Kə̀fwàʼ 18:5 - To kə Kəzə̀ kə̀ Fughu ko

⁵ A m bùghò Saelàs nùghù wo an Màsɛ̀donìa ghèe Timotì, Pôl n nì kɔ̀ʼ nəgha e wə̄n e dzə̀m alekəaa ko shwaʼ u Kəzə̀ wò, teso ndùw tuŋlō u ghì a Dzùdîa enyəa Yɛso lo Kə̀lestò ù te.

Kə̀fwàʼ 18:5 Iomraidhean Croise

Lûk 12:50

À lò ko enyəa, Ŋ̀ ki alenyə an utsù tò ghùw lò nyəā məən tsughu an dzughù abugho ghe fughuu wə̄n â mùghù ŋ Kə̀zə̀ mò, fə̀ŋ zaŋa yo alezʉ̀nlò, à gɔ̀ʼɔ̀ ko mo ghəa e te e telè bughò tsə̀ghà tsùghù dzə̀ nù.

Lûk 16:28

ù ndùw kwɛ̂ɛn tsughu waazə̂ ghaŋa yì fughu a te, e kwo ko ghe ke bughòo sughò fɛ an lùʼù kə ŋgōʼ kən.”

Dzɔ̌n 1:41

A m bùghò Andèle zəghà tsughu Yɛso, ù ndùw kòʼ ndùw wàazə̀ tɔɔŋ Sàemòn, dzɛ̀ â wə̄n enyəa, “Ghàʼ ŋ Kə̀lestò u te kôʼ.”

Dzɔ̌n 10:24

Dzuū tə̀ m bùghò tàʼ zùuŋ kɔʼ wə̄n, bvʉ â wə̄n enyəa “Ghù ghàʼ alo kəŋgômso so bòʼò naŋa ndûw tɛ̂ ghɛ̀? Abugho à lò ghû Kə̀lestò ̀u te, dzǎa sə wò â ghàʼ an ndzughu e tughō zo.”

Dzɔ̌n 15:27

Ghue e ughùe zɛʼɛ̄ e lo e teso dzaā sugho fəgha kəla Ǹ lo ghè kò, bòʼ enyəa sɛ̌ fə̀ ghəa a te gho dzeŋe ziī tsughu a dzə̀m.”

Dzɔ̌n 3:28

Ghue e ughùe zɛʼɛ zəa e tɔ̂ʼ kwo sughò enyəa M̀ maā dzɛ̂ â ghɛ̀ enyəa Ǹ yo dzə̂ Kə̀lestò ù te, àsùghò enyəa, ghe mugho kuuwn tùm wò â sə ko enyəa M̀ bughò fəghaān naŋā tə̀luʼū â wə̄n.

Kə̀fwàʼ 10:42

Ù n dzɛ̀ â ghàʼ enyəa ghàʼ è kəaa nduw shwaʼ ù dzûŋ wò â ghì ghò, dzàa fùghuu ndùw enyəa Yɛso lǒ ghùw wəla Zə̀ kə̀ mò tsuʼ naŋā enyəa ù è saʼa tuw u ghì ghəla ghe lô â tuw ko à ghì à kpuuwn gho.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 16:1

Pôl m bùgho sùgho an Dɛbì àsùghò an Listə̀là. Ghùw ù li m mughu fughu ù boō â Zə̀ kò zən e wən e fə̀ lô Timotì; wɛ ù zəla Dzûu, tsele mò kuūwn lo ghùw ù Gə̀les.

Kə̀fwàʼ 16:12

A n zə̀ghaa tsùghu fughu nyə̀ ndùw am Filippi, naʼ zəla e lô tuw kə enaʼ ko am mbùʼ è Masɛdonia, mo e kuuwn lò a tsəlà naʼ e Lumà zò. A n tsùuŋ dòʼo kəŋo ndùw ntsuʼu fūghu alo enaʼ.

Kə̀fwàʼ 16:9

A m bùghò â tsuʼ wo, Pôl ŋ kòʼ ghùw Masɛdonia ù lì tò ù koʼ an dzǒo mò vʉ̀a ù ti, buʼu wò kəghu â wən enyəa, “Dàŋa wò an Masɛdonia ghù bugho yoso ghaʼ.”

Kə̀fwàʼ 17:3

ù n teso dzâa â ghee, dèe ndùw sùghò alo tətsə̌a enyəa Kə̀lestò mò ki nû alefalā, ù kpuūw tsughu, ù zòo nughù kɔʼɔ̄ sughò alo evʉ̄. Ù n dzâa ndùw sùghò enyəa, “Yɛso wəla Ǹ dzâa wô fɛ â ghɛ̀ ma, à lǒ wə̄n Bəghambī.”

Kə̀fwàʼ 18:28

tɔŋlo enyəa ù mò təmazəa tsughuu Tə̀dzûu ènyə mgbaŋ mgbaŋ, dèe tsùghuu alo kəmwàʼsò enyəa Yɛso lǒ Kə̀lestò.

Kə̀fwàʼ 2:36

À fi lo enyəa ghɛ̀ ghî ghə Ezə̀lɛ̂ kele tsughu enyəa Yɛso wəla ghɛ̀ mò nî təghāa, Zə̀ kə̀ ŋ wən naŋa am Mughu àsùghò aŋ Kə̀lestò.”

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

Kə̀fwàʼ 20:23

Fəgha kə̀là Ŋ̀ kwo ghè kò, à lò fəgha kə̀là Zuʼ tə̀ Zɔlɔ tə te dzâa wo â mùghò an nàʼà tə̀n tə̀ dzə̀m Ǹ nduūw enyəa ghe lo dzə̀là nù mugho an ndùghètsaʼ àsùghò enyəa tsû ù lo kwuu nù mugho.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 4:20

nu ghàʼ yo aledòʼò mo a kôom kə̀aa yò ghəa ghəla a lo mò aŋ kòʼ, zùw èsugho.”

Kə̀fwàʼ 9:22

Sôol n tsôo kèle kɔʼɔ mɛ̀ʼn ndùw ko kə̀daʼa, dèe fùghuu kɔʼɔ â Dzûu təla ghe mò mughu an Dàmaskùs enyəa Yɛso lò Ù tsùʼu, komso ndùw ghee.

2 Kòlentìan 1:19

Yɛso Kə̀lestò, Wɛ̀ ù Kə̀zə̀, wəla ghàʼ à ghê Sìlvanùs, àsùghò Timotì mò kə̂aa ghəa a wə̄n gho â ghɛ̀, ù mò teen tsəgha dzə yo alo eghəa ù ŋ kôom bùw a te; aŋ wən, ù ňaaŋ tsə̀ghà kô dzughu e wən.

2 Kòlentìan 11:9

Aŋghəa mùgho mò lo fì sɛ̀ mò Ŋ̀ ki yo fəgha ko, Ŋ̀ kamō ghùw fə̀mso dzə̀, nu à mò mugho yosō waazə̂ a sɛ̀ ghəla ghe mò nughù wo am Màsɛ̀donìa. M̀ fi doʼò wò nù, Ǹ doʼn wò nù mùghò è tsoo fəmso yo ghùw wɛʼɛ ù li an dziī è lì.

2 Kòlentìan 5:14

À sɛ̀ fɛ̀ êzə̄ŋ ki ləgha zəla Kə̀lestò ki â sɛ̀, aŋghəa sɛ̀ zuwkɛlɛ̄ tsughu dzə̂ enyəa ghùw ù lì maā kpuw an tuw u aghî a dzə̀m, à fi lo enyəa sɛ̀ a dzə̀m maā kpuw sùghò.

Fèlepìan 1:23

M̀ fɛ êzəŋ ti an tsə̀tèʼè fə ghəa a te gho a bə̀ghà. Ŋ̀ ŋgee ləghaa nù alenùghù ndûw doʼò ndûw ghàʼ à Kə̀lestò, bòʼ e dzɔ̂ tsə̀ghà àghəa à dzə̀m — alendùw doʼò a vʉ̀a Yɛso.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

1 Tɛ̀sàlonìan 3:6

Yìa a kuūwn bugho êzəŋ wəla Timotì lǒ mò ù n nùghù tsughu fì a vʉ̀a ghɛ̀ bùghò kòʼ wò ghàʼ ebàm, ù m bùghò kà màm tsaʼ kə̀ saa ko am fə̀ŋ taʼa kùu boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄, ndòʼ dzɛ̀ wò sùghò enyəa ghɛ̀ moʼn zěe nù ghaʼ an fə̂ŋ è dzûŋ mbùuŋ sùghò alekòʼ ghàʼ, tò aŋ ghəa ghàʼ mbûŋlo alekòʼ ghɛ̀.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.