Kə̀fwàʼ 18:3 - To kə Kəzə̀ kə̀ Fughu ko

³ Ghe mò lo ghî ghəla ghe mò taā tsəghà fʉgha wo aŋ gùw tə tənyòm, aleghəŋlo m̀pfʉa a te. A m bùghò Pôl ndùw kôʼ tsughu enyəa ghe fwaʼà sùghò fwàʼ kəla e fwaʼā ghè kòʼ, ù m mùghùu nyə̀ ndùw ghèe ghee, ghe n dzeŋe taa ndùw fʉghu aŋ gùw tə tənyòm.

Kə̀fwàʼ 18:3 Iomraidhean Croise

1 Kòlentìan 4:12

Ghàʼ yia wiī ghue zaʼa zo am fwàʼ ù tughu wo. Abugho ghe sûuwn wô ghaʼ, ghàʼ ŋ kuuwn fughuu ndùw ghee â bughuso zo; à m bùghò ghe ndzaŋso kaāŋ ghaʼ, ghàʼ ŋ kuuwn kɔlɔ tsughu ko tə̀fə̀ŋ.

1 Kòlentìan 9:14

À lò sugho eghəla Mughu te dzɛ̂ tsughu enyəa ghî ghəla ghe naʼn làbəlà è dzùŋ e wə̄n e zəa sugho aŋ ghəa a làbəlà è dzùŋ a te gho.

1 Kòlentìan 9:15

Ŋ̀ kâ kǔuwn dè dzə daʼa kə li ko an dwaʼa wən, Ŋ̀ ghəa ghən êzəŋ buʼù tɔ̌ɔ dzə yò enyəa to M̀ mô nîi kele kɔʼ dwaʼa u te wo aŋ ghùe waŋā. Â mùghò alezəghàa tsughu enyəa ghùw ù lì bùghò ghəə̄ŋ tsughu enyəa Ŋ̀ ka e tsɔɔ̄ fə̀ŋ am fəgha kəla Ǹ ti a te, to M̀ biso kpuw a te.

1 Kòlentìan 9:18

Namso kaŋā kə lo kwo a te a? Namso kaŋa ko a te lo enyəa mùghò e naʼn wo làbəlà è dzùŋ e te mo ghe tsəa yo mugho, àsùghò enyəa mùghò bvʉa zee yo ghɛ â fʉgha wəla M̀ mô ki alebvʉ̄ aŋghəa Ǹ naʼn wo Làbəlà è dzùŋ e te.

2 Kòlentìan 11:7

À lò enyəa mùgho mò bonlo eghəa aletsughuso naŋā tsughu ghùe waŋa a ghueetsə̄ a, enyəa ghɛ̀ kuuwn ghaʼ kɔʼ bòʼ mùgho mò kə̂aa wô shwaʼ u Kəzə̀ wò â ghɛ̀ mò ghɛ̀ kâ mùghò tsə ŋkāa?

2 Kòlentìan 11:9

Aŋghəa mùgho mò lo fì sɛ̀ mò Ŋ̀ ki yo fəgha ko, Ŋ̀ kamō ghùw fə̀mso dzə̀, nu à mò mugho yosō waazə̂ a sɛ̀ ghəla ghe mò nughù wo am Màsɛ̀donìa. M̀ fi doʼò wò nù, Ǹ doʼn wò nù mùghò è tsoo fəmso yo ghùw wɛʼɛ ù li an dziī è lì.

2 Kòlentìan 12:13

À lǒ mò ghəa è li lo nû e mɔ̀ʼ mùgho mò ghəə̄ŋ kaāŋ wo an ndzweŋe u ghì a Kəzə̀ u li wən a, mò Ŋ̀ kamō ghəəŋ fìa a lô ghɛ̀ à? À lò enyəa Ŋ̀ kamō fughu dzə̀ ghɛ â fəm ko. M̀ buʼ kəghu enyəa ghɛ̀ nizə mugho an nɔ̀ʼ è te.

1 Tɛ̀sàlonìan 2:9

Waazə̂ ghaʼa gho, ghɛ̀ mgbaŋ kwo nû aŋghəa ghǎʼ mò fwaʼà zeē nduw, bùghò fwàʼà bwǐi ndùw enyəa ghàʼ lô so e laʼà fəgha kə̀ li ko an nə̀ghà zəla ghǎʼ mò kə̂aa wô shwàʼ u Kəzə̀ wò â ghɛ̀. Ghǎʼ mǒ èzə fwaʼā aleghəŋlo enyəa e kwo ko ghàʼ lô doʼn fəm ko â ghùw wɛʼɛ u mɔ̀ʼ.

1 Tɛ̀sàlonìan 4:11

E kuūm dəma təla tsughu nlò alemughū zumso kə emùghù kò, chìa e lɛɛn tsughuu ko ghəa ghəla a lɛɛ̄n wə̄n. Ghùw è tele zəa ko an zuʼso fə wə̄n, aŋghəa ghǎʼ fə̀ dzɛ̂ naŋa â ghɛ̀,