̀ ŋ ŋgee pfʉa mùghò a zəŋò ghee, mùghò m buʼù nyə̌a kaaŋ ndùw nàʼà tə tətùu Ǹ ndzaŋsō kaāŋ ndûw ko ghee.”

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Kə̀fwàʼ 28:28

Ghɛ̀ ki alekele tsughu enyəa ghe n shwaʼ u tùw kə̀ zəa u Kəzə̀ wən nî tùm fùghù ndùw â Tòʼò tò, ghe lo zuuw nù.”

Lumà 3:29

Alenìi tsughu, à lo mò Zə̀ kə̂ ka lò ko kə Tə̀dzûu kò, chia kə kuūwn buw kə Ghì ghəla ghe yô Dzûu tò à? Ɛ̂ŋgaŋ dzə̂, kə ka yò ko kə Tə̀dzûu tò, kə lo sugho Zə̀ kə ghì ghəla ghe yò Dzûu tò.

1 Timotì 5:22

Kà è tsoʼn dzə â ghue wo aletsuʼu naŋā kɔʼ ghùw enyəa ù e fwaʼā fwàʼ kə Kəzə̀ kò. Kà è nyəso ghu ko aŋ ghəa à biigh ghəla ghî à li a ghəə̄ŋ kaŋlo. E dəma tsughu ko alezɔlɔ aŋ ghəa ghə̂a à ghəəŋ gho.

2 Timotì 2:25

Ù kì alemaʼn tsughuu ghue wo alezoʼn ghì ghəla ghe kee təghasò shwaʼ wə̄n wo, kwo tən am fə̂ŋ e wə̄n enyəa Zə̀ kə̀ lo nû aleghəŋlo ghe tiī maʼà ghəa a ghee à biigh gho, ghe bugho zuūwkɛlɛ kɔʼ êsəŋò.

1 Pità 4:14

Dzɔ̀ lò â ghɛ̀ abugho ghe sûuwn ko ghɛ enyəa ghɛ̀ lo ghî a Kə̀lestò; bòʼ enyəa ghaʼ e səghanyəgha n Zuʼ te Kə̀zə̀ n lo a zəŋò ghɛ̀.

1 Pità 4:4

Tuw kə kpûuw Etòʼò enyəa ghɛ̀ kôom tə̀ma dzəəŋ yo ghee an dzə̀adzə̀ kə emùghù kəla ghe mughu ghè kò, zə lo e ghee ghe sûuwn ghɛ.